Lpilipi 1:21 - Samburu

²¹ Amu Kristo nkichon ai, naa dupoto lkiye tanaye.

Lpilipi 1:21 Iomraidhean Croise

1 Lkorinto 1:30

Tankaraki Nkai payie itii atua Laitejeunoni Yeso, neitaa ninye ng'eno aang. Amu kore te inia nataa Yeso, nikitum iyioo sotua oipida o Nkai, nikiaku ltung'ana lenyena sinyat oaatalakuaki,

1 Lkorinto 3:22

Linchi Paulo o Apolos o Kepa, naa ninchi nkop o nkichon o lkiye, taata o kenya. Meatae ntoki namara ninchi,

2 Lkorinto 5:1

Ikiata sesen le ana kop otuwuana nkaji e nkiti kata namanya nkichui ang. Naa Ikiyielo aajo kore kenya teneidaari ele sesen, ikiata te chumata sesen oicho iyioo Nkai, oaku nkaji nabik ntarasi neitu eitibir nkaina e ltung'ani.

2 Lkorinto 5:6

Naaku ikiata nkitieunoto nkata pooki, naa ikiyielo aajo ewuon ake kiata kulo seseni, newuon eng'or payie kiaku tenebo o Laitoriani.

2 Lkorinto 5:8

Kore taa najoito, naa ikiata nkitieunoto, nikiyieu payie kitum aataa tenebo o Laitoriani alang tinikiata kulo seseni le ana kop.

Lgalatia 2:20

Kaatechoki nanu tenebo o Kristo. Merokure aa nanu oichu, kake Kristo oichu taatua nanu. Kore nkichon naichu taata te sesen, naa kapikita nkurukoto ai atua Nkerai e Nkai, ilo laatachama, neichoru nkichui enye tankaraki nanu.

Lgalatia 6:14

Kore nanu, mailachie hooyia hae toki mara ake lmusalaba la Laitoriani Yeso Kristo. Naa to nkoitiei e Kristo etechoki nkop, payie maitoki ara le nkop, naatechoki sii nanu paa maaitoki ꞉nkop aatayie nchula.

Lpilipi 1:20

Kore ntoki naanyuta naisiliguta sii oleng naa payie meatae ntoki naanyayie ꞉anyit. Naisilig ana chiaake naas maata ngureticho katukul ajo, kore to pooki naasai te sesen lai, o aichu o atua, netum Kristo rrepeta.

Lpilipi 1:22

Kake kore tanaa siaai le tipat aas tanawuon aichu naaku mayielo ajo kaa nabo agelu.

Lpilipi 1:23

Kadututa mbaa are, kayieu katukul payie aing'uaa ana kichon naaku tenebo o Kristo, naa inia supat oleng ta nanu,

Lpilipi 2:21

Kore lkulie tung'ana pooki naa mbaa enche ake enyok aayiaya, kake mara payie eas naayieu Yeso Kristo.

Lkolosae 3:4

Kore payie eibalunye kenya Kristo oara nkichui inchi, neitokini sii aaibalunyie ntae tenebo o ninye to wong'an kitok.

Mbolunoto 14:13

Naning taa ltoilo oing'uaa chumata ejo, <> Nejo Ltau le Nkai, <>