Lpilipi 1:11 - Samburu

¹¹ ebore ntae nenia sipat naaichoo ntae Yeso Kristo, payie errepi neisisi Nkai.

Lpilipi 1:11 Iomraidhean Croise

Matayo 5:16

Nejia sii entaas ntae: Enchoo wong'an inchi metoong'a tekue ltung'ana, payie edol ninche asat inchi supati neisis Papa linchi oti chumata.

Yoana 15:16

Mara ntae likitegelutua nanu kake nanu otegelua ntae, naitoki aicho ntae nkitoo nipoyieyie aaiunyie lng'anayio. Kore lng'anayio liiu naa lng'anayio oobikoo, payie eicho ntae Papa ntoki pooki niomonunu ta nkarna ai.

Yoana 15:2

Kore lng'asula pooki lai lemejing ꞉lng'anayio, nedung'oo aiturraa. Naa kore lng'asula ojing lng'anayio, neng'ur aitibir payie etum lng'anayio kumo aatijing.

Yoana 15:8

Kore tinitumtum lng'anayio kumo niakuku looiteng'eni lainien, netum Papa lai nkisisa.

Rroman 15:28

Kore naa tanaidip aitabaki ninche ntokitin pooki naatobosuaki, naimu ntae aloito kue abaki nkop e Sipein,

Rroman 6:22

Kake kore naa taata etalakuaki ntae taatua ng'ok neitoria ntae Nkai, kore nitumtum naa keitae ntae sinyat nintokiki tesiedi aatum nkichon ee ntarasi.

1 Lkorinto 10:31

Oo inya ntoki tanaa imat tanaa nkae toki pooki nias, taasa to nkoitiei nayaki Nkai nkisisa.

2 Lkorinto 9:10

Naaku kore Nkai naicho lantarara ilo ounicho o ndaa nanya, keicho ntae lantarara liyieuu neponunye lng'anayio ooitodolu aajo irara loosipat tekue Nkai.

Epeso 1:12

paa kore iyioo ootipika siligi lang atua ilo Aitejeunoni oanyutae, abaki apake ewuon eitu elotu, nikirrep ninye tankaraki nkitoo enye.

Epeso 1:14

Ltau Sinyati oitededeyie nchere iking'amaa inia naisiligie ꞉Nkai ltung'ana lenyena tenelakuni kenya. Nikirrep ninye tankaraki nkitoo enye.

Epeso 2:10

Amu ninye oitaa iyioo nikitiu taata, aitibir iyioo taa nkaik enyena kitii atua Kristo Yeso payie kias asat supati, nana apake naaitibiraka iyioo mataas.

Epeso 5:9

Amu kore wong'an naa keiu mbaa pooki supati o mbaa ee sipat o mbaa naadede.

Lpilipi 4:17

Namara taa nkichoorot ayieita, kake kayieu payie ing'amaa mayianat naatum ꞉ilo oichooyo.

Lkolosae 1:10

nitumtum aatewueni taatua nkichon naichiaakino ta Laitoriani payie inting'idng'id ninye taa mbaa pooki, iuu lng'anayio loo asat pooki supati, nibululu aayielou Nkai oleng.

Lkolosae 1:6

Kore kulo Omon Supati netabakita ntae. Naa kore ana neiuta lng'anayio nebularita to nkop pooki, nejia sii ake etiu taatua ntae. Nejia apake etiu ang'asu mparri ekue nitining'o, nining'ung'u katukul naipirita munyani e Nkai nedede.

2 Ltesalonike 1:12

payie itumtum ntae aaisisa nkarna e Laitoriani lang Yeso, nerrepi ntae o ninye ana naichiaakino munyani e Nkai ang o ne Laitoriani Yeso Kristo.

Tito 3:14

Nchoo ltung'ana lang meiteng'ena ate aas siaatin pooki supati to nyuata, payie etum yieunot naayiere oleng neata ltung'ani, payie meaku ltung'ana lemeiu lng'anayio.

Lburania 12:11

Kore nkata pooki naitemei iyioo, naa keme inia kata kake kore tesiedi neyau inia sotua oipida o Nkai oti seriani too lolo ooitemioki.

1 Petero 2:12

Entewueni to nkoitiei supat taatua lolo tung'ana lemeyielo Nkai, paa kore tenedek ntae aajo irara laitarruok, neisis kenya Nkai tankaraki nenia asat inchi supati, ta nkata e nkisabakinoto.

1 Petero 2:5

nirara sii ntae soito ooichu, nechetuni ntae payie iakuku nkaji e Nkai naitibira ꞉Ltau lenye. Nitumtum aataa lturrur laa laitainok sinyat la lasar, ooitai lasarri ooicharu ꞉Ltau Sinyati, oaang'amaroii ta Nkai tankaraki inia nataasa Yeso Kristo.

1 Petero 2:9

Kake kore ntae naa irara ltung'ana oogeluno, lturrur loo laitainok la lasar ooisiaaita Lkinkii, nirara lorere sinyati, ltung'ana le tipat le Nkai, ooipuotua ta naimin apik atua inia wong'an enye e nking'asia, payie itumtum aatilikoi rrepeta enyena.

1 Petero 4:14

Imayianana ntae tenedeki ntae tankaraki nirara le Kristo, amu kore ilo Tau le Nkai, oata nkitoo naa ketii tenebo o ntae.