Asat 2:4 - Samburu

⁴ Neiput ninche pooki ꞉Ltau Sinyati, neng'asu aairo to nkulie nkutukie, ana naidimie ꞉Ltau Sinyati ninche.

Asat 2:4 Iomraidhean Croise

Matayo 10:19

Kake teneibung'i ntae aaichooyo, eming'aing'ai ninkoko tiniwolwol anaa inia nijoijo, amu keichori ntae te inia kata nijoijo.

Marko 16:17

Naa kuna nkitodolunot naaku tenebo o lolo laairuk nanu. Kore ta nkarna ai naa kearaa lairiruani meipung'o neiro too nkutukie ng'ejuko,

Luka 1:15

Amu kore ninye, naa keaku kitok tekue Laitoriani. Nememat naichuo e lmusabibu anaa ndarpoi, naa keiput ninye ꞉Ltau Sinyati, abaki ewuon etii nkocheke e ng'otonye.

Luka 1:41

Kore payie ening Elisabet nkirorokino e Maria, neiguran nkerai taatua nkocheke enye, neiput Elisabet ꞉Ltau Sinyati.

Luka 1:67

Kore Sakaria papa lenye, neiput ꞉Ltau Sinyati, neibonu ajo,

Luka 12:12

Amu kore Ltau Sinyati, naa keiteng'en ntae inia kata, inia nayiere nijoijo.>>

Luka 21:15

Amu kaicho nanu ntae rerei liwolielie o ng'eno, paa meata abaki lobo loo lolo oarare ntae oidim aibooi ntae, tanaa oitooliki ntae.

Luka 4:1

Nerrinyunyie Yeso eing'uaa sere e Yordan ebore Ltau Sinyati. Nerik ꞉Ltau Sinyati lkees,

Yoana 14:26

Kore ilo Aretoni aa Ltau Sinyati, oreu ꞉Papa ta nkarna ai, naa keiteng'en ntae ntokitin pooki, neitoki sii aitaparru ntae mbaa pooki natilika apa ntae.

Yoana 20:22

Kore payie ejo nejia, neyang'aki ninche nejoki, <

Asat 1:5

Amu kore apa Yoana naa keipatisa ntae ta nkare, kake kore too nkuti mperot naa keipatisi ntae ta Ltau Sinyati.>>

Asat 1:8

Kake itumtum ngolon kenya tenelotu Ltau Sinyati atua ntae, nilimumu sipata ai te Yerusalem o to nkop pooki e Yudea o Samaria o neiting'ie nkop.>>

Asat 10:47

<>

Asat 11:15

<

Asat 11:24

Kore apa Barnabas naa kera ltung'ani supat, obore Ltau Sinyati o nkurukoto. Neponikino ltung'ana kumo oleng atua ilo turrur la Laitoriani.

Asat 13:52

Kake kore looiteng'eni ootii Antiok neiput ng'ida o Ltau Sinyati.

Asat 13:9

Kake kore Saulo oitokini aajo Paulo, eiputa ꞉Ltau Sinyati, neing'or aing'ode ninye

Asat 15:8

Naa kore Nkai nayielo ltauja loo ltung'ana, neitodolua ajo ketang'amaitie loreren nkichooroto e Ltau Sinyati ooichoo ninche ana sii payie eichoo iyioo.

Asat 19:6

neiteleki Paulo ninche nkaik nejing ꞉Ltau Sinyati, neng'asu airo too nkulie kutukie neibonicho.

Asat 2:11

Niking'uaa sii nkop e Kirete o Arebia. Nikining'ito sii ninche eiro too nkutukie ang mbaa kutuaa e nking'asia naataasa Nkai.>>

Asat 2:3

Neipung'oki ninche ꞉ntokitin naatuwuana lng'ejepa le nkima, newuenie nkue e pooki ng'ae otii inie.

Asat 4:31

Kore payie eidip aatoomon neikirikiro inie netumore ninche, neiput ninche ꞉Ltau Sinyati nelikoo rerei le Nkai meata ngureticho.

Asat 4:8

Kore inia kata neiput Petero ꞉Ltau Sinyati nejo, <

Asat 6:3

Naaku naa lalachera, entegelu taatua ntae lewa sapa liyielolo aajo keipida mbaa nebore Ltau Sinyati o ng'eno, likipik nkaik enche ele siaai.

Asat 6:5

Neiting'id ilo turrur pooki inia wolet. Negelu Sitepano, ltung'ani obore nkurukoto o Ltau Sinyati, o Pilipo o Porokoro o Nikanor o Timon o Parmenas o Nikolas oing'uaa lkerenket le Antiok, oibelekenye apa aaku le nkurukoto ee Lyiaudi.

Asat 6:8

Kore apa Sitepano naa ltung'ani oiputa ꞉munyani o ngolon, neas mbaa kutuaa e nking'asia o nkitodolunoto kutuaa e nkitoo e Nkai taatua ltung'ana.

Asat 7:55

Kake kore Sitepano, eiputa ꞉Ltau Sinyati, neimariri chumata nedol nkitoo e Nkai o Yeso eitache te tetene e Nkai.

Asat 8:17

Neiteleki ꞉Petero o Yoana ninche nkaik, netum Ltau Sinyati.

Asat 9:17

Nelo Anania nejing inia aji, neiteleki Saulo nkaik nejoki, <>

Rroman 15:13

Naa meiputa ntae Nkai e siligi ng'ida o sotua irukuruk ninye, paa kore to ngolon e Ltau Sinyati nirrapaii te siligi.

1 Lkorinto 12:10

Neicho likae nkidimata naasie ne nking'asia, kore likae neicho nkichooroto e naibon, neicho likae nkidimata naorie Ltau Sinyati o lairiruani, neicho likae nkidimata nairorie too nkulie kutukie naaidimie ninye, neicho likae nkidimata nalimunyie nejo nenia kutukie.

1 Lkorinto 13:1

Kore tanaa kairo nkutukie naairo ltung'ana o naairo lmalaikani namaata nchaman, naaku nchi atuwuana senkei nairu tanaa ltuala oiru.

1 Lkorinto 13:8

Meiting aikata nchaman. Kore naibon e Nkai naa keiting, neiting nkutukie naaidimie ꞉Ltau Sinyati meirori, neiting sii yielounoto.

1 Lkorinto 14:18

Kaicho Nkai nache amu kairo to nkutuk naaidimie ꞉Ltau Sinyati alang ntae pooki.

1 Lkorinto 14:5

Kore naa taata, kayieu niroro pooki too nkutukie naaidimie ꞉Ltau Sinyati, kake kore nayieu oleng naa payie imbonichocho pooki. Amu kore naibon e Nkai naa ninye naata tipat alang nkiroroto ee nkutukie naaidimie ꞉Ltau Sinyati, peechu naa keatae ltung'ani olimu aibalunyie payie eitogoli nkanisa.

Epeso 3:19

Kaomon Nkai payie ipuonunu aayielou inia chaman e Kristo narepaa yielounoto pooki, payie ebaya katukul inia kipirte e Nkai taatua ntae.

Epeso 5:18

Emintoki aamera ta naichuo, amu kore merai naa keicho ntae enchirkalie ntokitin inchi, kake enchoo eiput ntae Ltau Sinyati,

Epeso 6:18

Entoomon nkata pooki to nkomono inchi pooki, eutaa ntae Ltau Sinyati. Nirripichocho ing'iriri katukul payie itumtum aatoomonoki sinyat nkatitin pooki,

1 Petero 1:12

Keibalakinyie ꞉Nkai ninche nchere kore nenia naaing'oruta naa mara tankaraki ate kake tankaraki ntae. Netamakita sii ntae lolo ootilikita ntae Lomon Supati to ngolon e Ltau Sinyati oirriwuaki te chumata, nenia baa. Kore sii lmalaikani keyieu netum sapipiyiet ee nenia baa.

2 Petero 1:21

Amu eitu aikata eibonicho tankaraki ake nayieu neibonicho, kake kore netiu, Ltau Sinyati otirikoyie ltung'ana meiroro ake inia naichoo Nkai meiroro.