Asat 18:2 - Samburu

² Netum teinie Lyiaudii oji Akuila le nkop naji Pontos, lowuon era omoni eing'uaa nkop e Itali, o ntomononi enye naji Pirisila. Amu kore apa Kilaudio oara Kaisari inia kata, naa ketejo meata ajo mepuo Lyiaudi pooki aaing'uaa Rrom. Nelo Paulo adol ninche,

Asat 18:2 Iomraidhean Croise

Asat 11:28

Kore lobo lenche oji Agabas, neinyuototo aibonu eutaa Ltau Sinyati, ajo kelotu nkolong kitok nkop pooki ee Rroman. Naa ketabayie apa ana te nkitoria e Kilaudio.

Asat 18:18

Neitoki Paulo abik mperot kumo te Korinto tenebo o lkulie ooiruko Yeso. Kore payie eicho ninche lesere, nelo lkerenket oataaniki inie le Kenkerea nedung lpapit aitabaya mbae natudung'o apa ajo keas. Nedir meli alo nkop e Siria, nerubare Pirisila o Akuila.

Asat 18:26

Neng'asu aiteng'enicho meata lng'ach te Sinagogi. Kore payie ening ꞉Pirisila o Akuila ninye eiteng'enicho, neipot aya bata, neliki aaipidaa to nkoitiei e Nkai.

Asat 2:9

Kore iyioo naa ikira le nkutuk ee Lpartian o nee Lmedes o nee Elamaiti, netii loaamanya Mesopotamia o Yudea o Kapadokia o Pontos o Asia,

Asat 27:1

Kore payie eimieki aajo ikidir meli aapuo nkop e Itali, nepiki Paulo o lkulie tung'ana ooteenaki tenebo o ninye nkaik e lkitok oji Yulias, oitore lturrur loo sikarini ooirrita Kaisari.

Asat 27:6

Neirrachu ilo kitok loo sikarini meli naing'uaa Alekisandiria naloito Itali neitidir iyioo.

1 Lkorinto 16:19

Keiroroki ntae nkanisani pooki naatii ana luboto e Asia. Kore sii Akuila o Pirisila tenebo o nkanisa natumo ta nkaji enche, keiroroki ntae oleng taatua Laitoriani.

2 Timoti 4:19

Roroki Prisika o Akuila o nkaji e Onesiporo.

Lburania 13:24

Eroroki larikok linchi pooki o sinyat le Nkai. Keiroroki sii ntae lolo ooing'uaa nkop e Itali.

1 Petero 1:1

Kore ana palai naa nanu Petero, lkipaaret le Yeso Kristo eing'uaa. Kairoroki lgelunot le Nkai oaatasachakinete nkopi eiching'a e Pontos o ne Galatia o ne Kapadokia o ne Asia o ne Bitinia.