Asat 11:1 - Samburu

¹ Nening Lkipaareta o lkulie ooiruko Yeso ootii mbat pooki e Yudea nchere, ketang'amaitie abaki ltung'ana lamara loo Lyiaudi rerei le Nkai.

Asat 11:1 Iomraidhean Croise

Matayo 2:1

Kore apa eidipaki aatiiu Yeso te lkerenket le Beteleem le nkop e Yudea, ta ng'amata e nkitoria e Lkinkii Erode, nepuonu loibonok laa lakir ooing'uaa ng'oji neiliepunyie ndama aabaki Yerusalem,

Matayo 8:11

Kake kajoki ntae, kepuonu lkumo eing'uaa neiliepunyie o nedoyierie ndama, newueni tenebo o Abraam o Isaka o Yakobo te nkitoria e chumata.

Marko 16:5

Nejing nkurarei, nedol lbarnoti owuon ta mbata e tetene neichopito nkila naibor naado, neing'asia ninche oleng.

Luka 2:32

inia wong'an nimbalunyie too loreren pooki, o nkisisa too ltung'ana linono le Isirael.>>

Asat 1:15

Kore mparri nabo, neitache Petero taatua lalachera o nkanachera oaabaki ltung'ana ip nabo o tikitam, nejo,

Asat 11:29

Nechamaa looiteng'eni aajo kerewaki lalachera o nkanachera enche naatii Yudea reto, nemeata tee ninche lemeitai te nkidimata enye.

Asat 14:27

Kore payie ebaki ninche inie, neiturrurru nkanisa pooki tenebo, neliki ntoki pooki naitaasa ninche ꞉Nkai, neliki aajoki, ketoboloka ꞉ninye lkulie oreren nkoitiei payie etum aairuko laitoriani.

Asat 15:3

Neitanap ninche ꞉nkanisa mechomo, kore eimaa nkop e Penisia o ne Samaria, nenyaki looiteng'eni otii inie neikuna lkulie oreren payie eibelekenya aairukurukore Yeso. Neng'ida lalachera pooki oleng tana.

Asat 28:15

Kore eitu kibaki Rrom nening ltung'ana ooiruko Kristo ootii inie lomon lang, nepuonu aang'amaa iyioo te sokoni e lkerenket le Apio o nkae naji noo Lojing'i Okuni. Kore payie edol ꞉Paulo ninche, nerrinyoki Nkai nache, nening ajo etogolo.