2 Petero 2:1 - Samburu

¹ Kake keatae apake loibonok le sapare taatua ltung'ana le Isirael, ana napuonu sii laiteng'enak le sapare atua ntae kenya. Kore lolo tung'ana naa keyaki ntae nkiteng'ena e sapare nayau mutai, neany abaki ilo Aitoriani oinyieng'ua ninche, neyaki ate mutai nairrachu ninche asioki.

2 Petero 2:1 Iomraidhean Croise

Matayo 10:33

Kake kore pooki ng'ae laamiki nanu tekue ltung'ana, namiki sii nanu ninye tekue Papa lai oti chumata.

Matayo 24:11

Naa keipung'u loibonok kumo le sapare, nesap lkumo.

Matayo 24:24

Amu kepuonu kenya looitaakino Kristo o looitaakino loibonok le Nkai, neitodolu nkitodolunot kutuaa o mbaa e nking'asia, payie teneidimai, neitopong'oo abaki lgelunot.

Matayo 24:5

Amu kepuonu lkumo ta nkarna ai ejo, neitopong'oo lkumo.

Matayo 7:15

<

Marko 13:22

Amu kepuonu kenya looitaakino Kristo o looitaakino loibonok le Nkai, neitodolu nkitodolunot o mbaa e nking'asia, payie teneidimai, neitopong'oo lgelunot.

Luka 12:9

kake kore laamiki nanu tekue ltung'ana nemikini sii ninye tekue lmalaikani le Nkai.

Luka 21:8

Nejoki ninche, <, naa, Emirukurukore ninche!

Luka 6:26

Oi ntae tenerrep ntae ltung'ana pooki, amu nejia apa eikuna ꞉loominyi loibonok le sapare.

Rroman 16:18

Amu kore ltung'ana ootuwuana lolo, naa meisiaita Kristo Laitoriani lang, kake nkochuaa naarikito. Naa kore tee rereii supati nemelok, neitamae ꞉ninche ltung'ana oaamae.

1 Lkorinto 11:19

Meata nchere payie meatae lturrurri taatua ntae amu te inia ake elioi ajo ng'ae etachamayieki.

1 Lkorinto 6:20

Keitama ntae Nkai ntoki nagol nemenyieng'unoi, naaku eyanyita ninye tee sesen linchi.

1 Lkorinto 7:23

Keitama ntae Laitoriani ntoki nagol nemenyieng'unoi, emiaku naa rrindiki loo ltung'ana.

Lgalatia 2:4

Naa ikichomo inie tankaraki lalachera ooiteng'enicho sapare, ootuo atua iyioo too nkurrat aaikitalan lakunoto ang nikiata taatua Kristo Yeso. Keyieu apa neitaa iyioo rrindiki loo nkitanapat e Musa,

Lgalatia 3:13

Naa Kristo oinyiang'uaa iyioo to ldeket loo nkitanapat, netaa ninye ldeket tankaraki iyioo, amu keigero too Lkigerot ajo, <>

Lgalatia 4:17

Kore laapa alachera le sapare, naa keyieu ntae oleng. Naa mara tankaraki supaticho eyiewuoki ntae, kake keyieu neitung'aa ntae iyioo, payie intaii ate aairukurukore ninche.

Lgalatia 5:20

o sayiata ee nkaitok e sapare o nkurupore o mang'antiticho o nchankar o lom o ngoro o nchaman e koon o oro taatua lturrur o oro ee lturrurri

Epeso 1:7

Ilo laa te ninye ikiata lakunoto natalaa to lodo lenye, aa taa ketapalikaki iyioo nkitarruorruot ang. Keitodolu ana newua munyani naichoo iyioo Nkai,

Epeso 4:14

Naaku mikintoki aaku nkera naanang'aa laing'ok le nkare idie o idie, nenia naaya siwuo pooki le nkiteng'ena ee ltung'ana oaasapicho o loaata losegin, neitopong'oo metijing'a atua losegin le sapare.

Lpilipi 3:19

Kore nkiting'oto enche naa mutai, nera nkochuaa enche nkai enche, naa kore mbaa e nkurruna naa ninche eikarrie, neparraa ake mbaa e ana kop.

Lkolosae 2:18

Emincho hoo ltung'ani ojo keitodoyio koon nesai lmalaikani edung'oki ntae nkiguana. Kore ltung'ani laijo ilo naa mbaa naadol ake eitirrichaki, neiliepunyie koon pecheu tankaraki ee mparrunot e tung'anicho.

Lkolosae 2:8

Entodol payie meatae ake ltung'ani oitaa ntae ltung'ana ooteenikaki nkiteng'ena e pecheu e sapare. Kore inia naa lkerreti loo ltung'ana eirukurukore ooirichakino nkitanapat e ana kop, namara Kristo.

1 Timoti 5:8

Kake kore tanaa keatae lemeibung ltung'ana lenyena, nelus le nkang enye naa keiturrayie ninye nkurukoto, neaku keitorno alang leitu eiruk.

2 Timoti 4:3

Amu kelotu kenya nkata nemeidimare ltung'ana nkiteng'ena nadede. Kore neas ninche, naa ng'uarrat enche erubare neiturrurroki ate laiteng'enak oojo mbaa naayieu nkiyiaa enche nening.

Tito 1:11

Meata ajo mijoki metiripa nkutukie, amu keing'oling'olita nkang'ite eiteng'enicho mbaa nemeyiere neiteng'enicho tankaraki keiyieu ninche netum ntoki to nkoitiei e monkoichio.

Tito 3:10

Kore ltung'ani oyeu nkiteng'ena e sapare, ng'odia ninye nkata ekue o ne are, naa kore tenelo kue te inia, timirai ninye,

Lburania 10:29

Entaparrai naa ja newua wochoto naichiaakino ltung'ani lemeyanyit Nkerai e Nkai, newa ilo odo lo lning'o oitisinya ninye metaa ntoki namara sinyati, netediaa Ltau Sinyati oicho iyioo munyani e Nkai.

1 Petero 1:8

Itachama ntae ninye abaki eitu idoldol, niruko abaki midolitata taata, neiputa ntae ng'ida kitok nemelimunoi

2 Petero 2:3

Kore to luboi enche, nenyok aaitorogony ntae taa natinin nemeti sipata aayayie ntae ropiyiani. Kake keanyita ake ninche ꞉nkiguana natudung'oka apa Nkai, nelotuta mutai enche.

1 Yoana 2:26

Kaigeroka naa ntae kuna baa aparru lolo oonyokita aaitopong'oo ntae.

1 Yoana 4:1

Lacham lainien, emiiruk ltau pooki, kake entisipu ltauja payie iyielouu tanaa Nkai eing'uaa, amu ketijing'a nkop ꞉loibonok kumo le sapare.

Yuda 1:18

Amu ketiakita ntae, <>

Yuda 1:4

Amu keteleliakinete atua ntae ltung'ana ooigerokaki apa nkiguana ewoun eng'or. Kore ninche naa ltung'ana lemeyanyit Nkai, neibelekenya munyani e Nkai ang aaitaa nkoitiei naasie asat e aanyit, neany Yeso Kristo oara ninye apeny lkitok, naa ninye apeny Laitoriani lang.

Mbolunoto 13:14

Kore taa nana baa naaing'asicho naaichooki metaasa tekue inia ng'ues torno ekue, nesap ltung'ana pooki oaamanya nkop. Neitirrichaki meeitibira nkitanyanyukoto e inia ng'ues ekue, inia nataraki apa metua ta lalem neinyiaaka apiu.

Mbolunoto 2:13

Mbolunoto 2:9

Mbolunoto 3:8

Mbolunoto 5:9

Nerany sinkolio ng'ejuk ejo, <

Mbolunoto 6:10

Nebuak to ltoilo kitok ejo, <>