2 Petero 1:1 - Samburu

¹ Kore ana palai naa keing'uaa Simon Petero, oara laisiaayiani o Lkipaaret le Yeso Kristo. Kairoroki ntae lolo oichoo ꞉Nkai meiruko ana mbae e tipat aajo, kore Nkai ang nara Laitejeunoni Yeso Kristo naa loosipat, ana ake taata nikiruk.

2 Petero 1:1 Iomraidhean Croise

Matayo 10:2

Naa kuna nkarn ee lkipaareta tomon o oare: kore lekue naa, Simon oji Petero o Andirea lalache lenye, o Yakobo layieni le Sebedayo o Yoana lalache lenye,

Matayo 4:18

Kore mparri nabo echepita ꞉Yeso mpaso e Galilaya, nedol lalachera oare, enang'akita lgiitani atua mpaso, amu kera apa ninche laibung'ak loo sinkirri. Kore lobo naa Simon, oichooki kenya nkarna naji Petero, neji ilo likae Andirea.

Luka 1:47

neng'idakino ꞉ltau lai Nkai, Laitejeunoni lai,

Luka 11:49

Naa inia payie etejo Nkai to Kursaicho enye nchere,

Yoana 1:42

Nerikoki ilo alache lenye Yeso. Neing'or ꞉Yeso ninye nejoki, <> Kore Kepa ta nkae kutuk naa Petero.

Yoana 12:26

Kore ꞉pooki ng'ae laaisiaai nanu, nchoo sii elo kue airukurukore nanu, payie eaku kore natii nanu netii sii laisiaayiani lai. Kore ꞉pooki ng'ae laaisiaai nanu, naa keicho ꞉Nkai nkanyit.

Yoana 20:21

Neitoki ꞉Yeso ajoki ninche, <>

Asat 15:14

Ketilika iyioo Petero neikuna ꞉Nkai payie egelu taatua loreren, lorere lenye.

Rroman 1:1

Kore ana palai, naa nanu Paulo eing'uaa, laisiaayiani la Laitejeunoni Yeso, naaipoto ꞉Nkai mataa Lkipaaret naategelua matilikoi Lomon Supati lenyena.

Rroman 1:12

Kore najoito naa ana, nchere kayieu nalotu inie nitii payie kitum aitogoloto to nkurukoto niking'ar tenebo, aitogol nanu ntae to nkurukoto ai, nikintogolgol sii ntae nanu te ninchi.

Rroman 1:17

Amu kore Lomon Supati, naa keibalunyie neiko Nkai teneicho ltung'ana sipata enye naicho metumo sotua oipida o ninye. Naa kore ng'asunoto o nkiting'oto naitabarieki ele sotua, naa nkurukoto. Ana nejo Lkigerot Sinyat nchere, <>

1 Lkorinto 1:30

Tankaraki Nkai payie itii atua Laitejeunoni Yeso, neitaa ninye ng'eno aang. Amu kore te inia nataa Yeso, nikitum iyioo sotua oipida o Nkai, nikiaku ltung'ana lenyena sinyat oaatalakuaki,

1 Lkorinto 15:9

Amu kore nanu naa meitoki ara too lkipaareta pooki le Yeso, nemeichiaakino payie aaipoti aajo lkipaaret lenye, amu kaitama nkanisa e Nkai sina.

1 Lkorinto 9:1

Amaa, keatae sa ntoki naaibooyo payie maas nayieu? Mara nanu Lkipaaret la Laitoriani? Amaa, eitu adol nanu Laitoriani lang too nkonyek ainien? Amaa ntae, mara lng'anayio le siaai lai lataasa taatua Laitoriani irara?

2 Lkorinto 4:13

Kejo Lkigerot Sinyat, <> Kore to nkurukoto naijo inia, ikiro sii iyioo tankaraki nikiruko.

2 Lkorinto 5:21

Amu kore ilo leitu eas ng'oki, neitaa ꞉Nkai lasar lo ng'ok ang, paa kore aimu ninye nikiaku iyioo loosipat tekue Nkai.

Lgalatia 2:8

Amu kore ꞉ilo oidimie Petero metaa Lkipaaret loo loomurata, ninye sii laaidimie nanu mataa Lkipaaret loo loreren.

Epeso 3:5

inia neitu apake eiteyielo ꞉Nkai ltung'ana loo ntowuoitin e apa ana natoboloka taata ta Ltau lenye Sinyati, Lkipaareta o loibonok lenyena sinyat.

Epeso 4:11

Naa ninye oitaa lbata lkipaareta, neitaa lkulie loibonok, neitaa lkulie lalikorok loo Lomon Supati, neitaa lkulie lchekuti le nkanisa, neitaa lkulie laiteng'enak,

Epeso 4:5

Lobo Laitoriani, nabo nkurukoto, nabo nkipatisare,

Lpilipi 1:1

Kore ana palai naa keing'uaa Paulo tenebo o lalache lang Timoti oaara laisiaayiak le Yeso, ilo Aitejeunoni oanyutae apa. Ikiroroki sinyat pooki le Kristo Yeso ootii Pilipi, tenebo o larikok o laisiaayiak le nkanisa enche.

Lpilipi 1:29

Amu keichoo ntae Nkai munyani tankaraki Kristo, namara ake payie irukruk ninye kake payie itumtum sii sina tankaraki ninye.

Lpilipi 3:9

naatumi aitoki taatua ninye, maaiken ꞉Nkai ajo loosipat tankaraki naibung'a nkitanapat enyena, kake payie aiken ajo loosipat tankaraki nairuko Kristo. Kore inia naa nkichooroto naing'uaa Nkai, nairichakino nkurukoto,

2 Timoti 1:5

Kaparru inia kurukoto ino nadede nikitii atua, natii apa atua nkoko lino Lois o ng'utunyi Yunis, naata taata sipata nchere ikitamanya atua iyie.

Tito 1:1

Kore ana palai naa keing'uaa Paulo laisiaayiani le Nkai nera sii lkipaaret le Yeso Kristo. Kaaterewuaki payie aretu loogeluno le Nkai metubulu to nkurukoto neyielou ndedei, amu keiteng'en inia dedei meturia Nkai.

Tito 1:4

Kaairoroki iyie Tito, nkerai ai nadede to nkurukoto niking'ar. Metaa munyani o sotua oing'uaa Nkai Papa o Kristo Yeso Laitejeunoni lang, tenebo o iyie.

Tito 2:13

kianyuta siligi lang omayiana, meitabari tenelioii nkitoo ee Nkai aang kitok, nara Laitejeunoni lang Yeso Kristo.

Yakobo 1:1

Kore ana palai naa nanu Yakobo, oara laisiaayiani le Nkai o la Laitoriani Yeso Kristo eing'uaa. Kairoroki lolo mareita tomon o oare oaatasachayieki aasachaki atua loreren.

1 Petero 1:1

Kore ana palai naa nanu Petero, lkipaaret le Yeso Kristo eing'uaa. Kairoroki lgelunot le Nkai oaatasachakinete nkopi eiching'a e Pontos o ne Galatia o ne Kapadokia o ne Asia o ne Bitinia.

1 Petero 1:7

Kesipuni chiaake soit omiri oji saabu teneimieki nkima, naa keidim saabu nerroyo, kake kore nkurukoto keata tipat oleng alang saabu. Kore kuna temat niimaa, naa itumtum payie esipuni nkurukoto inchi. Kore tanaa kesipa nkurukoto inchi, neaku kenya rrepet o nkisisa o nkanyit teneibalunyieki Yeso Kristo.

1 Petero 2:7

Naaku itumtum kenya ntae ooiruk rrepeta, kake kore too lolo lemeiruk nchi ejo lkigerot, <

1 Petero 5:1

Kore ara nanu lpayian le nkanisa, nara sii lobo oata sipata naipirita sina oatama apa Kristo, nara long'arieki nkitoo naibalunyieki kenya, kaitaarriyian naa taata lpayiani linchi le nkanisa ajo inji:

2 Petero 1:4

Naa kore te inia golon o nkitoo enye, neichoo iyioo lekutukie lenyena oata tipat nera kutuaa oleng. Paa kore tee nenia nitumtum aatang'ar mpukunoto e Nkai, indipa apa aailanya mutai natii ana kop tankaraki ng'uarrat.

Yuda 1:1

Kore ana palai naa keing'uaa Yuda, laisiaayiani le Yeso Kristo oara sii lalache le Yakobo. Kairoroki lolo ooipoto, oaatachama ꞉Nkai Papa, neirritita ꞉Yeso Kristo.