1 Timoti 2:3 - Samburu

³ Kore inia naa keisupat neng'amaroi tekue Nkai Laitejeunoni lang,

1 Timoti 2:3 Iomraidhean Croise

Luka 1:47

neng'idakino ꞉ltau lai Nkai, Laitejeunoni lai,

Rroman 14:18

Kore ilo oisiai Kristo aiko nejia, naa keiting'id Nkai, neicho sii ꞉ltung'ana ninye nkanyit.

Lpilipi 1:11

ebore ntae nenia sipat naaichoo ntae Yeso Kristo, payie errepi neisisi Nkai.

Lpilipi 4:18

Kore naa, katang'amayie nkichoorot pooki nikiterewakita, naa keterepaitie yieunot ainien. Kaata naa taata pooki nayieu amu kaitabaka ꞉Epapiroditas nkichoorot inchi. Kore ninche naa lasar orropili, ong'amaroi neiting'id Nkai.

Lkolosae 1:10

nitumtum aatewueni taatua nkichon naichiaakino ta Laitoriani payie inting'idng'id ninye taa mbaa pooki, iuu lng'anayio loo asat pooki supati, nibululu aayielou Nkai oleng.

1 Ltesalonike 4:1

Kore naa aitoki lalachera o nkanachera, ikilej ntae nikintaarriyian ta Laitoriani Yeso payie iwuenini te nkichon naiting'id Nkai ana nikinteng'enita ntae. Kore ana niwuenitata aaiko nejia, enchom naa kue oleng inkoko nejia!

1 Timoti 1:1

Kore ana palai naa nanu Paulo eing'uaa, ilo oataa Lkipaaret le Kristo Yeso te nkitanapata e Nkai nara Laitejeunoni lang o Kristo Yeso oara siligi lang.

1 Timoti 4:10

Kore tankaraki inia, ikiasita siaai to nyuata o te nkinyinyiret, amu Nkai naichu etii siligi lang, laa ninye Laitejeunoni loo ltung'ana pooki, neisul too ꞉lolo ooiruk ninye.

1 Timoti 5:4

Kake teneata nkoiliai nkera anaa nkera ee nkera enyena, keyiere ang'as tekue neyielou ꞉nenia kera aajo keichiaakino neyanyita neret nkang enche, errinyoki nache lolo ooitubulutua ninche, amu ana naiting'id Nkai.

2 Timoti 1:9

Keitejewua ninye iyioo, neipoto iyioo to nkupototo sinyati, namara tankaraki nikitaasa toki, kake tankaraki yieunoto o munyani enye. Kore ana munyani naa keichooki iyioo te Kristo Yeso ewuon meatae nkop,

Lburania 13:16

Mirikino ias supati tanaa ing'arichiere lkulie, amu kore asat naijo nenia naa lasar oiting'id Nkai.

1 Petero 2:20

Kaa rrepet etum ltung'ani, ong'iri teneidong'i tankaraki nataasa ntorrok? Kake kore teneidong'i ntae iasitata sipat ning'iriri, naa kechamaa Nkai inia.

1 Petero 2:5

nirara sii ntae soito ooichu, nechetuni ntae payie iakuku nkaji e Nkai naitibira ꞉Ltau lenye. Nitumtum aataa lturrur laa laitainok sinyat la lasar, ooitai lasarri ooicharu ꞉Ltau Sinyati, oaang'amaroii ta Nkai tankaraki inia nataasa Yeso Kristo.