1 Petero 5:9 - Samburu

⁹ Emboi ninye, mingusgus taatua nkurukoto ang. Iyielolo naa aajo ketipikaki lalachera o nkanachera inchi to nkop pooki, mbaa e sina naatuwuana kuna.

1 Petero 5:9 Iomraidhean Croise

Luka 22:32

kake kaatoomonoka nanu iyie, payie meichunye nkurukoto ino. Naa kore payie iwuatuwuata kenya, ntogolo naa lalachera linono.>>

Yoana 16:33

Katilika ntae kuna baa payie iatata seriani taatua nanu. Iatata sina to nkop, kake entogolo nkochua amu katimira nanu nkop!>>

Asat 14:22

Neitogol ninche ltauja loo lolo ooiteng'eni aarreten payie ewueni taatua inia nkurukoto ejoki, <>

1 Lkorinto 10:13

Kore inia temata nitumo, taparru ajo ntemat ake naatiu nejia eimarita ltung'ana pooki. Naa keisiligai Nkai amu meicho ntae etum ntemat naalang nindimumu. Kore aitoki teneitemei ntae, naa keitibir Nkai nkoitiei nimpung'unyienyie taatua nenia temat payie itumtum aating'iria.

Epeso 4:27

niminchocho Chitani mpaach.

Epeso 6:16

Kore too pooki, entarrapu long'o le nkurukoto, payie indimdim aatar mbaa naaiyupuyup naang'oru ilo torno.

Lkolosae 2:5

Kore abaki matii nanu tenebo o ntae te sesen, katii tenebo o ntae ta ltau, ang'ida tanadol ntae intachoo to nkurukoto nadupa taatua Kristo.

1 Ltesalonike 3:3

Naa ikitaasa inia payie meatae linchi oigusgus to nkurukoto enye tankaraki kulo sinaitin oonyeita ntae. Naa iyielolo ntae maate aajo kore kulo sinaitin, naa ketegelakaki apake iyioo.

1 Timoti 6:12

Tama larrabal supat le nkurukoto ang, nitilimua teinia limunoto supat nintayia tekue ltung'ana kumo, nimbung'a inia kichon ee ntarasi nikimpotokaki apa.

2 Timoti 3:12

Naa kore pooki ooyieu newueni eurie Nkai taatua Kristo Yeso, naa keitami sina,

2 Timoti 4:7

Atama larrabal supat, kakueta naidipa inia kuetata, naibung'a nkurukoto.

Lburania 11:33

Kore to nkurukoto ketimira ninche lochon, netaasa naasipa, neng'amu lekutukie le Nkai, neikeno nkutukie ee lng'atunyo,

Lburania 12:8

Tana oitiei eitubulu Nkai nkera enyena, naa tanaa meitubulu ntae aiko nejia, naaku irara nkera naataluno, nimirara nkera enyena.

Yakobo 4:7

Entodoi naa ate tekue Nkai. Entany Chitani, naa keisig aing'uaa ntae.

1 Petero 1:6

Naa enting'idata te inia oleng, oo duo abaki aa meata ajo misinanionio tankaraki ntemat kumo niimaa te nkiti kata.

1 Petero 2:21

Keipoto ntae Nkai payie ing'iriri kulo sinaitin, amu keimayie sii Kristo sina anang ntae, neitodol ntae ninkoko tininjipaa rriata lenye.

1 Petero 3:14

Kake kore abaki eitam ltung'ana ntae sina tankaraki nirara loosipat, naa imayianana. Emiata ngureticho tankaraki ninche, nimiirranana.

1 Petero 4:13

Kake kore iimaritata sinaitin ootuwuana le Kristo enting'idata, paa kore teneibalunyieki nkitoo enye nitumtum ng'ida kitok oleng.

Mbolunoto 1:9

Kore apa nanu Yoana oara lalache linchi taatua Yeso naa katanapa sina oitamitae ntae, nara sii le nkitoria e Nkai tenebo o ntae, nikiting'iria tenebo. Kaawaki apa lkuran oji Patimos tankaraki rerei le Nkai o sipata e Yeso natilikoyie.

Mbolunoto 6:11

Neichori pooki nkilani naaibor, nejokini meeyeng'iyeng'ata te nkiti kata ana meiputakinoto lkulie asiaayiak le Yeso, lalachera o nkanachera naari metuata ana ninche.

Mbolunoto 7:14

Najoki, <> Naajoki, <