1 Petero 5:6 - Samburu

⁶ Entodoi naa ate taabori nkaina nagol e Nkai, payie etum ninye ailiepunyie ntae ta nkata enye.

1 Petero 5:6 Iomraidhean Croise

Matayo 23:12

Kore pooki ng'ae oiliepie koon, neitodouni, naa kore loitodou koon neiliepieki.

Luka 1:52

Neitodou lkutuaa too lorikan lenche le nkitoo neiliepie lolo oobor.

Luka 14:11

Amu kore pooki ng'ae oiliepie koon naa keitodouni, naa kore loitodoyio koon naa keiliepieki.>>

Luka 18:14

Kajoki ntae, kore ele aitalakunoni le kodi naa ketodoyie alo nkaji enye eikenakaki sipat tekue Nkai, kake nemeikenakini laduo Lparisayoi. Amu kore pooki ng'ae oiliepie koon neitodouni, naa kore loitodou koon neiliepieki.>>

Rroman 5:6

Kore apa ewuon kira ltung'ana lemeitoki eidim, kore ta ng'amata naichiaakino, nenang ꞉Kristo ltung'ana lemeyanyit Nkai.

1 Lkorinto 10:22

Amaa, ikintorioki aang'elaki Laitoriani? Aa ikigol iyioo aalang ninye?

1 Timoti 2:6

oitayia nkichui enye alakunyie ltung'ana pooki. Kore ana, naa payie eaku limunoto tenebau nkata nategeluaki.

Tito 1:3

Naa kore ta nkata nategelua ꞉Nkai nara Laitejeunoni lang, /neibalunyie ele kilikuai te likoroto ai laaing'urie matilikoi ana naaitanapa.

Yakobo 4:10

Entodoi ate tekue Laitoriani, naa keiliepunyie ninye ntae.

Yakobo 4:7

Entodoi naa ate tekue Nkai. Entany Chitani, naa keisig aing'uaa ntae.

Yakobo 5:10

Lalachera o nkanachera ainien, entaparru lolo oibonok apa le Nkai oiroro ta nkarna e Laitoriani ooting'iria abaki eitamitae sina, enting'iri sii ntae sina ana ninche.