1 Petero 5:5 - Samburu

⁵ Kore naa ntae oaara leleru, entodoi ate too lpayiani le nkanisa. Nemeata linchi, pee era lpayian anaa ltung'ani lelerie, lemerretena payie etum aisiaayia likae to mborron, amu, <>

1 Petero 5:5 Iomraidhean Croise

Luka 22:26

Kake metiu nejia taa ntae, enchoo metaa kore lkitok neaku lkini, neaku ꞉larikoni laisiaayiani.

Rroman 12:10

Entachamata katukul ana lalachera o nkanachera, ninchocho metaa meata lemenyok aaitodolu nkanyit alang likae.

Rroman 13:14

kake enchopo Laitoriani Yeso Kristo, niminchocho eaku mpukunoto inchi torno iparraa, payie meinyuototo ake ng'uarrat torrok enyena.

Epeso 5:21

Meatae lemeitodoyio koon te likae tankaraki nirara ltung'ana oourie Kristo.

Lpilipi 2:3

Emias hoo mbae eji amu iyieuu nintodolulu aajo irara le tipat too lkulie tanaa te nkilacha, kake kore to mborron enkena aajo kera lkulie le tipat aalang ntae.

Lkolosae 3:12

Kore irara lgelunot sinyat le Nkai oaacham ninye, entaa loaata lng'er o nanai e nkocheke o ng'iriata o mborron.

1 Timoti 5:1

Mikurrakino lpayian kitok te iyie, kake irorie ninye ana ninko papa lino. Ntaarriyiana ltung'ana leleru ana ninko lalachera linono,

Lburania 13:17

Entining larikok linchi nintodoyioyio ate taabori ninche, amu ntae eirrita eyielo aajo keipar kenya ꞉Nkai. Entining ninche payie etumoki ninche aataas siaai lenche te ng'ida meata long'unyung'unyi, amu mesupataki ntae inia.

Yakobo 4:6

Kake kore eyia, keikitok munyani naichoo iyioo ꞉Nkai. Naaku kejo Lkigerot Sinyat, <>

1 Petero 3:8

Kaidip ana kitaarriyiana ajoki ntae payie iwuenini pooki inyanya nabo, niatata lng'er, nichamama ana lalachera o nkanachera, nenanaa ntae ochuaa, niborbor.

1 Petero 4:1

Kore naa amu ketumo Kristo sina te sesen lenye, entanapata sii ntae payie iimaa sina ana apa neikuna ninye. Amu kore ilo otumo sina te sesen lenye tankaraki Kristo, netumuta ajo meas ng'ok,

1 Petero 4:5

Kake keipari kenya ninche, tekue ilo oterretene payie eiguanare looichu o lootuata.