1 Petero 3:8 - Samburu

⁸ Kaidip ana kitaarriyiana ajoki ntae payie iwuenini pooki inyanya nabo, niatata lng'er, nichamama ana lalachera o nkanachera, nenanaa ntae ochuaa, niborbor.

1 Petero 3:8 Iomraidhean Croise

Matayo 18:33

Amaa, meyiere apa ning'urrie lboitiei lino ana naikuna nanu paaing'urrie iyie?>

Luka 10:33

Kake kore Samariai obo olotito, nelotu neti ilo tung'ani. Kore payie edol, neing'erru oleng.

Asat 2:1

Kore ta mparri nanyeitae ntasim e Pentekost, naa ketii apa looiteng'eni pooki tenebo.

Asat 27:3

Kore mparri naijipu inia nikibaki lkerenket le Sidon. Naa kore tankaraki natumo ꞉Paulo omom te Yulias, neicho mechomo atua sotuatin lenyena, payie etum aateret ninye.

Asat 28:7

Ketaaniki inie ng'oji nikitabakita, lchampai lo lkitok le ilo lkuran oji nkarna enye Pabilio. Neitoomon iyioo te nchaman nkang enye, nikiaku lomon lenyena tee mperot uni.

Asat 4:32

Kore lolo pooki ooiruko Yeso, neaku nabo taa ltauja o taa mparrunot. Nemeatae hoo ltung'ani oiken ntokitin naata ajo nenyena aapeny, kake ketang'ara ntokitin enche pooki tenebo.

Rroman 12:10

Entachamata katukul ana lalachera o nkanachera, ninchocho metaa meata lemenyok aaitodolu nkanyit alang likae.

Rroman 15:5

Meichoo ntae Nkai naa ninye eing'uaa ng'iriata o rreten entum mparrunoto nabo ana inia naata Kristo Yeso,

1 Lkorinto 1:10

Kaamon ntae lalachera o nkanachera ainien ta nkarna niyanyitnyit e Laitoriani lang Yeso Kristo, entining'oto pooki miatata oro taatua ntae, niakuku nabo katukul taa mparrunot o too nduaat.

1 Lkorinto 12:26

Kore tenemei rubata nabo e sesen, nemei rubat pooki tenebo o inia, kore payie etum rubata nabo rrepet, neng'ida rubat pooki.

Epeso 4:2

Entaa katukul ltung'ana ooitodou ate, niborbor, ning'iriri, meatae lemeng'iri o likae taatua nchaman,

Epeso 4:31

Enturrai mion nayau ngoro o lchut le ngoro o lbuaa o ldeket pooki tenebo sii nkiba pooki.

Epeso 4:32

Kake entaasa ltung'ana supati niakuku loaanana ochuaa, nipalikiki lkulie ana natapalika ntae Nkai taatua Kristo.

Lpilipi 2:3

Emias hoo mbae eji amu iyieuu nintodolulu aajo irara le tipat too lkulie tanaa te nkilacha, kake kore to mborron enkena aajo kera lkulie le tipat aalang ntae.

Lpilipi 3:16

Kore nayiere naa tinikipuo kue kimbung inia nikindipa aateyielo.

Lkolosae 3:12

Kore irara lgelunot sinyat le Nkai oaacham ninye, entaa loaata lng'er o nanai e nkocheke o ng'iriata o mborron.

Lburania 13:1

Entewueni ichamama ana lalachera o nkanachera.

Yakobo 2:13

Amu kore lemeata lng'ur, naa meing'urrieki sii ninye tenedung'okini nkiguana, kake keikitok lng'ur alang nkiguana.

Yakobo 3:17

Kake kore inia ng'eno naing'uaa chumata, kore nekue naa keisinyati, neyau sii seriani o ng'iriata nening'icho, neata lng'er neiu lng'anayio supati, nemeata ngela nemeitaakino.

Yakobo 5:11

Kore naa, ikidol aajo kemayiana lolo ooting'iria sina. Itining'o apa ng'iriata e Ayubu o neitaasa ꞉Laitoriani ninye te siedi, nchere keata Laitoriani lng'er o lng'ur.

1 Petero 1:22

Kore naa tankaraki intibirita ate aaning ndedei netachamayie ntae Nkai, entachamata katukul taa ltauja supati, payie intodolulu nchaman nadede ana lalachera o nkanachera.

1 Petero 2:17

Eyanyita ltung'ana pooki. Entacham lalachera o nkanachera inchi naairuko Yeso, niurieii Nkai, ninchocho lkinkii nkanyit.

1 Petero 5:5

Kore naa ntae oaara leleru, entodoi ate too lpayiani le nkanisa. Nemeata linchi, pee era lpayian anaa ltung'ani lelerie, lemerretena payie etum aisiaayia likae to mborron, amu, <>

2 Petero 1:7

kore uriata e Nkai, niponikiki nchaman ee ltung'ana ooiruko Yeso, niponikiki nchaman ee ltung'ana ooiruko Yeso nchaman ee lkulie tung'ana pooki.

1 Yoana 3:14

Kore naa amu ikicham iyioo lalachera lang, naaku ikiyielo aajo ikitung'aitie iyioo lkiye nikijing atua nkichon. Amu kore ilo lemecham lalache lenye naa atua lkiye etii.