1 Petero 2:9 - Samburu

⁹ Kake kore ntae naa irara ltung'ana oogeluno, lturrur loo laitainok la lasar ooisiaaita Lkinkii, nirara lorere sinyati, ltung'ana le tipat le Nkai, ooipuotua ta naimin apik atua inia wong'an enye e nking'asia, payie itumtum aatilikoi rrepeta enyena.

1 Petero 2:9 Iomraidhean Croise

Matayo 4:16

Kore lolo tung'ana otii atua naimin, etoduaa ninche wong'an kitok oleng, naa kore sii lolo otii nkop naimulayie ꞉loip lo lkiye, etoong'aka ninche wong'an.>>

Matayo 5:16

Nejia sii entaas ntae: Enchoo wong'an inchi metoong'a tekue ltung'ana, payie edol ninche asat inchi supati neisis Papa linchi oti chumata.

Luka 1:79

paa kore lolo oowueni taatua naimin o loip lo lkiye, neitoong, neteeyo nkejek ang to nkoitiei e seriani.>>

Yoana 17:19

Kaitai koon aaku lasar sinyati anang ninche, payie eitisinyi sii ninche te ndedei.

Asat 20:28

Naa entodol naa ate o mboo pooki ee nkerra naatipika ꞉Ltau Sinyati nkaik inchi payie irritata, aaku lchekuti le nkanisa e Nkai nainyieng'ua to lodo le Nkerai enye.

Asat 26:18

tobolo nkonyek enche nichuku taatua naimin apik atua wong'an. Impung'unyie taatua nkitoria e Chitani achukoki Nkai, netum mpalikinoto ee ng'ok o mpaach enche taatua lolo ooitisinyaki tankaraki naairuko nanu.>

Asat 26:28

Nejoki ꞉Agiripa, <>

Rroman 9:24

Keipoto sii iyioo Nkai, namara ake iyioo oaara loo Lyiaudi aapeny eipoto, kake abaki lolo oaara loo lkulie oreren.

1 Lkorinto 3:17

Teneitarruo ltung'ani nkaji e Nkai, near ninye ꞉Nkai. Amu kore nkaji e Nkai naa keisinyati, naa ntae inia aji.

Epeso 1:14

Ltau Sinyati oitededeyie nchere iking'amaa inia naisiligie ꞉Nkai ltung'ana lenyena tenelakuni kenya. Nikirrep ninye tankaraki nkitoo enye.

Epeso 1:6

payie kitum aaterrep ninye tankaraki munyani enye kitok naichoo iyioo pecheu aimu Nkerai enye nacham.

Epeso 3:21

metaa nenye nkisisa tee iyioo otii nkanisa nikitii atua Kristo Yeso, too ntowuoitin pooki ntarasi o ntarasi! Aamin.

Lpilipi 3:14

Naaku kanyok abaki nkiting'oto payie atum aisula nang'amaa inia kichon e chumata naaipotoka ꞉Nkai ta Laitejeunoni Yeso.

Lkolosae 1:13

Netalakua iyioo aitung'aa nkitoria e naimin nepik iyioo atua nkitoria e Nkerai enye nacham,

2 Timoti 1:9

Keitejewua ninye iyioo, neipoto iyioo to nkupototo sinyati, namara tankaraki nikitaasa toki, kake tankaraki yieunoto o munyani enye. Kore ana munyani naa keichooki iyioo te Kristo Yeso ewuon meatae nkop,

Tito 2:14

Keichorua koon anang iyioo payie elaku iyioo too ntorrok ang, neituk iyioo payie kiaku ltung'ana lenyena le tipat oonyok aas mbaa supati.

1 Petero 1:2

Etegelua apa ntae Nkai Papa te yieuna enye eitisiny ntae ta Ltau Sinyati payie irukuruk Yeso Kristo neituk ntae lodo lenye. Meiputa ntae munyani o seriani.

1 Petero 2:5

nirara sii ntae soito ooichu, nechetuni ntae payie iakuku nkaji e Nkai naitibira ꞉Ltau lenye. Nitumtum aataa lturrur laa laitainok sinyat la lasar, ooitai lasarri ooicharu ꞉Ltau Sinyati, oaang'amaroii ta Nkai tankaraki inia nataasa Yeso Kristo.

1 Petero 4:11

Kore ilo olikoo rerei le Nkai, naa meata ajo melikoo ake inia najo ꞉Nkai. Kore ilo oisiaaicho naa meata ajo meeisiaaicho to ngolon naichoo ꞉Nkai, payie etumi aaichoo Nkai nkisisa to pooki toki aimu Yeso Kristo! Nenye nkisisa o nkitoo, ntarasi o ntarasi. Aamin.

Mbolunoto 1:6

neitaa iyioo lorere o laitainok la lasar maisiaayia Nkai nara Papa lenye. Metaa nenye nkitoo o ngolon ntarasi o ntarasi! Aamin.

Mbolunoto 20:6

Kemayiana ltung'ani nera sinyati oitipiu ꞉Nkai te inia piunoto ekue. Amu kore ninye naa medol lkiye le oare, kake keaku laitainoni la lasar le Nkai o Kristo, neitoreicho tenebo o ninye taa larin 1,000.

Mbolunoto 5:10

Nintaa ninche metaa lorere o laitainok la lasar ooisiai Nkai ang. Naa keitoreicho kenya ꞉ninche to nkop.>>