1 Petero 2:5 - Samburu

⁵ nirara sii ntae soito ooichu, nechetuni ntae payie iakuku nkaji e Nkai naitibira ꞉Ltau lenye. Nitumtum aataa lturrur laa laitainok sinyat la lasar, ooitai lasarri ooicharu ꞉Ltau Sinyati, oaang'amaroii ta Nkai tankaraki inia nataasa Yeso Kristo.

1 Petero 2:5 Iomraidhean Croise

Rroman 12:1

Naaku lalachera o nkanachera, kore tankaraki lng'ur le Nkai litumo, kaitaarriyian ntae payie inchooyoyo seseni linchi metaa lasar oichu, osinya neiting'id Nkai, amu ana nkoitiei naichiaakino tinisiaayieyie Nkai.

Rroman 15:16

mataa laisiaayiani le Kristo Yeso payie atum atabaki ltung'ana loo loreren, nalikoo Lomon Supati ana neas laitainoni la lasar teneitai lasar, payie eaku ltung'ana loo loreren nkichooroto nang'amaa ꞉Nkai, eitisinyaki to ngolon e Ltau Sinyati.

1 Lkorinto 3:16

Amaa, miyielolo aajo irara ntae nkaji e Nkai naa atua ntae emanya Ltau le Nkai?

1 Lkorinto 3:9

Amu laisiaayiak le Nkai oaasicho tenebo kira iyioo, nirara ntae lchampa lenye o nkaji natecheta ninye.

1 Lkorinto 6:19

Amaa, miyielolo aajo kore sesen linchi naa nkaji namanya ilo Ltau Sinyati oichoo ntae Nkai, naa miyielolo aajo irara le likae?

2 Lkorinto 6:16

Kalo ning'o eata nkaji e Nkai o nkaitok e sapare? Amu ikira iyioo nkaji e Nkai naichu. Ana netejo Nkai koon, <>

Lgalatia 6:10

Naaku kore ewuon kiata nkata, mataasaki ltung'ana pooki mbaa supati, nelusoo lolo likira nabo to nkurukoto.

Lpilipi 1:11

ebore ntae nenia sipat naaichoo ntae Yeso Kristo, payie errepi neisisi Nkai.

Lpilipi 2:17

Kore abaki tanaa keibukori lodo lai ana lasar tankaraki nayewua ntae atua nkurukoto, naaku kang'ida nang'ar inia ng'ida tenebo o ntae.

Lpilipi 4:18

Kore naa, katang'amayie nkichoorot pooki nikiterewakita, naa keterepaitie yieunot ainien. Kaata naa taata pooki nayieu amu kaitabaka ꞉Epapiroditas nkichoorot inchi. Kore ninche naa lasar orropili, ong'amaroi neiting'id Nkai.

Lkolosae 3:17

Naa kore pooki niasias, aa taa tee rereii tanaa taa asat, entaas pooki ta nkarna e Laitoriani Yeso, inchocho Nkai Papa nache te ninye.

1 Timoti 3:15

Kake kore tanaimalmala, niyielou te inia kitaarriyiana neiko ltung'ana tenewueni ta nkaji e Nkai. Ninye naa nkanisa e Nkai naichu, lng'ope o nkitamanyunoto e ndedei.

Lburania 3:6

Kore sii ilo Aitejeunoni apa oanyutae naa keisiligai te nkitachekinoto ee ltung'ana le Nkai, amu kera ninye Nkerai e Nkai. Naa ikira iyioo lolo tung'ana lenyena tinikimbung aaitirrichaki ilo siligi lang liking'idare nimikincho metigilata iyioo ltauja.

1 Petero 2:9

Kake kore ntae naa irara ltung'ana oogeluno, lturrur loo laitainok la lasar ooisiaaita Lkinkii, nirara lorere sinyati, ltung'ana le tipat le Nkai, ooipuotua ta naimin apik atua inia wong'an enye e nking'asia, payie itumtum aatilikoi rrepeta enyena.

1 Petero 4:11

Kore ilo olikoo rerei le Nkai, naa meata ajo melikoo ake inia najo ꞉Nkai. Kore ilo oisiaaicho naa meata ajo meeisiaaicho to ngolon naichoo ꞉Nkai, payie etumi aaichoo Nkai nkisisa to pooki toki aimu Yeso Kristo! Nenye nkisisa o nkitoo, ntarasi o ntarasi. Aamin.

1 Petero 4:17

Amu ketabawua nkata nang'asu nkiguana, naa keng'asunyie ltung'ana le Nkai. Naa amaa tanaa iyioo eng'asunyie, nyo naaku too lolo lemeyanyit Lomon Supati le Nkai?

Mbolunoto 1:6

neitaa iyioo lorere o laitainok la lasar maisiaayia Nkai nara Papa lenye. Metaa nenye nkitoo o ngolon ntarasi o ntarasi! Aamin.

Mbolunoto 20:6

Kemayiana ltung'ani nera sinyati oitipiu ꞉Nkai te inia piunoto ekue. Amu kore ninye naa medol lkiye le oare, kake keaku laitainoni la lasar le Nkai o Kristo, neitoreicho tenebo o ninye taa larin 1,000.

Mbolunoto 3:12

Kore ilo ooisul, naitaa lng'ope le nkaji e Nkai ai, nemeing'uaa aikata inie. Naa kaiger te sesen lenye nkarna e Nkai ai o nkarna e lkerenket le Nkai ai oji Yerusalem ng'ejuk odou eing'uaa netii Nkai te chumata. Naitoki sii aiger nkarna ai ng'ejuk.

Mbolunoto 5:10

Nintaa ninche metaa lorere o laitainok la lasar ooisiai Nkai ang. Naa keitoreicho kenya ꞉ninche to nkop.>>