1 Petero 2:16 - Samburu

¹⁶ Indimdim aataas inia eitu eisimakini ntae, kake emincho inia lakunoto inchi eaku nkoitiei niasiesie ntorrok, esiaayia Nkai ana Laitoriani linchi.

1 Petero 2:16 Iomraidhean Croise

Matayo 23:13

<

Yoana 15:22

Kore teneitu alotu airorie ninche, anata meata naipari to ng'oki. Kake meata taata napaacharie ng'oki enche.

Rroman 6:18

Ketalakuaki naa taata ntae taatua nkitoria ee ng'ok, netaa taata sipata e Nkai naitore ntae.

Rroman 6:22

Kake kore naa taata etalakuaki ntae taatua ng'ok neitoria ntae Nkai, kore nitumtum naa keitae ntae sinyat nintokiki tesiedi aatum nkichon ee ntarasi.

1 Lkorinto 7:22

Amu kore ltung'ani oipoto ꞉Laitoriani era rrindik, naa ltung'ani otalakua ꞉Laitoriani. Nejia sii etiu, kore ltung'ani lamara apake rrindik payie eipoti naa rrindik le Kristo taata.

Lgalatia 5:1

Naa ketalakua iyioo Kristo payie kibik taatua inia lakunoto. Kore tankaraki inia, entacho katukul, emirrinyokino aitoki enet e rrindikicho.

Lgalatia 5:13

Lalachera lainien, keipotokaki ntae lakunoto, kake emincho ake lakunoto inchi eaku nkoitiei niasiesie nayieu mpukunoto inchi torno. Esiaayiata ntae maate to nkoitiei e nchaman.

Epeso 6:6

Namara ake nkonyek imulmul ana ake loojo payie eiting'id ltung'ana, kake entining ninche ana rrindiki le Kristo, iasias inia nayieu Nkai taa ltauja linchi pooki.

Lkolosae 3:24

amu iyielolo aajo ing'amaa ntoki naisiligie ntae Laitoriani. Esiaayia naa Laitoriani Kristo.

1 Ltesalonike 2:5

Kore ana niyielolo, naa eitu apake kipuonu nitii te rerei likirrepie ntae, neyielo sii ꞉Nkai ajo eitu kintaakino te likoroto eji payie kisudoo lubo aang.

Yakobo 1:25

Kake kore ilo tung'ani ochekino aing'or aitibiraki inia kitanapata e Nkai e nchaman nalaku ltung'ana, nelo kue eas ana nejo nemerikino naatining'o, naa kemayian ꞉Nkai te inia naasita.

Yakobo 2:12

Naaku kore to pooki niroro o niasias, entaparru nchere kedung'okini ntae nkiguana te inia kitanapata e nchaman naa ninye nalaku ntae.

2 Petero 2:19

Kejoki ꞉ninche ltung'ana keata lakunoto naasie ntoki pooki nayieu neas, nera ninche maate rrindiki ooitore ꞉mbaa e anyit naamut kenya ninche. Amu kera ltung'ani rrindik le ntoki pooki namir ninye, neitore.

Yuda 1:4

Amu keteleliakinete atua ntae ltung'ana ooigerokaki apa nkiguana ewoun eng'or. Kore ninche naa ltung'ana lemeyanyit Nkai, neibelekenya munyani e Nkai ang aaitaa nkoitiei naasie asat e aanyit, neany Yeso Kristo oara ninye apeny lkitok, naa ninye apeny Laitoriani lang.