1 Petero 2:12 - Samburu

¹² Entewueni to nkoitiei supat taatua lolo tung'ana lemeyielo Nkai, paa kore tenedek ntae aajo irara laitarruok, neisis kenya Nkai tankaraki nenia asat inchi supati, ta nkata e nkisabakinoto.

1 Petero 2:12 Iomraidhean Croise

Matayo 10:25

Keitiemu loiteng'eni tenetuwuanai laiteng'enani lenye, neitiemu sii laisiaayiani tenetuwuanai lkitok lenye. Amaa tanaa keipoto lopeny nkaji aajo Beelsebul, aa taa lkitok loo lairiruani, kebaa sa ejo lolo le nkaji enye?

Matayo 5:11

<

Matayo 5:16

Nejia sii entaas ntae: Enchoo wong'an inchi metoong'a tekue ltung'ana, payie edol ninche asat inchi supati neisis Papa linchi oti chumata.

Matayo 9:8

Kore payie edol ꞉lturrurri ana, neguretu, neisis Nkai naichoo ltung'ana nkitoria natiu nejia.

Luka 1:68

<

Luka 19:44

Nikinang'ie nkop o nkera inono naatii atua, naa meing'uari hoo soit obo eitelikino likae, tankaraki eitu iyielou nkata niking'errunyie Nkai.>>

Luka 6:22

Imayianana teneibai ntae ltung'ana, negelaa ntae, nedek ntae, neitarruorri nkarn inchi tankaraki Nkerai e ltung'ani.

Yoana 13:31

Kore payie elo Yudas, nejo Yeso, <

Asat 15:14

Ketilika iyioo Petero neikuna ꞉Nkai payie egelu taatua loreren, lorere lenye.

Asat 24:13

Nemeidim kulo tung'ana abaki taata aaitodolu sipata ee nenia baa naatayie nanu.

Asat 25:7

Kore lolo Lyiaudi ootuo eing'uaa Yerusalem tenebo o Peseto naa ketii sii apa ninche inie. Kore payie ejing'u Paulo neitachoo taa mbat pooki, epik ninye mbaa kumo nairochi nemeidim aaitodolu sipata enche.

Asat 28:22

Kake ikiyieu nikining nijo iyie too kuna baa, amu ikiyielo aajo keiroritae oleng to ng'oji pooki mbaa naarieki ele turrur lena kurukoto.>>

Rroman 12:17

Emilaakinyie ltung'ani ntorno to ntorno, entonyok entaas inia nara supat tekue ltung'ana pooki.

Rroman 13:13

Entaas naichiaakino ana neasi to wong'an, aawueni ta nkanyit namara to lubo, anaa te merai anaa to loloito, anaa ta asat e anyit anaa ta larrabal anaa to lom,

Rroman 14:18

Kore ilo oisiai Kristo aiko nejia, naa keiting'id Nkai, neicho sii ꞉ltung'ana ninye nkanyit.

Rroman 15:9

netum lkulie oreren aisisa Nkai tankaraki e lng'ur lenye, ana naigero ajo, <>

1 Lkorinto 14:25

neibalieki mbaa naaisudoro e ltau lenye. Naa keirrigo asai Nkai ejo, <>

2 Lkorinto 1:12

Kore to nkop pooki aa oleng taatua ntae, ikitowuana ana ltung'ana supati ltauja o ana ltung'ana oong ana nayieu Nkai. Neitu kirukurukore inia najo ltung'ana le nkop ng'eno, kake munyani e Nkai kirukurukore. Ikiyielo taa ltauja lang aajo nejia etiu, naa inia ntoki niking'idare.

2 Lkorinto 13:7

Ikiomonoki ntae Nkai payie miasias hoo ntoki torno, namara taa payie etuwuana ikiima ntemata, kake payie iasias ntae mbaa naaichiaakino abaki etuwuana eitu kiim iyioo.

2 Lkorinto 8:21

Amu mara ake tekue Laitoriani apeny kiyieu iyioo payie kias sipat, kake abaki tekue ltung'ana.

Epeso 2:3

Naa nejia sii apake kitiu iyioo pooki kirukurukore nenia ng'uarrat torrok e mpukunoto ang torno, nikintabaya ng'uarrat e sesen o nee mparrunot. Naa kore iyioo ikira ltung'ana ana ake lkulie pooki, ooichiaakino nemut ngoro e Nkai.

Epeso 4:22

Keiteng'en ntae inia entuburkuchu lwuenet linchi le apa, ilo oyieu mpukunoto inchi torno naitarrorrita yieunot torrok o sapare, nirukurukorere.

Lpilipi 1:27

Ntoki nabo ake naata tipat oleng, nchere payie iwuenini te nkichon inchi ana naichiaakino too Lomon Supati le Kristo, paa kore tanatumoka ayeu atoduaa ntae tanaa eitu, naning ajo intachoo katukul to nduata nabo o ltau obo inyanya larrabal le nkurukoto ee Lomon Supati.

Lpilipi 4:8

Kore naidipie, lalachera o nkanachera, entaparrai nenia tokitin naadede o nenia naichiaakino rrepet, nenia ee sipat, nenia nemeata ntioto o nenia naachamaroi. Kore ntoki pooki naichiaakino lwuenet supat o nkanyit, entaparrai inia.

1 Ltesalonike 4:12

payie iwuenini to nkoitiei naipida nemeata ltung'ani lisiliglig tee yieunot inchi.

1 Timoti 2:2

Kaitaarriyianicho metaasi inia too lkinkii o too lolo pooki otii nkitoria payie kiwueni to mborron o te seriani tee nkichoni ang, kiurie Nkai nikitum nkanyit to ntoki pooki nikias.

1 Timoti 4:12

Nimincho ltung'ani kimen iyie tankaraki nira lelerie, kake kore te rerei lino o to wuanata ino o te nchaman ino o to nkurukoto ino o te sinyaticho ino, taa nkitanyanyukoto naduaaya lairukok.

1 Timoti 5:10

Netisipuaki aajo ketaasa mbaa supati: keitubulua nkera enyena aitibiraki, neitoomono lomon ta nkang enye, neituko nkejek ee sinyat le Nkai, netereto lolo oaata sina, netonyuaa aas ntoki pooki supat.

Lburania 13:18

Entoomonoki iyioo amu ikisip aajo mikiata nakurrieki iyioo, tankaraki ikiyieu nikias naaichiaakino taa mbaa pooki.

Lburania 13:5

Emiaku ltung'ana oaata lubo ee ropiyiani, enchoo eitiemu ntae ntoki niatata amu ketejo Nkai, <>

Yakobo 3:13

Kalo tung'ani taa ntae oara ng'en neata yielounoto? Nchoo eitodolu te lwuenet lenye supat asat enyena naas to mborron naing'uaa ng'eno nagut.

1 Petero 2:15

Amu keyieu Nkai payie intigirgir ltung'ana oamada ooiro mbaa nemedede, iasias sipat.

1 Petero 3:16

Kake entaas inia to mborron o ta nkanyit, ining'ning taa ltauja linchi aajo kore inia niwolikitata naa kedede, paa kore lolo oodek ntae aaitarruoo nkarn tankaraki e lwuenet linchi supat taatua Kristo, neitami anyit.

1 Petero 4:11

Kore ilo olikoo rerei le Nkai, naa meata ajo melikoo ake inia najo ꞉Nkai. Kore ilo oisiaaicho naa meata ajo meeisiaaicho to ngolon naichoo ꞉Nkai, payie etumi aaichoo Nkai nkisisa to pooki toki aimu Yeso Kristo! Nenye nkisisa o nkitoo, ntarasi o ntarasi. Aamin.

2 Petero 3:11

Naa kore amu keidakieki kuna tokitin pooki aaiko inji, meata ajo miakuku ltung'ana oowueni te sinyaticho neurie Nkai,