1 Petero 1:5 - Samburu

⁵ Nerrip ꞉Nkai ntae to ngolon enye, iwuenini to nkurukoto, payie ing'amaa inia jeunoto natipikaki payie eibalunyieki ta nkata e nkiting'oto.

1 Petero 1:5 Iomraidhean Croise

Yoana 12:48

Kore ilo laany nanu namaang'amaa, naa keata lodung'oki ninye nkiguana, ilo rerei lairoro odung'oki ninye nkiguana ta mparri e nkiting'oto!

Yoana 17:15

Kore naamonito, naa mara payie intai ninche aitung'aa nkop, kake payie irrip te ilo torno.

Yoana 4:14

kake kore pooki ng'ae omat inia are naicho kenya, nemetiru ꞉nkure aikata. Neaku inia are kenya naicho ninye lchoro oijirrijirru taatua ninye, neicho nkichon ee ntarasi.>>

Yoana 5:24

<

Rroman 11:20

Kedede inia, keteng'eruaki ninche tankaraki nemeata nkurukoto, naa irubakino iyie tiniwuon taatua nkurukoto. Minkar, kake tuureicho!

Rroman 8:18

Kadol ajo kore sina le ng'amata e taata, naa meitoki tenetemieki inia kitoo naibalunyieki kenya metaa nanang.

1 Lkorinto 1:21

Keirichakinete ltung'ana ng'eno enche, naaku eitu eyielou Nkai abaki etoduaa ng'eno enye. Neroyie Nkai achamaa aitejeu lolo ooiruk ninye aimu ana likoroto najo ltung'ana madai.

2 Lkorinto 1:24

Amu mikinyokita aisimaki ntae embung'a nenia nirukuruk, tankaraki ikiyielo aajo itarrapate aitibiraki to nkurukoto. Kore iyioo naa ikiasicho tenebo o ntae payie iwuenini te ng'ida.

Lgalatia 2:20

Kaatechoki nanu tenebo o Kristo. Merokure aa nanu oichu, kake Kristo oichu taatua nanu. Kore nkichon naichu taata te sesen, naa kapikita nkurukoto ai atua Nkerai e Nkai, ilo laatachama, neichoru nkichui enye tankaraki nanu.

Epeso 2:8

Amu eitejewua ntae Nkai te munyani enye to nkoitiei e nkurukoto, namara ntae eing'uaa inia kake nkichooroto naichoo ninye ntae pecheu,

Lpilipi 1:6

Kayielo sii katukul ajo kore Nkai natang'asua siaai lenye supat taatua ntae naa kelo kue aas aaidip ana metabau inia parri e Laitejeunoni Yeso.

Lpilipi 4:7

Naa kore inia seriani e Nkai narepaa ning'unoto pooki ee ltung'ana, nerrip ltauja o mparrunot inchi taatua Laitejeunoni Yeso.

2 Timoti 3:15

niyielo sii ajo iteyielo Lkigerot Sinyat ang'asu apake ira nkerai. Kore lolo Kigerot naa ikindimie taa ng'en payie ijeu iiruk Kristo Yeso.

Tito 2:13

kianyuta siligi lang omayiana, meitabari tenelioii nkitoo ee Nkai aang kitok, nara Laitejeunoni lang Yeso Kristo.

Lburania 6:12

Mikiyieu niakuku ltung'ana oaachal, kake ikiyieu payie iduaayaya lolo laa kore to nkurukoto o te ng'iriata, naa ketum inia naitayia ꞉Nkai lekutuk ajo keicho ninche.

Lburania 9:28

keitaaki sii Kristo lasar nkata nabo ake payie etum aawa ng'ok ee ltung'ana pooki. Kelotu aitoki nkata e are, namara payie eya ng'ok kake payie eitejeu lolo oaanyuta ninye.

1 Petero 1:13

Naaku naa entipik siligi linchi katukul inia munyani naichori kenya ntae teneibalunyieki Yeso Kristo, irretenena taa mparrunot inchi aaku ltung'ana oaaparricho aaitibiraki.

1 Petero 4:13

Kake kore iimaritata sinaitin ootuwuana le Kristo enting'idata, paa kore teneibalunyieki nkitoo enye nitumtum ng'ida kitok oleng.

1 Petero 5:1

Kore ara nanu lpayian le nkanisa, nara sii lobo oata sipata naipirita sina oatama apa Kristo, nara long'arieki nkitoo naibalunyieki kenya, kaitaarriyian naa taata lpayiani linchi le nkanisa ajo inji:

2 Petero 1:3

Keichoo iyioo Nkai pecheu to ngolon enye ntoki pooki nayieuni te nkichon, neichoo sii aitoki iyioo ntoki pooki nayieuni payie kitum aaturia Nkai to nkoitiei naiting'id ninye. Naa kore nkoitiei nikitumie inia, naa yielounoto e ilo oipoto iyioo te nkitoo o to ngolon enye.

1 Yoana 3:2

Lacham lainien, kore taata naa ikira nkera e Nkai, naa ewuon eitu eibalunyieki nikitiuu kenya. Ikiyielo aajo kore tenelioi Yeso, naa ikitiuu ana ninye amu ikidol ninye ana netiu.

Yuda 1:1

Kore ana palai naa keing'uaa Yuda, laisiaayiani le Yeso Kristo oara sii lalache le Yakobo. Kairoroki lolo ooipoto, oaatachama ꞉Nkai Papa, neirritita ꞉Yeso Kristo.

Yuda 1:24

Kore ilo oidim atirripo ntae metaa mirrorrorro, nepik ntae tekue nkintoo enye miatata ntioto ing'idada,