1 Petero 1:4 - Samburu

⁴ nitumtum sii ntae metaa ninchi mayian nemeiting, nemorroyo, nemeichunye, naitaanyutae ntae te chumata.

1 Petero 1:4 Iomraidhean Croise

Matayo 25:34

<

Marko 10:17

Kore eibung'uta ꞉Yeso nkoitiei alo te inie, nekuetiki ninye ltung'ani obo negilaki kung, neipar ajoki, <>

Asat 20:32

<

Asat 26:18

tobolo nkonyek enche nichuku taatua naimin apik atua wong'an. Impung'unyie taatua nkitoria e Chitani achukoki Nkai, netum mpalikinoto ee ng'ok o mpaach enche taatua lolo ooitisinyaki tankaraki naairuko nanu.>

Rroman 8:17

Naa tanaa nkera e Nkai kira, ikira sii lootum tenebo o Kristo inia naisiligie iyioo Nkai, naa tanaa iking'ar sina lenye, iking'ar sii nkitoo enye.

1 Lkorinto 9:25

Kore pooki ng'ae oyieu payie ekuet neisul, keichiaakino nerretena oleng. Kekuet ninche payie etum ntoki nemebik, kake kore iyioo naa ikikuet payie kitum ntoki nabik ntarasi.

Lgalatia 3:18

Kore tanaa nkitanapat eing'uaa njung'ore e njeunoto, neaku meing'uaa lekutuk. Kake te munyani eichoo ꞉Nkai Abraam lekutuk e inia mayian pecheu.

Epeso 1:11

Kore taatua Kristo ikitum iyioo inia natejo apa ꞉Nkai ikitum te risiorote e kipirte enye, inia nategelakaki iyioo apake ewuon mikitii. Ninye oaas mbaa pooki ana nayieu o ana nadung ninye,

Epeso 1:14

Ltau Sinyati oitededeyie nchere iking'amaa inia naisiligie ꞉Nkai ltung'ana lenyena tenelakuni kenya. Nikirrep ninye tankaraki nkitoo enye.

Epeso 1:18

Naamon sii metobolo Nkai ltauja linchi, payie itumtum aateyiolo nowua siligi oipotoka ninye ntae, o nowua supaticho e inia natipika Nkai metaa ninchi tenebo o sinyat lenyena,

Lkolosae 1:5

Kore ana, naa tankaraki inia nisiligitata metaa ninchi, neisudokaki ntae te chumata, ana nindipa aatining too Lomon Supati oodede.

Lkolosae 3:24

amu iyielolo aajo ing'amaa ntoki naisiligie ntae Laitoriani. Esiaayia naa Laitoriani Kristo.

2 Timoti 4:8

Naa kaaiteng'elakaki nanu nkopiyia naichori loosipat, inia naaicho ꞉Laitoriani, oara ladung'oni le nkinguana, te inia parri. Namara nanu ake apeny eicho, kake keicho lolo pooki oaanyuta lotunoto enye te nchaman.

Lburania 10:34

Ing'urrie ntae lolo ooteenaki te jila, nitachamaitie te ng'ida meewae ntokitin inchi amu iyielolo aajo iatata ntokitin e tipat naabik ntarasi nianyutata naalang nenia naawaki.

Lburania 9:15

Naaku tankaraki ana payie era Kristo laitutumoni lo lning'o ng'ejuk, paa kore lolo ooipotoki netum inia naitayia apa Nkai lekutuk ajo keicho ninche metaa nenche ntarasi. Amu ketua ninye payie etum atalaku ninche too ng'ok naataasa etii apa atua lning'o musana.

Yakobo 1:11

Amu keiliepu ndama eirewua, nepejoo nkujit o ntapuka e soro, netoi ntapuka nerrarrarri, neichunye supaticho enche. Nejia sii eikunari ltung'ani parakuoni eloito ake ninye kue tee siaatin lenyena.

1 Petero 3:9

Emilaaki ltung'ani ntorrok too ntorrok anaa ldeket te ldeket, kake entalaaki mayian amu inia eipotoka ntae Nkai payie itumtum mayian metaa ninchi.

1 Petero 5:4

Naa kore kenya tenelotu Lchekut Kitok, nitumutum nkiraoni e nkitoo nemomuta aikata.

Mbolunoto 21:27

Nemejing aikata ntoki torno, tanaa ilo oas ntabo, tanaa losapicho. Kore loojing ilo kerenket, naa lolo ake oopeny ooigeroki nkarn to mbuku e Lkuo leker natii nkarn ee lolo oaata nkichui ee ntarasi.