1 Petero 1:25 - Samburu

²⁵ kake kore rerei la Laitoriani naa kebik ntarasi.>> Kore naa ilo rerei, naa Lomon Supati ootilikaki ntae.

1 Petero 1:25 Iomraidhean Croise

Matayo 5:18

Naa kedede kajoki ntae, kore ana metabana neng'ututari chumata o nkop, meatae hooyia sirata anaa lkardati loo nkitanapat oimin eitu eitabari pooki naayieuni.

Luka 16:17

Kelelek payie eich loing'ang'e o nkop alang ltipoti obo loo nkitanapat.

Yoana 1:1

Kore apa ta ng'asunoto naa ketii apake Rerei, netii ilo Rerei tenebo o Nkai naa Nkai ilo Rerei.

Yoana 1:14

Neaku ilo Rerei ltung'ani nemany atua iyioo. Nikidol nkitoo enye, inia kitoo natum ake ꞉nkerai nabo inoti ta Papa lenye. Naa kebore ninye munyani o ndedei.

1 Lkorinto 2:2

Amu kore apa atii tenebo o ntae, katudung'o nchere mayieu paayielou ntoki mara ake inia naipirita Yeso Kristo otechoki to lmusalaba.

Epeso 2:17

Neyewuo Yeso aliki pooki lomon le sotua, ꞉lolo oaalakuaniki apa Nkai o lolo oaataaniki.

Epeso 3:8

Kore abaki aa nanu lkini alang lkulie sinyat pooki, nanu eichoo Nkai ana munyani enye, matiliki ltung'ana loo lkulie oreren lamara loo Lyiaudi nowua mayianat naatii atua Kristo nemeata nkiting'oto,

Tito 1:3

Naa kore ta nkata nategelua ꞉Nkai nara Laitejeunoni lang, /neibalunyie ele kilikuai te likoroto ai laaing'urie matilikoi ana naaitanapa.

1 Petero 1:12

Keibalakinyie ꞉Nkai ninche nchere kore nenia naaing'oruta naa mara tankaraki ate kake tankaraki ntae. Netamakita sii ntae lolo ootilikita ntae Lomon Supati to ngolon e Ltau Sinyati oirriwuaki te chumata, nenia baa. Kore sii lmalaikani keyieu netum sapipiyiet ee nenia baa.

1 Petero 1:23

Amu ketiiwuaki ntae nkata e are, namara ta lantararai omutari kake lememutari, aa taa te rerei le Nkai oichu lemeichunye.

1 Petero 2:2

Kore ana nayieu nkera kunini naatiwuaki kule, entaa loaata yieuna e rerei osipa le Nkai, paa kore imatmat nibululu payie ing'amaa inia jeunoto,

2 Petero 1:19

Naaku ikiata abaki taata sipata oleng e lkilikuai oatamautua apa loibonok le Nkai. Naa keisupat taa ntae tining'orng'or inia natejo ninche, amu inji etuwuana ana lkilang'ilang'et oilu ta naimin ana meyeu wong'an e siran, neipung'u lakira le siran taa ltauja linchi.

1 Yoana 1:1

Kore ilo otii apake ta ng'asunoto, nikitining'o, nikitoduaa too nkonyek ang, nikimbung'a taa nkaik ang, naa ninye ilo rerei le nkichui likilikoo.

1 Yoana 1:3

Ninye kitoduaa, nikitining'o, naa ninye kiliki ntae payie itumtum nchula o iyioo. Naa kore nchula ang naa nchula e Nkai Papa lang o ne Nkerai enye Yeso Kristo.

Mbolunoto 14:6

Naitoki adol likae malaika eloito te nkeper e nkai, eata lomon supati laa ntarasi, nemeata ajo meliki ltung'ana pooki le nkop aa ltung'ana loo nkopi pooki o loreren pooki o ltung'ana loo nkutukie pooki o lochon pooki le nkop.