1 Petero 1:22 - Samburu

²² Kore naa tankaraki intibirita ate aaning ndedei netachamayie ntae Nkai, entachamata katukul taa ltauja supati, payie intodolulu nchaman nadede ana lalachera o nkanachera.

1 Petero 1:22 Iomraidhean Croise

Yoana 15:17

Kore nkitanapata ai taa ntae naa ana: entachamata.

Yoana 15:3

Indipa apa aataa supati tankaraki rerei latiaka ntae.

Yoana 17:17

Ntisinya ninche te ndedei, rerei lino ndedei.

Yoana 17:19

Kaitai koon aaku lasar sinyati anang ninche, payie eitisinyi sii ninche te ndedei.

Asat 15:9

Naa kore tekue Nkai, meatae ntoki nagel iyioo o ninche amu keitisinya ltauja lenche to nkurukoto.

Asat 6:7

Nebulaa rerei le Nkai oleng, nesioki lturrur loo looiteng'eni aaponunye te Yerusalem, neibung ꞉laitainok kumo la lasar inia kurukoto.

Rroman 1:5

Laa te ninye kitang'amaitie iyioo munyani o nkitoo naata Lkipaareta lenyena, paa kore taatua lochon pooki lemeyielo Nkai, nikintaa ltung'ana metaa looning Nkai tankaraki nairuko Lomon Supati likilikorita, nerrepi nkarna e Nkai.

Rroman 2:8

Kake kelaaki ngoro enye napi lolo oaacham ate neany ndedei eirukurukore mbaa torrok.

Rroman 8:13

Amu tiniwuenini ana nayieu mpukunoto inchi torno naa iyeye, kake tiniarrar metuata asat e mpukonoto inchi torno, to ngolon e Ltau Sinyati, ninchichu.

2 Lkorinto 6:6

Ikintodolu aajo ikira laisiaayiak le Nkai, aaku ltung'ana oowong nikiata ng'eno o ng'iriata o lng'er nerikoo iyioo Ltau Sinyati, nikintodol ltung'ana nchaman nadede.

Lgalatia 3:1

Lagalatia kulo oaamada, ng'ae oirupo ntae? Mara tekue nkonyek inchi eibalunyeki nchere Yeso Kristo etechoki?

Lgalatia 5:5

Amu ta Ltau o to nkoitiei e nkurukoto, kianyu iyioo ilo siligi oitabari aajo, keikenaki iyioo Nkai sipat.

Lgalatia 5:7

Ipuoitoto apa aaitibiraki to nkoitiei e nkurukoto, ng'ae oibooyie ntae payie mianyitnyit ndedei?

Epeso 4:3

ninyoknyok aaibung naboicho e Ltau Sinyati to sotua oen ntae entaa nabo.

Lpilipi 1:9

Kaomonoki ntae metoponunye nchaman inchi aaku kitok oleng ining'ung'u nitemtem mbaa pooki.

1 Ltesalonike 3:12

Naa meitubulu ꞉Laitoriani neitodoodooyo nchaman inchi, te likae o likae o too lkulie tung'ana pooki ana nikinkuna iyioo ntae,

2 Ltesalonike 1:3

Lalachera o nkanachera, keyiere nikincho Nkai nache nkata pooki ana naichiaakino tankaraki ntae, amu kebuluta nkurukoto inchi oleng. Kore sii nchaman niatata likae o likae, naa keponari taatua ntae pooki, paa meatae lobo linchi lemebakita.

2 Ltesalonike 2:13

Kake keyiere nikirrinyoki iyioo Nkai nache nkata pooki tankaraki ntae lalachera oaacham ꞉Laitoriani, amu ketegelua ntae Nkai ta ng'asunoto payie ijeuu aaku sinyat ta Ltau Sinyati o tinirukuruk ndedei.

1 Timoti 1:3

Kaareki ajoki iyie payie ibik te lkerenket le Epeso, ana naatiaka apake aloito Makedonia, payie intanap lbata loo tung'ana teinie pee meiteng'enicho nkiteng'ena e sapare,

1 Timoti 1:5

Kore yieuna e ana kitaarriyiana ang, naa payie eipung'u nchaman naing'uaa ltau supat o ltau oyielo ajo meata nakurrieki o nkurukoto nadede.

1 Timoti 4:12

Nimincho ltung'ani kimen iyie tankaraki nira lelerie, kake kore te rerei lino o to wuanata ino o te nchaman ino o to nkurukoto ino o te sinyaticho ino, taa nkitanyanyukoto naduaaya lairukok.

1 Timoti 5:2

nirorie ntomonok arrarrin ana ninko ng'utunyi o ntomonok leleru ana ninko nkanachera inono, te sinyaticho pooki.

2 Timoti 1:14

Nirrita inia kiteng'ena e tipat nikitipikaki nkaina te nkidimata e Ltau Sinyati oamanya atua iyioo.

Lburania 11:8

To nkurukoto eyanyita ꞉Abraam Nkai payie eipot metung'ai nkop enye alo nkae ng'oji naaku kenya nenye. Neinyuototo aing'uaa inia kop abaki meyielo neloito.

Lburania 13:1

Entewueni ichamama ana lalachera o nkanachera.

Lburania 5:9

Naaku kore payie eisulieki, neaku ninye etumie pooki ng'ae oning ninye njeunoto ee ntarasi,

Lburania 6:10

Kore Nkai naa keisiligai, merikino nitaasa o nchaman nintoduaita ninye, payie iretret ltung'ana lenyena sinyat, newuon ake ipuoitoto kue aaret ninche.

Lburania 9:14

kebaa sa eitisiny iyioo lodo le Kristo aoru iyioo asat naayau lkiye payie kitum aaisiaayia Nkai naichu? Kore ta Ltau Sinyati laa ntarasi, neitai ninye koon aaku lasar lemeata ntioto ta Nkai.

Yakobo 1:21

Naaku naa, enturrai mbaa pooki naaidurukie ntae o ntorno nataa kitok oleng, ning'amaa to mborron ilo rerei otipika Nkai atua ltauja linchi, oidim aitejeu nkichui inchi.

Yakobo 4:8

Entinyikaki Nkai, naa kenyikaki sii ninye ntae. Entukoi ntorrok pooki, ntae laasak loo ng'ok, nintisinyisiny ltauja linchi, ntae loaata lng'ach.

1 Petero 1:2

Etegelua apa ntae Nkai Papa te yieuna enye eitisiny ntae ta Ltau Sinyati payie irukuruk Yeso Kristo neituk ntae lodo lenye. Meiputa ntae munyani o seriani.

1 Petero 2:17

Eyanyita ltung'ana pooki. Entacham lalachera o nkanachera inchi naairuko Yeso, niurieii Nkai, ninchocho lkinkii nkanyit.

1 Petero 3:1

Natomonok, entodoi ate taa lpayiani linchi, paa kore abaki tenetii loaany eibung rerei le Nkai, neyietu lwuenet linchi metaa le Kristo tenedol ninkoko tiniwuenini te sinyaticho iyanyitnyit lpayiani linchi, eitu ijoijo ntae rerei.

1 Petero 3:20

amu kore lolo tauja naa ketanya apa ening Nkai, eanyuta ninche te ng'iriata ta nkata apa nachetita Noa meli. Lkuni tung'ana ake isiet ootijing'a, neitejeunyieki nkare.

1 Petero 3:8

Kaidip ana kitaarriyiana ajoki ntae payie iwuenini pooki inyanya nabo, niatata lng'er, nichamama ana lalachera o nkanachera, nenanaa ntae ochuaa, niborbor.

1 Petero 4:17

Amu ketabawua nkata nang'asu nkiguana, naa keng'asunyie ltung'ana le Nkai. Naa amaa tanaa iyioo eng'asunyie, nyo naaku too lolo lemeyanyit Lomon Supati le Nkai?

1 Petero 4:8

Kore nalang pooki, entachamata katukul, amu kejutoo ꞉nchaman ng'ok kumo.

2 Petero 1:7

kore uriata e Nkai, niponikiki nchaman ee ltung'ana ooiruko Yeso, niponikiki nchaman ee ltung'ana ooiruko Yeso nchaman ee lkulie tung'ana pooki.

1 Yoana 3:11

Ele naa lkilikuai litining'o apake ta ng'asunoto, nchere payie kichama iyioo,

1 Yoana 3:23

Naa ana nkitanapata enye, nchere payie kiruk nkarna e Nkerai enye Yeso Kristo nikichama likae o likae ana naitanapa ninye iyioo.

1 Yoana 4:12

Meatae aikata ꞉ltung'ani otodua Nkai. Naa tanaa ikichama maate, newuon Nkai taatua iyioo, neitabayieki nchaman enye taatua iyioo.

1 Yoana 4:20

Naa kore tenejo ltung'ani, <> neiba lalache lenye, naa losapicho. Amu kore pooki lemecham lalache lenye otoduaa, meidim atachama Nkai neitu edol.

1 Yoana 4:7

Lacham lainien, matachamata amu kore nchaman naa Nkai eing'uaa. Naa kore pooki oachamicho naa keino ta Nkai, neyielo Nkai.

Mbolunoto 2:4

<<