1 Petero 1:12 - Samburu

¹² Keibalakinyie ꞉Nkai ninche nchere kore nenia naaing'oruta naa mara tankaraki ate kake tankaraki ntae. Netamakita sii ntae lolo ootilikita ntae Lomon Supati to ngolon e Ltau Sinyati oirriwuaki te chumata, nenia baa. Kore sii lmalaikani keyieu netum sapipiyiet ee nenia baa.

1 Petero 1:12 Iomraidhean Croise

Matayo 11:25

Kore te inia kata nejo Yeso, <

Matayo 11:27

Kaaitarasaka Papa lai ntoki pooki, apik nkaina. Meatae hoo ꞉loyielo Nkerai mara Papa ake, nemeata sii ꞉loyielo Papa mara lolo oaatachama ꞉Nkerai aibalakinyie.

Matayo 16:17

Nejoki ꞉Yeso, <

Marko 16:15

Nejoki ninche, <

Luka 15:10

Naa kajoki ntae, nejia sii etiu, kore teneirriidu ltung'ani obo loo ng'ok, neng'ida lmalaikani le Nkai.>>

Luka 2:26

Neibalakinyie ninye ꞉Ltau Sinyati nchere, meye ewuon eitu edol Kristo la Laitoriani.

Luka 9:6

Nemanaa aapuo taatua nkang'ite, elikoo lomon supati neichiunyie ltung'ana too ng'ojitin pooki.

Yoana 15:26

<

Asat 10:44

Kore ake ewuon eirorita Petero, nedoki Ltau Sinyati lolo ooning'ito ilo rerei.

Asat 16:10

Kore eidipa Paulo atoduaa inia duata, nikinyok nabokata aapuo Makedonia, kitoduaa aajo Nkai naipoto iyioo matiliki ninche Lomon Supati teinie.

Asat 2:33

Naa kore payie eiliepieki ninye metowuana ta nkaina e tetene e Nkai, neng'amaa ilo Tau Sinyati ta Papa oitayia apa lekutuk ajo keicharu, naa Yeso eing'uaa nenia nidolitata, nining'itoto.

Asat 4:31

Kore payie eidip aatoomon neikirikiro inie netumore ninche, neiput ninche ꞉Ltau Sinyati nelikoo rerei le Nkai meata ngureticho.

Asat 4:8

Kore inia kata neiput Petero ꞉Ltau Sinyati nejo, <

Asat 8:25

Kore payie elimu sipata enche aaipidaki, netilikoitie rerei la Laitoriani, nerrinyo Petero o Yoana Yerusalem. Kore epuoito nelikoo Lomon Supati taa nkang'ite kumo e Samaria.

Rroman 1:15

Naaku kore ta nanu, kaata yieuna sapuk nalikinyie ntae sii otii Rrom Lomon Supati.

Rroman 1:17

Amu kore Lomon Supati, naa keibalunyie neiko Nkai teneicho ltung'ana sipata enye naicho metumo sotua oipida o ninye. Naa kore ng'asunoto o nkiting'oto naitabarieki ele sotua, naa nkurukoto. Ana nejo Lkigerot Sinyat nchere, <>

Rroman 10:15

Naa aji eiko ltung'ana tenelikoo teneitu eirruaari? Ana naigero ajo, <>

Rroman 15:19

o taa asat naaitodolu nkitoo enye o taa mbaa e nking'asia o to ngolon e Ltau Sinyati. Paa kore ang'asu te Yerusalem o lubot naanyikita ana metabaki mbata e Ilirikum, nalikoo Lomon Supati le Kristo to ng'oji pooki.

1 Lkorinto 2:10

Kake iyioo eiteyielo Nkai nenia baa naaisudoro, aimunyie Ltau lenye Sinyati. Amu Ltau Sinyati osipu ntokitin pooki metabaki nenia naagut e Nkai.

2 Lkorinto 1:22

Netegelua iyioo, nepik sii lminchire oitodolu ajo ikira lenyena, apik Ltau Sinyati atua ltauja lang ana sipsip ee mbaa pooki nikitum kenya.

2 Lkorinto 6:6

Ikintodolu aajo ikira laisiaayiak le Nkai, aaku ltung'ana oowong nikiata ng'eno o ng'iriata o lng'er nerikoo iyioo Ltau Sinyati, nikintodol ltung'ana nchaman nadede.

Lgalatia 1:12

Neitu ang'amaa to ltung'ani, neitu sii aaiteng'eni, kake Yeso Kristo laatoboloka.

Lgalatia 1:16

payie aaboloki mateyielo Nkerai enye, paatum atiliki loreren Lomon Supati lenyena. Kore inia kata, neitu ayiaya nkitaarriyiana nabokata to ltung'ani,

Epeso 3:10

Neyielou taa taata ꞉lolo oaata nkitoria o nkitoo te chumata, ng'eno nagut e Nkai ee mpukunot kumo aimu nkanisa.

1 Ltesalonike 2:9

Lalachera o nkanachera, entaparru naa nyuata o siaai ogol likitaasa! Ikitaasichiete kuarie o parkiji, payie mikiaku nkirochi to ltung'ani, kilikita ntae Lomon Supati le Nkai.

1 Timoti 3:16

Keng'amaa pooki ng'ae nchere kore neiko ꞉ltung'ani teneyanyit Nkai naa keisudoro, nera netipat oleng: /keibalunyieki ninye era ltung'ani, neibalunyie ꞉Ltau Sinyati ajo loosipat, nedol ꞉lmalaikani. Nelikori taatua loreren, neiruki to nkop, neiliepieki aaya nkitoo e chumata.

Lburania 11:13

Kore kulo tung'ana pooki naa ketuata eiruko Nkai neitu eng'amaa mbaa naaisiligie ꞉Nkai ninche. Ketoduaa ake ewuon elakua, neng'ida neiken aajo kera ninche lomon o lapuayak to nkop.

Lburania 2:4

Neitisipua sii Nkai ajo kedede inia limunoto enche tee asat naaitodolu nkitoo enye o mbaa e nking'asia o asat napaapaacha e ngolon enye o tee nkichoorot e Ltau Sinyati naaichorua ana nayieu ninye.

Lburania 4:2

Amu ketilikaki abaki iyioo Lomon Supati ana apake natilikaki ninche, kake eitu eret ninche lolo omon ootining'o tankaraki neitu eng'amaa to nkurukoto.

1 Petero 1:25

kake kore rerei la Laitoriani naa kebik ntarasi.>> Kore naa ilo rerei, naa Lomon Supati ootilikaki ntae.

1 Petero 4:6

Tankaraki ana payie etilikoyieki Lomon Supati aaliki sii lolo ootuata, paa kore abaki etudung'okaki apa nkiguana ewuon eichu ana nadung'okini ltung'ana neye, newueni eichu te nkiyeng'et ana naichu Nkai.

Mbolunoto 5:11

Naing'oricho naning ltoilo loo lmalaikani ootii mbat pooki e lorika le nkitoo o ntokitin ong'uan naaichu naatuwuana ng'uesi o lpayiani kutuaa. Nemu lolo malaikani nkalupuni o nkalupuni.