ROMRÜ 9:2 - AMÜSA BAIBEL (BSI)

² I lasih la alongri amülah ko münyehliba achongcha lile.

ROMRÜ 9:2 Iomraidhean Croise

FILIPIRÜ 3:18

Ihnü müngulangnü hi nengdang nührü te adrongpi yoko, ko adesü Ihnü nahshükih sho yore: Khrista khala chah süba münyehrü kangsohnungthsa akang adrong lile.

MESHÜ 3:51

Yangdi la khingkurüti chah tikehcho ngude, I lasih thsangnyangcho.

JEREMIA 13:17

Nühnü mühnyikhang, Ihnü rang nü kükhing nengdang tranung; Ihnü dee longri tranung, ko I nahshükih threhnung, tunüo Abüdongba müyurü arangyohlang küm tsiko.

NENGSEKHI 119:136

I nahshükih yongkhi roh-i pohre, tunüo nyitsarünü Nü yuzeng mühnyire.

ROMRÜ 10:1

Jünirüti, Ipu nyitsarü khümchosohnung khüta Ih lümtohro! Arüh shulüm khüta Ihnü dangkhidangnangjüro!

EZEKIEL 9:4

“Jerusalem yangdi bong wüng ko longri dhsangthsi lirü müipi kikhang chah, yangdila athrünyinung nguchi apüm nguchicho ngang amüdhethsa tühjühng.”

JEREMIA 9:1

Akyühsehcho I müyurü nengdang ama atsingse Ihnü tranungthsa, I thah tsü kihkong ko I nahtse tsü nahshükih yongna thsasohnyüle.

MESHÜ 1:12

“I chah dhing pü abükyünü alahkhurü atümung te züdere!” Abüdongba-nü Abi zichürode I chah hirojüba adhsa, “I dhsacho kyo sünüsü müdhsadhing.

ISAYA 66:10

Jerusalem te künyangtaang; abükyü nengdang künyangtaang, nührü hiba yangdi müirü apüm! Ade abükyü te künyangtaang, nührü abükyü meshürü apüm!

1 SAMUEL 15:35

Samuel akangli ayung, abinü yangthsaba tsü khodesü thali müshirücho; ta abi nengdang longricho. Saul Israel la yangthsaba kangsohcho nengdang Abüdongba wah lümcho.

MISHACHO 11:3

Ihnü I yuzithsarü nyüh anyüh müyahshü müpipü müthehnung, ko arühnü hütsüri 1, 260 nyümongla tsü Tsingrangba yu sobhonung.”

ROMRÜ 9:1

Khrista nengla Ihnü yuje chore; Ih Khrista yo ko Ihnü mürakhehre. I lümlongnüsü I nengdang Anbü Amüsa la Ih mürakhehrepü yuzi jüre.

ROMRÜ 9:3

Shutsa la I jünirüti ko trahva khyanglangnü Khrista tenü za Ih chokehcholachoepü thsasohnyüre.