ROMRÜ 7:7 - AMÜSA BAIBEL (BSI)

⁷ Akhang Ihsanü yuzeng tsü amünyiepü yonung mah-o? Khodesü mah! Ta amünyi tsü tunang hiba Yuzeng khu Ihsanü müdhecho. Yuzeng tsünü, “Bürü yo tümükhyah” pü müyolanglü, amükhyahba tsü Ihnü mümüdheba thsako.

ROMRÜ 7:7 Iomraidhean Croise

LIPOH 3:6

Khingkutpü tsünü hiba singdong tsü adhingnung atsa ko asih tsü atsunung tsara ngucho ko müdhe kangnung tsü khüta anyemüyangnung pü lümcho. Achotsü abükyünü singsih tsü laa rocho ko tsucho; ko abükyünü anii khyangsü jücho, ko abinü tsucho.

2 SAMUEL 11:2

Nyümong khüdu, anyüzehlang, David-nü achongnong lanü shemüsu abi kuh amunglang küducho. Abi hütsü michah tsehchi rachide, abinü khingkurü khüdu mütsahya ngucho. Abükyü tsü atsah khütang tsacho.

NENGSEKHI 119:96

Lüpcho achangka lilepü Ihnü nyichoko, ta Nü yuzeng adekheng.

NÜCHEHCHO 20:17

“Nühnü aparü kukhi tümükhyah; abi nitpü, akulirü, amisü, agadu mahkhang abi licho tusü tümükhyah.”

MIKA 2:2

Arühnü luh khyünyükhang, kengcho khyüre; kuh khyünyükhang, arühnü khyüdure. Sü kukhi mahkhang kuthsi khümcho mühle.

MATHI 5:28

Ta adelü Ihnü nührü te yore: sünü khingkurü chah mükhyah dhingnang abükyü te lasih la nahtrahnaxengre.

YUSE ATSA LUK 12:15

Ko abinü arüh atümung te yocho, “Müruthsa apüm lanü kukeng müzah lieng, tunüo nyitsarü khüdu akang tsü kuthsi khütango lichonü akang mülire.”

YUSE ATSA LUK 20:16

Abinü ro shehsherü tsü müpsehnung ko shükusiluh tsü khyo aparü khyang jünung.” Arühnü hi yuchinü yocho, “Hiroh-ilü tütikehsoh!”

RIWÜRÜTI NGUCHI 20:33

Ihnü süyo taripi, hon mahkhang jengki mümükhyah.

ROMRÜ 13:9

Yuzengti, “Nahtrahnaxeng tübichi; tümüpseh; tüfü; tümükhyah” pü, yoba hiri apüm ko yuzeng apa apüm, “Nü kurümrü abürü roh-i müing pü yoba yuzeng hila apüm chingkehpo lile.”

ROMRÜ 3:20

yuzeng la licho lüpcho tsü yuzeng pohki lirüti chah bichinung. Tunüo yuzengnü tu mülacho hütsü nguchichonü Tsingrangba jingte süsü alanglang mükangnung. Yuzengnü nguchiba tsü abinü amünyi shitpahko pü ngusohnung nengdang lile.

ROMRÜ 3:5

Ta Ihsa thsameh nguchiba tsünü Tsingrangba yuje tsü alaa ngusohrü thsakhang, Ihsanü tu yonung? Tsingrangba-nü Ihsa khingchide abi thsamehrü mah-o? (Ihnü hi shutsa lahpinü chore)

ROMRÜ 4:1

Akhang, Ihsa yucho amü Abraham nengdang tu yonung? Abi chah tu tikehcho?

ROMRÜ 4:15

Yuzengnü Tsingrangba rihlong hirore; ta khüde yuzeng müliro hütsüla amünyi mühle.

ROMRÜ 5:20

Yuzeng tsü athsamehrü zikehsohnung jücho; ta khüde amünyi ziro, Tsingrangba achomang khüsha alaa zire.

ROMRÜ 6:15

Akhanglü tu? Ihsa yuzeng pohki mah, ta achomang pohki lichonü, Ihsanü amünyi nguchinung do? Hütsüta khodesü mah!

ROMRÜ 7:11

Amünyi abi thsatsa ngucho ko yuzeng khunü Ih thsüyohchü müpsehcho.

ROMRÜ 7:13

Ta hütsüba atsa tsünü Ih süsohcho mah-o? Khodesü mah! Ta amünyi tsü amünyiepü mishanung shulüm khüi atsa licho hütsü khu amünyinü I chah asüba chürosohcho. Hütsüta, amülaba tsü khunü amünyi tsü khüsha amünyiepü ngusohre.

ROMRÜ 7:5

Tunüo khode Ihsa shutsa la licho, Ihsa füla zehba mükhyahmürah tsü yuzengnü chürosohcho, ko asüba dikehba la Ihsa adhsütah kang licho.

ROMRÜ 7:8

Ta hütsüba yuzeng khu I chah liba mükhyahmürah lüpcho thsümüsunung thsatsa ngucho. Yuzeng mülikhang, amünyi tsü asücho.

1 KORINTRÜ 15:56

Asüba münyüh tsü amünyi ko amünyi zii tsü yuzeng.

EFESIARÜ 5:3

Nührü Tsingrangba tsurüeko, nührü yola nahtrahnaxeng mahkhang amümüsa, mahkhang müxümüngu khiyu dangchinung athsalang mah.

AZIKA YU 5:21

“‘Nühnü aparü kukhi tümükhyah; abi nitpü, akulirü, amisü, agadu mahkhang abi licho tusü tümükhyah.’

KOLOSIRÜ 3:5

Hütsüeko nührü chah liba mükhyahmürah, adüzünü: nahtrahnaxeng, amümüsa, mükhyahba, amünyi müruba, ko müxümüngu (tunüo müxümüngu tsü kyothri mübüba khüdu lile), hiri nührünü müpsehng.

1 TESALONIKARÜ 4:5

ta amüsa ko adhichi langla palu nitpürü te khüta linung hütsü müdhebae.

IBRIRÜ 7:19

Tunüo Mosa yuzengnü tusü apisa mükangsoh. Ko ade alongdi atsau khüdu khüi khu Ihsa Tsingrangba amünyeh wünung hütsü jo lile.

JOSHUA 7:21

Ihrünü kengchocho kohro yola Ihnü Babylon-rü fükhüm khüdu taripi süreh anyü-oshi ko hon süreh achangshochah kehnü külüpcho tpah khüdu ngucho. Ihnü hütsü mükhyahrachonü hütsü khyüko. Hütsü I shükuh la taripinü akhyangdi thsapü jurangpüle.”