ROMRÜ 7:4 - AMÜSA BAIBEL (BSI)

⁴ Jünirüti, nührü nengdangsü hütsü roh-i lile. Yuzeng lahpinü nührüsü süko, tunüo nührü Khrista füla lohla lile; ko ade Tsingrangba dikehba la Ihsa adhsütah kangnung nengdang nührü kangliroba yo lile.

ROMRÜ 7:4 Iomraidhean Croise

ISAYA 54:5

Nü külüpbong tsü nü nii kyo linung, Akohba Abüdongba tsü Abi neng. Israel Tsingrang-nü nüh khümchonung, Abi limih apüm yangthsaba.

ISAYA 62:5

Dhrezarü khüdunü anitpü thsanung amüthsengcheh lazarü khyücho kyo, Sünü nüh thricho abinü nüh khyünung. Anii nü anitpü te künyangcho kyo, Tsingrangba-nü nüte künyangnung.

MATHI 26:26

Arüh yangtsude, Jisu-nü hümdhse khyücho, anengse jücho, chenahcho ko amonoti khyang jonü yocho, “Hi khyüng ko tsung; hi Ifü lile.”

MARK 4:20

Ta aparü khürü tsü alih asu la shucho majüh kyole. Arühnü yusi tsü yuchirü, khyüchorü, ko asih khürünü sangre, khürünü rohre ko khürünü thsihpi sihre.”

JOHAN 15:8

Nührünü asih khütango sihcho khu I U ahechi ngusohre; ko hütsüta nührü I monoti kangre.

JOHAN 3:29

Axengtpü tsü kuthribong yo; ta kuthribong shangrü, sü abi müshüm yapü abi yu nyiro, abinü kuthribong yuva yuchide künyangre. Hütsü roh-i I akünyang kükyüsohko.

JOHAN 6:51

Ninglangnü jüroba akang tsuyongnung tsü Ih. Khürünü hiba tsuyongnung tsukhang, abi lede akang linung. Ihnü jünung tsuyongnung tsü Ipu shuh, khüi limih akang linung nengdang Ihnü jüre.”

ROMRÜ 6:11

Hütsü kyo, nührüsü amünyi la sücho, ta Jisu Khrista la Tsingrangba te akang lilepü nührünü khiching.

ROMRÜ 6:14

Amünyi tsü nührü abüdongrü tüthsasoh; tunüo nührü yuzeng pohki mah ta Tsingrangba achomang pohki lire.

ROMRÜ 6:2

Khodesü mah! Ihsa amünyi la süko, khang Ihsanü khüta hütsüla du linung?

ROMRÜ 6:22

Ta ade nührü amünyi lanü lehcheh Tsingrangba yurü lile. Nührü ajingcho tsü abi nengdang khakhuchüjüba ko hütsü amii tsü müchangkaba akang tsü lile.

ROMRÜ 7:3

Hütsünü anii akang lide abükyünü aparü adhrerü te likhang, abükyü te nahtrahnaxenglarü dsinung; ta anii sükhang, abükyünü aparü adhrerü kuh la xengnye nahtrahnaxengrü mah, tunüo yuzengnü abükyü tsü lehcheh lile.

ROMRÜ 7:6

Ta ade, Ihsa yuzeng lanü lehcheh lile, tunüo khüdupi Ihsa arangyohrü kangsohba la tsü Ihsa sücho. Adelü athrahcho yuzeng ahiba langla mah, ta Anbü lang asi la Ihsanü dikehre.

ROMRÜ 8:2

Tunüo Anbü yuzeng khüinü Khrista Jisu la Ihsa khyang akang jücho, hütsünü Ih amünyi ko asüba yuzeng lanü nyüje kangsohcho.

1 KORINTRÜ 10:16

Abüdongba thsüti shing ko Ihsanü Tsingrangba khyang anengse jüba; hütsü lanü yongde Ihsanü Khrista shüh changtare. Ko Ihsanü chenahba hümdhse: hütsü tsude Ihsanü Khrista fü changtare.

2 KORINTRÜ 11:2

Tsingrangba kyo, Ihnü nührü nahmohre; tunüo nührü tsü amüthsengcheh lazarü khüdu, Ihnü dhrezarü khüdu, Khrista apu khyang müxingjücho kyo lile.

GALATIARÜ 3:13

Ta Khrista-nü Ihsa nengdang chokehchola kangchonü, yuzengnü hiroba chokehchola lanü Ihsa lihchehko; tunüo amüsa yunü yore, “Sü sing chah tbengro abi chokehchola pohki lile.”

GALATIARÜ 5:18

Anbünü nührü nükhang, nührü yuzeng pohki mühle.

EFESIARÜ 2:15

Abinü abi chah yucho anyüh tsü asi nyüh khüdu kangsohnung, ko yangtsa chürosohnung nengdang Jihudarü yuzeng ko yangthsa atümung changjücho.

FILIPIRÜ 1:11

Tsingrangba ahechi ko anengse nengdang, Jisu Khrista khu dunü jünung kohba amüsa sih atsa tsünü nührü akang jengsohng.

FILIPIRÜ 4:17

Ih jiyü yangchirü mah; ta nührü neng zikehcho ngunyüre.

KOLOSIRÜ 1:10

Hütsütakhang, nührünü Abüdongba-nü lümcho roh-i lichehnung, ko tunü abi künyangnung hütsü nührünü lede nguchinung. Nührü akangnü nguchi atsa adhangpi chürosohnung, ko Tsingrangba müdheba la nührü zinung.

KOLOSIRÜ 1:22

Ta ade, Atsudhre shutsa la süchonü, nührü abi te amüsa, amüdhseng ko mülang mükeh kangsohnung nengdang, Tsingrangba-nü nührü abi shangrü kangsohcho.

KOLOSIRÜ 1:6

Nührünü Tsingrangba achomang yuchiba ko müdheba nyümong lanü chünye yingcheh, yuse atsa tsünü amüwa mütozah hirojüre, ko limih apümlang sobhore.

KOLOSIRÜ 2:14

ko Ihsa nyüm yaba arahba yuzeng tsü, abinü nipehjo khala chah hümkeh hitsiko.

KOLOSIRÜ 2:20

Nührü Khrista te sücho ko limih athrijungcho anbü chahnü lehchehcho. Khang, tuepü nührü limih yo kyo liro? Tuepü yuzeng hitari,

IBRIRÜ 10:10

Tsingrangba-nü abi khyang tu nguchisohnyücho, hütsü Jisu Khrista-nü nguchichonü, lede nengdang khüdupi abi akang amübü jücho khu Ihsa amünyi lanü müsachehcho.

1 PETER 2:24

Ihsa amünyi la sünung ko amüsaba nengdang linung nengdang, Khrista apunü khala chah apu fü la Ihsa münyi hicho. Abi ihanü Ihsa kyangko.

MISHACHO 19:7

Ihsanü nengse künyangnung; Ihsanü abi mülahcho senung! Tunüo Sanza kukangnung becho chihko, ko hütsü nengdang anüyohtpü rungnüm lile.

MISHACHO 21:9

Ninglang riwürü dhünyeh yola khüdu, achangkaba wara dhünyehnü jeng liba shing dhünyeh bibanü ro Ite yocho, “Rung, Ihnü nüte kulangwütpü, Sanza Nitpü ngusohnung.”