ROMRÜ 3:4 - AMÜSA BAIBEL (BSI)

⁴ Khodesü mah! Atümung arahkhehrü thsanye, Tsingrangba yuje linung. Amüsa yunü yocho kyo: “Nühnü chode nü athsalang tsü ngusohng; Nü yukhade nühnü kohng.”

ROMRÜ 3:4 Iomraidhean Croise

NENGSEKHI 51:4

Ihnü Nüh nyüm, Nüh du nyüm, amünyi shitpahko, ko Nühnü amünyi khichiba Ihnü nguchiko. Hütsüeko Nühnü Iyu khanung tsü athsalang, Ih mülangjüba tsü Nüh athsalang.

NENGSEKHI 116:11

Ihnü drüseh lidesü yocho, “Sü chahsü longlangnung mühle.”

GALATIARÜ 2:17

Hütsütakhang, Ihsa Khrista khu Tsingrangba jingte langsohnung müküpde yangpirü roh-i du Ihsasü münyirüti kangkhang, Khrista tsü amünyi chürosohji mah-o? Khodesü mah!

IBRIRÜ 6:18

Hinyi la Tsingrangba-nü mümülichichehnung, ko mürakhehchehnung. Hütsünü Ihsa abi te khümcho lirütinü Ihsa bete alongdi khyangpüjüba nengdang drengdreng romehnung thsüchire.

TITAS 1:2

Tsingrangba sünü arahkheh müchoro, abinü hiba akang tsü adikeh lanü Ihsa te nyengchocho,

AZIKA YU 32:4

“Abüdongba-nü tsungtirü, apüm la adekheng ko yuje; Nührü Tsingrang yuje ko longlangba; atsa du ko athsalang du Abinü nguchire.

JOB 36:3

I lümlong achi-achüm-e; Ihnü I thribong Tsingrangba tsü yuje-epü ngusohnung Ihnü müdheba tsü bichinung.

JOHAN 3:33

Ta sünü abi yusi khyüchoro hütsünü Tsingrangba tsü yuje-epü müdhere.

NENGSEKHI 119:160

Nü yuzeng apüm tsü yuje, ko Nü Amüsa yukhaba apüm achangka mühle.

MISHACHO 3:7

“Filadelfia la Lithro riwürü yang thrahng: “Amüsa ko yujebong chahnü yusi tsü hi lile. Abi kheh la David yo azihsing zehle, ko khode abinü kukhang khüdu khangthrunang, sünüsü hütsü mükhangticheh, ko khode abinü hütsü khangtinang, sünüsü hütsü mükhangthruchehre.

1 JOHAN 5:20

Tsingrangba Tsurü ronü, Ihsa khyang yuje Tsingrangba müdhenung anyichehba jüchoepü Ihsanü müdhele. Ihsa yuje Tsingrangba chah ko Atsudhre Jisu chah lire. Hiba hi yuje Tsingrang ko müchangkaba akang.

ROMRÜ 9:14

Akhanglü Ihsanü tu yonung, Tsingrangba chah yuje mülirü mah-o? Hütsü roh-i khodesü mah.

NENGSEKHI 138:2

Nü Amüsa Amübükuh lahpi pipü, mükhukeh Nü nengsere, tunüo Nüh müthrehba amüi ko longlangba lile, tunüo Nühnü Nü neng ko Nü yuzengti tsü amichahbaepü ngusohko.

MIKA 7:20

Nühnü papade ihrü jümürü te nyengchocho kyo, Abraham ko Jakob shümtsurü te Nüh yuje choba ko amüthrehba amüi ngusohnung.

NENGSEKHI 100:5

Tunüo Abüdongba tsü atsa; Abi amüi achangka mühle ko Abi longlangchehba shang apüm la lile.

1 JOHAN 5:10

Hütsünü sünü Tsingrangba Tsurü chah yudsiro abi lasih la hiba yuzi hi lile; ta sünü Tsingrangba chah müyudsiro, abinü abi arahkhehrü kangjüre; tunüo Tsingrangba-nü Atsudhre nengdang tu yocho abinü hütsü yumüdsi.

GALATIARÜ 2:21

Ihnü Tsingrangba achomang tsü adeng mükangsohre. Ta yuzeng khu nyüh khüdu Tsingrangba jingte langsohkhang, Khrista süba tsü adeng.

ROMRÜ 6:15

Akhanglü tu? Ihsa yuzeng pohki mah, ta achomang pohki lichonü, Ihsanü amünyi nguchinung do? Hütsüta khodesü mah!

ROMRÜ 3:31

Hi adüzü hiba yudsinü Yuzeng tsü adeng kangjürü mah-o? Khodesü hütsüta mah; Ihsanü yuzeng tsü drengdrengsohre.

MATHI 11:19

Khode nyitsarü Tsurü rocho, abinü tsuyongcho, ko atümungnü yocho, ‘Nyitsarü hi dhing! Amünyomüra ko yongmücharü alih müthsü dhrirü ko münyirü shangrü!’ Ta Tsingrangba lümlong tsü yuje-epü anguchinü ngusohre.”

JOB 40:8

Ih yuje mücho pü yuzi jünung nühnü müküprü mah-o, Ih mülangjüpü nüh langnung müküprü mah-o?

GALATIARÜ 6:14

Ta Ihlü, khüta khütanye Ihsa Abüdongba Jisu Khrista khala nengdang du müthsehnung; tunüo abi khala khu I chah limih tsü süko, ko limih te Ih süko.

ROMRÜ 11:1

Akhang: Tsingrangba-nü apu nyitsarüti mükhyüchocho do? Khodesü mah! Ihsü Abraham chahnü trahchocho, Benjamin tsutpu lanü Israelrü khüdu lile.

NENGSEKHI 62:9

Nyitsarü atümung asah khüdu du amülah ko azikyah anyüding amii mühle. Ahosing la arüh hore ta müking; arüh asah tenüsü aringringba.

2 KORINTRÜ 1:18

Tsingrangba-nü yuje chocho kyo, nührü te Ih anyengchoba tsü “Ho ko Mah” hütsü mah.

ROMRÜ 11:11

Akhang: Jihudarü müthikehde, arüh athsangnyang la khülucho do? Khodesü mah! Tunüo arühnü münyi shitpahchonü, Jihudarü khyang mükhyahsohnung akangcheh tsü Yangpirü yang rocho.

ROMRÜ 7:7

Akhang Ihsanü yuzeng tsü amünyiepü yonung mah-o? Khodesü mah! Ta amünyi tsü tunang hiba Yuzeng khu Ihsanü müdhecho. Yuzeng tsünü, “Bürü yo tümükhyah” pü müyolanglü, amükhyahba tsü Ihnü mümüdheba thsako.

ROMRÜ 6:2

Khodesü mah! Ihsa amünyi la süko, khang Ihsanü khüta hütsüla du linung?

YUSE ATSA LUK 20:16

Abinü ro shehsherü tsü müpsehnung ko shükusiluh tsü khyo aparü khyang jünung.” Arühnü hi yuchinü yocho, “Hiroh-ilü tütikehsoh!”

ROMRÜ 7:13

Ta hütsüba atsa tsünü Ih süsohcho mah-o? Khodesü mah! Ta amünyi tsü amünyiepü mishanung shulüm khüi atsa licho hütsü khu amünyinü I chah asüba chürosohcho. Hütsüta, amülaba tsü khunü amünyi tsü khüsha amünyiepü ngusohre.

1 KORINTRÜ 6:15

Nührü fü Khrista lohlaepü mümüdherü do? Ihnü Khrista lohla khyücheh nahtrahnaxengrü lohla kangsohnung do? Khodesü mah!

1 TIMOTI 3:16

Rang liba Ihsa yangthsa arangcheh hi Ihsanü hoh-re: Abi shutsa la mishacho, Anbü la langsohcho, ninglang riwürünü ngucho. Abi yuchoti apüm la thsingyucho, liküprünü yudsicho, ko ninglang nükeh tsicho.