ROMRÜ 1:8 - AMÜSA BAIBEL (BSI)

⁸ Akhudi, nührü atümung shulüm Jisu Khrista la Ihnü I Tsingrang nengsere, tunüo nührü yudsi lihküpnü yuchile.

ROMRÜ 1:8 Iomraidhean Croise

MATHI 24:14

Ko hiba ninglang yanglih nengdang yuse atsa limih apümlang amüi tsurü atümung te yuzithsanung thsingyunung; hütsüpü achangka tsü ronung.

YUSE ATSA LUK 2:1

Hütsü shikhela yangthsaba Augustus-nü Roman yanglih atümunglang mono khinung yuzengjücho.

RIWÜRÜTI NGUCHI 11:28

Arüh yola nyüh khüdu anengnü Agabus yamüsu, alimih apüm la yangkong atrehdi ronungepü anbü la choyohcho. (Hütsü yangthsaba Klaudius chichah tikehcho.)

RIWÜRÜTI NGUCHI 28:22

Ta nü alümcho tsü ihrünü nyinyüre, tunüo apümlang hiba nüh zehba mülung nyümnü chocho ihrünü müdhele.”

ROMRÜ 10:18

Ta Ihnü tsingdhingre: Yuje arühnü yusi tsü müyuchicho do? Ajüje, arühnü yuchiko tunüo amüsa yunü yocho kyo: “Arüh yuva limih apümlang jengko; arüh yunü limih achangka chihko.”

ROMRÜ 16:19

Nührü ayochonyicho atümungnü yuchiko, hütsü nengdang Ih künyangre. Nührü atsa la lümzeh ko amütsa la khoto lisohnyüre.

ROMRÜ 6:17

Ta Tsingrangba neng seing! Tunüo nührü khüdupi amünyi yurü thsanye, nührünü khyüchocho adoba lanü nguba yuje la tsü nührü lasih apümnü nyicho.

1 KORINTRÜ 1:4

Jisu Khrista khu abinü nührü khyang achomang jüchonü Ihnü nührü nengdang I Tsingrang nengsere.

2 KORINTRÜ 2:14

Ta Tsingrangba seing! Tunüo Khrista la Tsingrangba-nü lede ihrü akohba lang nüre, ko abi müdheba axümlichi tsü ihrü khu apümlang sobhore.

EFESIARÜ 1:15

Hi khyanglangnü, Abüdongba Jisu chah nührü yudsi ko Tsingrangba tsurü atümung nengdang nührü amüi yuchi dunü,

EFESIARÜ 1:16

nührü nengdang Ihnü Tsingrangba khyang anengse jüba müzahre. I dangkhidangnang müipi nührü lümchehre,

EFESIARÜ 3:21

Abi te Lithro la ko Jisu Khrista la ahechi lede müchangkapü thsaang! Amen.

EFESIARÜ 5:20

Ihsa Abüdongba Jisu Khrista nengla, Au Tsingrang khyang lüpcho nengdang lede anengse jüng.

FILIPIRÜ 1:11

Tsingrangba ahechi ko anengse nengdang, Jisu Khrista khu dunü jünung kohba amüsa sih atsa tsünü nührü akang jengsohng.

FILIPIRÜ 1:3

Ihnü nührü lümcheh müipi nührü nengdang I Tsingrang nengsere;

KOLOSIRÜ 1:3

Ihrünü nührü nengdang dangkhidangnangde, Ihsa Abüdongba Jisu Khrista Au Tsingrang khyang ihrünü lede anengse jüre.

1 TESALONIKARÜ 1:2

Nührü atümung nengdang ihrünü Tsingrangba nengsere ko ihrü dangkhidangnang la lede nührü lümchehre.

1 TESALONIKARÜ 2:13

Lede ihrünü Tsingrangba nengseba tsü yuzi apa khüdu lile. Hütsü khode ihrünü nührü yang Tsingrangba yusi hirocho, nührünü nyitsarü yusi roh-i mah, ta Tsingrangba yusi roh-i khüi yuje liro, hütsü nyicho ko khyüchocho. Tunüo sünü yudsiro abi chah Tsingrangba-nü nguchire.

2 TESALONIKARÜ 1:3

Jünirüti, nührü nengdang lede Tsingrangba khyang ihrünü anengse jünung kangre. Ihrünü hi nguchinung tsü athsalang du, tunüo nührü yudsi dee zinü, ko nührü khüdunü khüdu te müitaba tsü dee adiu kangle.

2 TIMOTI 1:3

I jümürüti roh-i, lümlong amüsanü Ihnü dikehba Tsingrangba khyang nengse jüre. Ihnü ama tsingse I dangkhidangnangla nüh lümchehde abi nengsere.

FILEMON 1:4

Ajünirü Filemon, Ihnü dangkhidangnang müipi nü neng dangchi I Tsingrang khyang anengse jüre.

IBRIRÜ 13:15

Hütsünü, Ihsanü Jisu khu Ihsa kangmübü roh-i Tsingrangba khyang anengse beküp khu abi Abüdongba epü nyengcho mübünung.

1 PETER 2:5

Akang liba lung kyo rung, ko anbü amübükuh thsaba la tsü bichisohng, hütsüla Jisu Khrista khu Tsingrangba te akhyüchochehba akang mübünung amüsa bebürü roh-i dikehnung.

1 PETER 4:11

Jisu Khrista sü chah ahechi ko zii lede lidu liro, abi khu Tsingrangba khyang lüpcho la nengse jünungthsa, sünü thsingyuro abinü Tsingrangba yusi thsingyung; sünü dikehro abinü Tsingrangba-nü jücho re tsünü dikehng. Ahechi ko yanglih müchangkapü abi yo thsaang Amen.