ROMRÜ 1:3 - AMÜSA BAIBEL (BSI)

³ Hütsü atsudhre, Ihsa Abüdongba Jisu Khrista nengdang: shutsa lahpi, abi David chahnü trahchocho;

ROMRÜ 1:3 Iomraidhean Croise

LIPOH 3:15

Ihnü khingkutpü nühjü arorüh kangsohnung; abi za ko nü za lede arorüh thsanung. Abi zanü nü thah jürüpnung ko nühnü arüh thsühza la mükyühnung.”

NENGSEKHI 2:7

Yangthsabanü yore, “Abüdongba-nü tu seyohjücho Ihnü müdhesohnung. Abinü Ite yocho, ‘Nüh I tsurü, chünye Ihnü nüh nümüsure.

JEREMIA 33:26

Ko Ihnü hi yutsatsa nguchicho kyo, Jakob tsurüti te ko I dikehrü David te I azengtacho yohpünung. Abraham, Isak ko Jakob trah michah yangthsanung David trah lanü yangthsarü khüdu thronung. Ihnü I müyurü te yanglilüm ngunung ko arüh thali pungrohirosohnung.”

AMOS 9:11

Abüdongba-nü yore, “Trümtsu tsiba kuh khüdu thsachicho kyo David yanglih külüpchinung nyümong khüdu role. Ihnü tbü hütsü külüpchi asi kangjünung. Ihnü hütsü papade liba roh-i külüpjü kangsohnung.

MATHI 1:1

Hiba hi Jisu Khrista jümürü chung, Abraham chahnü trahchocho khüdu, David chahnü licho.

MATHI 12:23

Jisu-nü nguchicho ngu amülung atümungnü nyemüyang yocho, “Hi David tsurü mah-o?”

MATHI 15:22

Kanan-larü khüdu hütsüla licho abi yang ronü züde yocho, “David Tsurü! Ite chomang! I tsulatpü amünyi nbünü dee khingchi lile.”

MATHI 26:63

Ta Jisu-nü ciisü müthsacho. Anyüpiusü Bebü amungthribanü abi te yocho, “Nühnü akang liba Tsingrang nengla yuchümnung Ihnü yore: Nüh Tsingrangba Tsurü, Mesia tsü a mahro, ihrü te young.”

MATHI 27:43

Abinü Tsingrangba chah longlangre ko Tsingrangba Tsurü epü yore. Khang Tsingrangba-nü abi khümcho a mükhümchonang Ihsanü dhingdhingnung!”

MATHI 3:17

Ko dhing ninglangnü yuva khüdunü yocho, “Hiba hi Ihnü müiba Tsurü, sü chah I long kyangre.”

MATHI 9:27

Jisu-nü hütsü müdüm pehjüpü tsichi yade, anahtohrü nyüh anyüh abi khanglang iiwücho. “Ihrü te chomang, David tsurü, arühnü züdecho!”

YUSE ATSA LUK 1:35

Riwürü tsünü yocho, “Anbü Amüsa nü chah ronung ko Tsingrangba zii nü chah linung. Hütsünü asuronung liba Amüsa azarüte tsü Tsingrangrü Tsurü pü dsinung.

YUSE ATSA LUK 1:69

Abinü Ihsa khyang akohba Kangchehjüba jüko, Abi kulirü David chahnü trahchocho khüdu.

JOHAN 1:14

Yu tsü nyitsarü kangpü achomang ko yujenü jeng Ihsa yola licho; Au chahnü Atsudhre ahechi tsü Ihsanü nguko.

JOHAN 1:34

Johan-nü yocho, Ihnü hütsü nguko ko Ihnü nührü te abi Tsingrangba Tsurüepü yore.”

JOHAN 1:49

Nathanael-nü lalingcho, “Adorü, nüh Tsingrangba Tsurü! Nüh Israelrü yangthsaba!”

JOHAN 10:30

I U Ihjü khüdu du.”

JOHAN 10:36

Ihlü Tsingrangba-nü throchehcho ko hiba limih yang müthehcho. Khang, Ihnü Ih Tsingrangba Tsurüechonü khütapü Tsingrangba müchümükehrepü nührünü yoro?

JOHAN 20:28

Thomas-nü abi te lalingcho, “I Büdongba ko I Tsingrang!”

JOHAN 20:31

Ta nührünü Jisu tsü Mesia, Tsingrangba Tsurü pü yudsisohnung, ko abi chah nührü yudsi khu akang ngunung nengdang hiri thrahcho.

JOHAN 5:25

Ihnü nührü te yutsatsa yonung: Bekhyah chii role, ko hütsü ade lile, khode asürünü Tsingrangba Tsurü yuva yuchinung, ko sürünü hütsü yuchiro arüh kangli ronung.

JOHAN 7:42

Mesia tsü David tsutpu lanü ko David liba yangdi Bethlehem lanü ronung Amüsa yunü yo lile.”

RIWÜRÜTI NGUCHI 2:30

Abi azikehrü khüdu licho, ko abi te Tsingrangba-nü nyengchocho abinü müdhe licho: Tsingrangba-nü David chahnü David apu kyo yangthsarü khüdu chürosohnungepü yuchümcho.

RIWÜRÜTI NGUCHI 3:13

Abraham, Isak ko Jakob Tsingrang, Ihsa ajü-amü Tsingrang-nü abi dikehrü Jisu khyang amüsa ahechi jüko. Ta nührünü abi yangbe khyang jücho, ko Pilat-nü müthehnung dhrongchehpü khanglang mii nührünü Pilat jingte abi mükhyüchocho.

RIWÜRÜTI NGUCHI 8:36

Anyüh jowüyade, kih azikyah licho müdüm khüdu chii rocho, ko adibong tsünü yocho, “Hila kih lile. Ih mübaptichehnungthsa tunü yatinung?”

RIWÜRÜTI NGUCHI 9:20

Abinü müchungkhüti Sinagog lang wüpü Jisu tsü Tsingrangba Tsurüepü thsingyunung dikehcho.

ROMRÜ 1:9

Ihnü yoba tsü yuje, ko hütsü Tsingrangba tsurü, sü nengdang Ihnü I lasih apümnü Yuse Atsa thsingyuro, abi I yuzi lile.

ROMRÜ 4:1

Akhang, Ihsa yucho amü Abraham nengdang tu yonung? Abi chah tu tikehcho?

ROMRÜ 9:3

Shutsa la I jünirüti ko trahva khyanglangnü Khrista tenü za Ih chokehcholachoepü thsasohnyüre.

ROMRÜ 9:5

arüh tsü anengkhong Ibrirü jümürüti chahnü trahchocho; ko shutsa lahpinü Khrista tsü arüh hung lanü lile. Tsingrangba sünü atümunglang yangthsaro, abi müchangkapü seing! Amen.

1 KORINTRÜ 1:9

Tsingrangba sünü apu Tsurü Jisu Khrista, Ihsa Abüdongba te kehtasohnung nührü dsicho, abi tsü longlangchehba lile.

1 KORINTRÜ 10:18

Israelrü lümdhing; arühnü kangmübücho tsuba tsü Tsingrangba bholu dikehba la changtarü mahrü do?

GALATIARÜ 4:4

Ta khode bekhyah adekheng tsü rocho; Tsingrangba-nü apu Tsurü müthehcho. Abi limih la atpa khüdu khu rocho,

1 TESALONIKARÜ 1:10

ko atsudhre Jisu ninglangnü roba yingnung, sü abinü asücho lanü kanglisohcho, ko sünü aronung liba Tsingrangba rihlong chüronung lanü khümchoro, hiri nengdang nyitsarü atümungnü dangchire.

1 TIMOTI 2:5

Tunüo Tsingrangba khüdu du, ko Tsingrangba e amüi tsurü nyüh nürütaba nyitsarüsü khüdu du lile, hütsü Jisu Khrista,

1 TIMOTI 3:16

Rang liba Ihsa yangthsa arangcheh hi Ihsanü hoh-re: Abi shutsa la mishacho, Anbü la langsohcho, ninglang riwürünü ngucho. Abi yuchoti apüm la thsingyucho, liküprünü yudsicho, ko ninglang nükeh tsicho.

2 TIMOTI 2:8

Ihnü Yuse Atsa thsingyude docho kyo, David chahnü trahchocho ko asü lanü kangliba Jisu Khrista lümchehng.

1 JOHAN 1:3

Au ko Atsurü Jisu Khrista te ihrü akehtala tsü nührüsü zehchehnung nengdang ihrünü tu ngucho ko yuchicho hütsü nührü tesü sobhocho.

1 JOHAN 3:23

Abinü Ihsa khyang yuzeng jüba tsü Khrista-nü Ihsa khyang yuzengjücho roh-i, Atsurü Jisu Khrista chah yudsinung ko khüdunü khüdu te müitanung nengdang jücho.

1 JOHAN 3:8

Sünü amünyi bichiro abi motsing chahnü lile, tunüo adikeh lanü motsingnü amünyi shitpahko. Motsingnü tu nguchicho hütsü changjünung nengdang Tsingrangba Tsurü rocho.

1 JOHAN 4:15

Nyüh khüdunü Jisu tsü Tsingrangba Tsurüepü yudsinü nyengchokhang, Tsingrangba abi chah lire ko abi Tsingrangba chah lire.

1 JOHAN 5:1

Sünü Jisu tsü Mesia-epü yudsiro abi Tsingrangba tsurü lile; ko sünü Au müiro abinü Atsurüsü müire.

1 JOHAN 5:20

Tsingrangba Tsurü ronü, Ihsa khyang yuje Tsingrangba müdhenung anyichehba jüchoepü Ihsanü müdhele. Ihsa yuje Tsingrangba chah ko Atsudhre Jisu chah lire. Hiba hi yuje Tsingrang ko müchangkaba akang.

1 JOHAN 5:5

Sünü limih kohchehnung kohro? Jisu tsü Tsingrangba Tsurüepü sünü yudsiro abi dunü kohchehnung.

2 JOHAN 1:7

Jisu Khrista tsü shutsa la müro pü yorü limih la khütango chüroko. Hitari nyitsarü tsü kihyochüjürü ko Khrista arorüh lile.

MISHACHO 2:18

“Thyatira la Lithro riwürü yang thrahng: “Tsingrangba Tsurü, sü nahtse mihmüle kyo ko sü jing asehcho imüyeng kyo ririro, abi chahnü yusi tsü hi lile.