ROMRÜ 1:25 - AMÜSA BAIBEL (BSI)

²⁵ Arühnü Tsingrangba yuje tsü arahkheh te mülitare; ko akülüpbong müli athricho dikehre ko mübüre; ta Tsingrangba du müchangkapü seing! Amen.

ROMRÜ 1:25 Iomraidhean Croise

NENGSEKHI 72:19

Abi ahechi neng achangka müli seing. Abi ahechinü limih apüm jengsohng. Amen! Amen!

ISAYA 44:20

Hütsü tavi tsucho kyole. Abi amüsithsa lümlong tsünü mütrochehnungthsa nümülako. Abinü arahkheh la hiba kyothri tsü tsingrang mah pü müyochehnung.

JEREMIA 13:25

Nührü müngu hi kyo linungepü Abinü yore. Abinü nührü chah hiroh-i nguchinung dhrongchehko, tunüo nührünü Abi nbüchüpehko ko arahkheh tsingrangti chah longlangko.

JEREMIA 16:19

Abüdongba, Nüh dunü Ih tsungtire ko re jüre; I chongchala Nühnü trore. Alih changka lanü yuchotinü ro Nüte yonung, “Ihrü jümürü arahkheh tsingrangti ko amükhyu kyothri chah khu tu mülicho.

AMOS 2:4

Abüdongba-nü yore, “Judarünü thali-thali amünyi shitpahko, hütsü ngang Ihnü arüh khingchi riri. Arühnü I adoba müthsamünyüko ko I yuzeng müyohbü. Arüh jümürünü dikehba arahkheh tsingrang tsünü arüh nümülako.

HABAKUK 2:18

Kyothri tu dhsütahro? Hi nyitsarünü külüpcho du ko hinü nüte arahkheh du yore. Yu müchoba tsingrang khüdunü, akülüprünü abi chah longlangsohnung atsa tu nguchiro?

MATHI 10:37

“Sünü palu au mahkhang atpa I tenü alaa müinang abi I mono thsanung adekheng mah; Sünü palu tsurü mahkhang atsularü I tenü alaa müinang abi I mono thsanung adekheng mah.

MATHI 6:24

“Sünüsü abüdongrü anyüh müdikehcheh; abinü khüdu thrünyinung ko akhüu müinung; khüdu te yochonyinung ko akhüu tsü müchümükehnung. Nührünü Tsingrangba ko kuthsi anyüding müdikehcheh.

JOHAN 2:8

hütsüpü abinü arüh te yocho, “Kih tsü aza khacheh khehthsithsaba khyang hiwüng.” Arühnü kih khüi

ROMRÜ 1:18

Amünyi apüm ko nyitsarüti münyi khüinü yuje tsü yatiro, hütsü nyüm Tsingrangba rihlong chüroba misha lile.

ROMRÜ 1:23

arühnü amüsüba Tsingrang müli, asüba nyitsarü, uza, kanglungrü mahkhang chitsiba kanglungrü kyoba kyothri mübüre.

ROMRÜ 9:5

arüh tsü anengkhong Ibrirü jümürüti chahnü trahchocho; ko shutsa lahpinü Khrista tsü arüh hung lanü lile. Tsingrangba sünü atümunglang yangthsaro, abi müchangkapü seing! Amen.

2 KORINTRÜ 11:31

Ihnü mahpü Tsingrangba, Abüdongba Jisu Aunü, Ih mürahkherepü müdhele. Müchangkapü abi seing!

EFESIARÜ 3:21

Abi te Lithro la ko Jisu Khrista la ahechi lede müchangkapü thsaang! Amen.

1 TESALONIKARÜ 1:9

Ihrünü nührü xodhingde nührünü ihrü khüta khyüchocho, ko khüta kyothri mübüba lanü yuje ko akang liba Tsingrang dikehnung ximülacho

1 TIMOTI 1:11

Ahechi ko müwajübong Tsingrang chahnü Yuse I khyang sobhonung nyümkehjüba adoba tsü Yuse Atsa vakhala ngure.

1 TIMOTI 1:17

Müchangkaba yangthsaba, amüsüba ko amünguba, Tsingrang khüdu du, abi khyang adhichi ko ahechi müchangkapü thsaang! Amen.

2 TIMOTI 3:4

kihyochürü, thsanyücho thsaba, tüzümükhüm, arühnü Tsingrangba mahpü künyangküshi du müiba;

1 JOHAN 5:20

Tsingrangba Tsurü ronü, Ihsa khyang yuje Tsingrangba müdhenung anyichehba jüchoepü Ihsanü müdhele. Ihsa yuje Tsingrangba chah ko Atsudhre Jisu chah lire. Hiba hi yuje Tsingrang ko müchangkaba akang.