NENGSEKHI 9:2 - AMÜSA BAIBEL (BSI)

² Nü khyanglangnü akünyangnü khi thsanung. Ihnü Nü nengsekhi thsanung, Akohbong Tsingrang.

NENGSEKHI 9:2 Iomraidhean Croise

NENGSEKHI 138:1

Abüdongba, I lasih apümnü Ihnü Nüh sere; tsingrangti bete Ihnü Nü nengsekhi thsare.

NENGSEKHI 26:7

Ihnü nengsejüba khi thsare ko Nü anyemüyangnung nguchi nengdang yore.

NENGSEKHI 27:6

Hütsünü I mükang liba arorühti michah akoh ngunung. Amübükuh la akünyangnü züde kangmübü jünung; Ihnü khi thsanung, Ihnü Abüdongba nengsenung.

NENGSEKHI 28:7

Abüdongba-nü Ih tsungtire ko khümre; Ihnü Abi chah longlangre. Abinü Ih trore ko Ih künyangsohre; Ihnü akünyang khinü Abi senung.

NENGSEKHI 43:4

Hütsüde Nü bholu yang wünung, O Tsingrang; Nüh I akünyang pohchehji. Ihnü tbenglah tiinü nengsekhi thsanung, O Tsingrang, I Tsingrang.

NENGSEKHI 5:11

Ta Nü chah akhümcho ngurü atümung künyangtanung; akünyangnü arühnü lede khi thsanung. Nü müirü khümchoung; Nüh khu arüh yuje akünyang lile.

NENGSEKHI 7:17

Abi yuje nengdang Ihnü Abüdongba sere, Amichahba, Abüdongba te Ihnü nengse khi thsare.

NENGSEKHI 83:18

Limih apüm michah Nüh du tsü Abüdongba ko amichahba yangthsabaepü arüh khyang müdhesohng.

NENGSEKHI 86:12

Ihnü I lasih apümnü Nüh senung O Abüdongba; I Tsingrang Ihnü Nü dicho lede senung.

NENGSEKHI 92:1

O Tsingrang, Nü khyang nengse jünung khüta atsa, O amichahba Tsingrang, Nü nengsekhi thsanung khüta atsa.

NENGSEKHI 92:4

O Abüdongba, Nüh akohba nguchinü Ih künyangsohre; Nühnü tu nguchicho hütsü nengdang Ihnü akünyangnü khi thsare.

NENGSEKHI 96:3

Yuchoti te Abi ahechi ko nyitsarü atümung te Abi akohba nguchi tsü sobhoung.

NENGSEKHI 97:12

O nührü Amüsarü atümung Abüdongba la künyang, ko Abi neng Amüsa khyang nengse jüng!

NENGSEKHI 97:9

Akohba Abüdongba, limih apüm la Nüh yangthsarü; tsingrangti apüm tenü Nüh deenü adiu lile.

DANIEL 5:18

“Amichahba Tsingrang-nü nüu Nebukadnezar tsü yangthsarü arangcheh khüdu kangsohcho ko abi khyang adi ko ahechi jücho.

FILIPIRÜ 4:4

Lede Abüdongba la künyang; anyüpiusü Ihnü yore: Künyang!