NENGSEKHI 81:3 - AMÜSA BAIBEL (BSI)

³ Chonu asi ko anyümülih la, thsüti nengdang rühti tsü mehng.

NENGSEKHI 81:3 Iomraidhean Croise

2 YANGTHSARÜTI 4:23

Aniinü yocho, “Nüh tuepü chünye wünung? Hi Sabath nyümongsü mah mahkhang choo asi Thsütisü mah!” Abükyünü yocho, “Tu müthsa.”

1 ROHTHÜP 15:16

David-nü Levirü azibarüti te papa khyang akünyang khi honglilah ko dhingza tii thsasohnung yuzengjücho.

1 ROHTHÜP 16:42

Heman e Jeduthun nyüh tsü nengsekhi thsade rühti, dhingza ko apa ikhongti bichi thsaba michahsü axükümrü thsacho. Ko Jeduthun tsutpula aparü tsü tbükhüm nyahnung nyümkehjücho.

1 ROHTHÜP 16:6

Asaf-nü dhingza tinung ko bebürü Benaia ko Jahaziel nyühnü lede Yuzeng Singdi bete rühti mehnung.

1 ROHTHÜP 25:1

Yangthsaba David ko Levirü zirütinü amübüla langnünung nengdang Levi hung lanü hiri throchehcho: Asaf, Heman ko Jeduthun. Tbenglah ko dhingza tii khi thsachote müjang arühnü Tsingrangba yu sobhonung. Mülung papanü yangthsa papa la dikehde amübü nüchi nyitsarü hiri throchehcho:

2 ROHTHÜP 13:12

Tsingrangba Apu tsü ihrü anüchiba ko Abi bebürünü hila rühti bipü nührü nyüm khata suwünung rungnüm lile. Israelrü, Abüdongba, nührü jümürü Tsingrang nyüm tükhata! Nührünü mükohnung!”

2 ROHTHÜP 13:14

Judarünü dhingmükangde arüh betiko pü ngucho. Arühnü Abüdongba te troungpü züdecho ko bebürünü rühti tsü mehcho.

2 ROHTHÜP 2:4

Abüdongba I Tsingrang dhichinung Ihnü amübükuh khüdu thsare. Hütsü Ih ko I müyurünü axümlichi müchiji trüpnung, ihrünü mütozah Amüsa hümdhse mübünung ko Sabath nyümong, Chonu Asi Thsüti ko Abüdongba ihrü Tsingrang dhichinung Amüsa nyümong roh-i anyangnyü ko anyüzehlang mükhu trüp mübü jo Abi mübünungba Amüsa müdüm linung. Hütsüta akang ayung nguchinung Abinü Israel khyang yuzeng jüko.

2 ROHTHÜP 8:13

Abinü Amüsa nyümong müipi nengdang Mosa yuzengnü mülacho roh-i trüp mübü mübücho: Sabath nyümong, Chonu Asi Thsüti ko kang la thsüti asang, Bhüpza müyohba hümdhse Thsüti, Maxa Thsüti ko Mütpahvi Thsüti.

NENGSEKHI 149:3

Abi neng tsohchi seing; tbhang ko tbenglah bi Abi seing.

NENGSEKHI 33:2

Abüdongba khyang tbenglah bi nengse jüng, abi te tbenglah bi khi thsaang.

NENGSEKHI 98:6

Rühti ko shujüh mehng, ko Ihsa yangthsaba, Abüdongba te akünyangnü züdeing.

MESHÜ 2:6

Ihrünü Abi mübüba Amübükuh Abinü zangzang kengnahjüko; Abinü Amüsa nyümongti ko amünyümong changkapehjüko. Yangthsaba ko bebüba anyüdingnü Abi zii müdheko.

NAHUM 1:15

Dhing, azongla yusi atsa hipü yuhirü khüdu tsehle. Abi akoh sobhonung rore. Judarüti, nührü thsüti müzehng ko Tsingrangba khyang nührü anyengchocho jüng. Amütsarünü anyüpiu khodesü nührü lih mümahnung. Arüh sehchi changjüko!

KHIDHINGCHO 15:3

Yuchüm tikehsohnung amüküp mübü mahkhang trüp mübü mahkhang kangmübüthsa misüpung khüdu, sanpung khüdu, san khüdu mahkhang miza khüdu Abüdongba khyang mübüng; hiri tsang mübü axümlichi tsünü Abüdongba künyangsohre.

KHIDHINGCHO 28:11

Choo mükhu adikeh nyümong tsü Abüdongba khyang trüp mübü jüng: Misüpung aza anyüh, mizapung khüdu, kang khüdu za sanpung dhünyeh apüm lapha mükehcho.

AZIKA YU 16:15

Nyümong dhünyeh hiba thsüti mübüba müdümla müzah mungnü Abüdongba nührü Tsingrang dhiching. Künyangtaang, tunüo Abüdongba-nü nührü maxa ko nguchi müwajüko.

KOLOSIRÜ 2:16

Hütsünü nührünü tu tsuyongro mahkhang amüsa nyümong mahkhang choo asi thsüti mahkhang Sabath nyümong hiri nengdang sü khyangsü nührü yu tükhasoh.