NENGSEKHI 7:9 - AMÜSA BAIBEL (BSI)

⁹ Nüh Amüsaba Tsingrang ko ihrü lümcho ko mükhyahcho yukhare. Amütsa nyitsarü akhürah tsü yatieng ko atsarü khyang jiyüng.

NENGSEKHI 7:9 Iomraidhean Croise

LIPOH 20:5

Abraham apunü abükyü tsü aniepü yocho, ko abükyü nüsü hütsüta yocho. Ihnü hi lümlong amüsanü nguchicho ko Ihnü tu müthsameh.”

1 YANGTHSARÜTI 8:32

O Abüdongba, ninglangnü nyijüng ko Nü dikehrü yukhajüng. Mülangba tsü abi aleng khingching, ko achomükeh tsü langjüng.

1 ROHTHÜP 28:9

Ko Solomon te abinü yocho, “Itso, nühnü I Tsingrang müdhenung ko lasih apümnü Abi dikehnung Ihnü nüte khangre. Abinü Ihsa lümcho ko khyünyücho apüm müdhele. Nühnü Abi yang wükhang, Abinü nüh khyüchonung; ta nühnü Abi tenü zakhang, Abinü lede nengdang nüh pehjünung.

NENGSEKHI 10:15

Akhürah ko amütsarü zii tsü thsangnyangjünung; arühnü thali amütsa münguchinungthsa arüh thsamehcho ngang khingching.

NENGSEKHI 10:18

Nyüpmüsehrü ko mürürütinü züde yuchinung; Nühnü arüh phikhüm yukhanung, hütsüde asüba nyitsarünü adrünung münguchinung.

NENGSEKHI 11:5

Nyitsarü atsa ko amütsa anyüding Abinü müchehdhingre; yuzeng thsangnyangrülü Abi lasih apümnü thrünyire.

NENGSEKHI 139:1

Abüdongba, Nühnü Ih thsadsüko ko Ih müdhele.

NENGSEKHI 17:3

Nühnü I lasih müdhele. Nühnü aromang Ih xodhingcho; Nühnü Ih longi müchehdhingko ko I chah amünyi tu müngu.

NENGSEKHI 18:21

Abüdongba yuzeng Ihnü nyiko; I Tsingrang tenü Ih müximüla.

NENGSEKHI 26:2

Ih thsadsüng ko Ih düzodhing, Abüdongba; I lasih ko lümlong thsadsüng.

NENGSEKHI 35:23

Mühachieng, Abüdongba, ko Ih khüm; Shemüsung, I Tsingrang, ko I shulüm kihchijüng.

NENGSEKHI 37:23

Nyüh khüdu abi wünung lang tsü Abüdongba-nü nüre, ko Abi künyangsohrü tsungtire.

NENGSEKHI 40:2

Abinü adrünung shukuh lanü ko adhsürü chongbong lanü Ih tphahchehcho. Ko Abinü lung khüdu michah yasoh ko khümcho yohpücho.

NENGSEKHI 43:1

O Tsingrang, Ih langjüng, ko Tsingrangba mümüdherü nyüm Ih khüm; arahkhehrü ko amütsarü khehlanü Ih khümchoung!

NENGSEKHI 44:21

Nühnü hütsü rangchehpü libae, tunüo Nühnü ihrü arang lümlong müdhele.

NENGSEKHI 58:6

O Tsingrang, hiri adrünung kihkhünying aha tümpehjüng.

NENGSEKHI 9:9

Abüdongba tsü asehtirü tsikehsing; dhsangthsila ku münyichah.

NENGSEKHI 96:10

Yucho apüm te young, “Abüdongba tsü yangthsabong! Alimih tsü drengdreng yohpüle ko mühachinung mükoh; Abinü yuje la yuchoti yukhanung.”

NENGSEKHI 96:13

mürong la singdongtinü akünyangnü züdenung. Abinü alimih yuchoti Amüsa ko yujenü yangthsathsanung.

NENGSEKHI 98:9

tunüo Abi limih la yangthsathsanung rore. Abinü limih yucho yuje ko Amüsanü yangthsanung.

JEREMIA 11:20

Hütsüpü Ihnü dangkhidangnangcho, “Akohba Abüdongba, Nüh yuje yukharü lile; Nühnü nyitsarü lümcho ko thoh thsadsüre. Ihnü Nü kheh la I bhamüling yohpüjüre; hütsünü hiri nyitsarü chah rühyangcho Ihnü dhingnung.”

JEREMIA 17:10

Ih, Abüdongba-nü nyitsarü lümlong yangchire; ko lasiking thsadsüre. Nyitsarü mükhu abürü licho aichi bichire, abi nguchi aichi.”

JEREMIA 20:12

Ta, Akohba Abüdongba, Nühnü nyitsarü athsalang thsadsüre; arüh lümlong ko lasiking müdhele. Hütsüeko nühnü I rorüh chah rühyangcho Ite ngusohng, tunüo Nü kheh la I bhamüling jopehko.

DANIEL 11:45

Abinü kihdi ko azong nyüh kahla Amübükuh kuphi la tsü yangthsaba shükuh thsanung. Ta abi hütsüla atrorü süsü mülipü sünung.”

RIWÜRÜTI NGUCHI 12:23

Hütsüde tsünü Abüdongba ninglang riwürünü Herod xüptsucho, tunüo abinü Tsingrangba khyang jengreng müjü. Ko abi mücinü rühseh sücho.

ROMRÜ 16:25

Ihsanü Tsingrangba khyang ahechi jünung! Jisu Khrista Yuse Atsa Ihnü thsingyucho ko papade shang adrong rang licho arangyu mishachonü, abinü nührü yudsi la drengdrengsohnung kohle.

1 TESALONIKARÜ 3:13

Hütsüta abinü nührü rezehsohng, ko Abüdongba Jisu abi amüsarüti yola rode, Ihsa Tsingrang ko Au jingte nührü apisa ko amüsa kangnung.

1 PETER 5:10

Ta nührü azachah chongchapü khanglang achomang Tsingrang, sünü Khrista la lede ahechi changtanung nührü dsicho, abinü nührü pisasohnung, ko nührü drengdreng suzehsohnung ko nührü müshehchisohnung.

JUDA 1:1

Jisu Khrista dikehrü ko Jakob ani Juda chahnü— Sürü Tsingrangba-nü dsicho, sürü Au Tsingrang amüila liro ko Jisu Khrista atsungtiba la liro arüh yang:

MISHACHO 2:23

Abükyü khanglang iiwürüsü atümung Ihnü kyüsehnung, hütsüpü du lithroti apümnü nyitsarü müipi lümcho müdhebong tsü Ih-epü müdhenung. Ihnü nührü nyitsarü müipi khyang palu nguchi aleng jünung.

1 SAMUEL 16:7

Ta Abüdongba-nü abi te yocho, “Abi khütoi thseng ko pümtrung tsanye pehjüng. Ihnü abi müthro, tunüo Ihnü nyitsarü kyo yu mükhare. Nyitsarünü amichah dhingre, ta Ihnü lasih du dhingre.”

1 SAMUEL 2:9

“Abinü yuje chorü tsungtire, ta amütsarü amala chahpehre; nyitsarünü apu tasenü mükohre.