NENGSEKHI 7:16 - AMÜSA BAIBEL (BSI)

¹⁶ Hütsüta arühbürü jangjang khingchire ko palu shühkhatohbala dhsakehre.

NENGSEKHI 7:16 Iomraidhean Croise

1 YANGTHSARÜTI 2:32

Joab-nü Iu David-nü mümüdhepü hütsüri kyüsehcho ngang Abüdongba-nü abi khingchinung. Joab-nü apu tenü atsau nyüh anyüh kyüsehcho: Israel rothsarü anüchiba Abner ko Juda rothsarü anüchiba Amasa.

1 YANGTHSARÜTI 21:19

Ih, Abüdongba-nü abi te hita yoreding: ‘Nyitsarüba tsü kyüsehpü abi kuthsi mii khyünung ang?’ ‘Füzatinü Naboth shüh müyahba müdümla tsü, arühnü nü shüh müyahnung!’”

ESTHER 7:10

Hütsüta Mordekai hohsehnung külüpba ahohsehsing la tsü Haman apu hohseh süsohcho. Hütsüpü du yangthsaba zichürocho nyehlicho.

ESTHER 9:25

Ta Esther-nü yangthsaba yang wücho ko yangthsabanü yuzeng khüdu müthehcho khüi khu Haman-nü Jihudarü nengdang külüpcho rahla apu hohcho, akikhangnü, abi ko atsurüti ahohsehsing la hohsehcho.

JOB 4:8

Nyitsarünü münyi luh xücho ko amütsa majüh shucho Ihnü nguko; ko ade arühnü amütsa ko amünyi xare.

NENGSEKHI 141:10

Ihlü müdhsakehpü tside, amütsarü tsü arühbürü zeng la longyohsohng.

NENGSEKHI 35:8

Ta arühnü hütsü mümüdhede athsangnyangnü arüh bhünüpnung; arühbürü uzathsala arüh xohnung ko arüh changnung!

NENGSEKHI 36:12

Amütsarü khülu liba tsü dhing, hütsüla müshemüsucheh khülu lile.

NENGSEKHI 36:4

Abi chongnong chah yüpjode amünyi rah chungre; abinü tu atsa nguchi mühle, ko abinü amütsa khodesü müdhsonglire.

NENGSEKHI 57:7

O Tsingrang, Nü chah khütang longlangre; Ihnü khi thsa Nüh senung!

NENGSEKHI 9:16

Abüdongba-nü yuje yukhacho khu apu mishako, ko amütsarü arühbürü nguchinü arüh xohko.

CHOYOH 1:19

Arahkhehnü jingchonung iichirü akang changkare ko hütsü jingchorü akang khyüre.

CHOYOH 26:27

Sünü shukuh juro, abi hütsüla dhrümrangnung ko sünü lung khülu müthehro hütsünü abi kengsehnung.

THSINGYURÜ 10:8

Nühnü mütrüm jukhang, nüh hütsüla dhrümyohnung; nühnü dengzi thsangnyang züdukhang, mürü khüdunü nüh mükyühnung.

1 SAMUEL 23:9

Saul-nü abi mahnung lümchung David-nü yuchi, abinü bebüba Abiathar te yocho, “Bebü jengki hirung.”

1 SAMUEL 26:10

David-nü yocho, Abüdongba apunü Saul kyüsehnung, abi bekhyah chihde, füdhsa mahkhang khatala abi sünung.

1 SAMUEL 28:19

Abinü nüh ko Israelrü Filistinrü kheh la jünung. Atu nüh ko nü tsurü Ite linung ko Israelrü rothsarü Filistinrü kheh la jünung.”