NENGSEKHI 69:4 - AMÜSA BAIBEL (BSI)

⁴ Yuzi mülipü I thrünyirüti I thah chah I kuva tenü adrongu lile. I rorütinü Ih nyüm arahkheh chore; arüh re azeh ko Ih müpsehnyüre. Ihnü müfühcho kohro arühnü I khyang sahsohcho.

NENGSEKHI 69:4 Iomraidhean Croise

NENGSEKHI 35:19

I münyehrüti, arahkhehrü khyang Ih tükohsoh. I alongri michah tu yuzi mülipü I thrünyirü khyang nahxitbengnü Ih tüdhingsoh.

NENGSEKHI 40:12

Chongcha khütango, mükhilongnü Ih mükangtiko! I münyinü Ih bhünüp-pehko, ko Ihnü ngunung mükohre; arüh I thah chah kuva tenü adrongu, ko I longdi changpehko.

NENGSEKHI 59:3

Dhing! Arühnü Ih müpsehnung yingle; akhürahrüti Ih nyüm shibülungle; I münyi ko thsamehcho ngang mah, O Abüdongba,

NENGSEKHI 6:7

Ihnü hariri du ngunung kohre; I rorüti thsacholanü atrachonü I nahtse bümtiko.

JOHAN 15:25

Ta hütsü arüh yuzeng la thrah licho tikehnungba licho: ‘Arühnü amükangnü Ih thrünyicho.’

2 KORINTRÜ 5:21

Khrista la ihrü Tsingrangba amüsaba tsü kangnung nengdang, sünü amünyi mümüdhecho, abi ihrü nengdang amünyi kangsohcho.

1 PETER 2:22

Abinü amünyi tu müshitpah, ko sünüsü abi be lanü arahkheh cho müyuchidhing.

1 PETER 2:24

Ihsa amünyi la sünung ko amüsaba nengdang linung nengdang, Khrista apunü khala chah apu fü la Ihsa münyi hicho. Abi ihanü Ihsa kyangko.

1 PETER 3:18

Tunüo Tsingrangba yanglang nührü nowünung nengdang, münyirüti müli amüsa Khrista-nü münyiti shulüm lede nengdang khüdupi sücho. Abi shutsa la süsohcho, ta anbü la kanglisohcho,