NENGSEKHI 69:3 - AMÜSA BAIBEL (BSI)

³ Züdechonü Ih kyahpehko, I linga kungpehko. I Tsingrang yingde, I nahtse chürore.

NENGSEKHI 69:3 Iomraidhean Croise

JOB 11:20

Ta amütsarülü lümdhama dhingmükangnung, ko atsichehnung lang mülepü müdhenung. Asüba ronung du tsü arüh alongdi linung.

JOB 16:16

Atrachonü I romih moh kangko, ko I nahküp bümcho,

NENGSEKHI 119:123

Nüh akhümcho ko Nü Amüsa anyengchocho tikehnung yingchonü I nah tsohchehko.

NENGSEKHI 119:82

Nü anyengchocho yingchonü I nah tsohchehko. Ihnü tsingdhingcho, “Nühnü khode Ih rükunung?”

NENGSEKHI 22:15

I linga lihwü kyo kung lile, ko I müle I khüla chah tahkehko. Nühnü Ih lihwüla; asünung pehjüko.

NENGSEKHI 22:2

Anyümong Ihnü Nüte dsicho, I Tsingrang, ta Nühnü mülaling; Aromang Ihnü dsicho, ta akyahshang müngu.

NENGSEKHI 25:21

Atsaba ko yuje chobanü Ih rikijüng, tunüo Ihnü Nü chah longlangre.

NENGSEKHI 39:7

Khang Abüdongba, tu nengdang Ihnü longdinung? Ihnü Nü chah I alongdi yohpüre.

NENGSEKHI 40:3

Abinü Ite khi asi khüdu docho, Ihsa Tsingrang nengsekhi. Hi ngurü adrongnü müzahnung ko Abüdongba chah longlangnung.

NENGSEKHI 6:6

Awahchonü Ih kyahpehko; Romang mükhu I nahshükihnü I chongnong zichehre; Nahshükihnü I thahkhangsing dhsangchehre.

NENGSEKHI 69:21

Ih yangde, I khyang müyüh tüpcho; Ih xode, arühnü acikih tihcho.

NENGSEKHI 88:7

Nü rihlongnü Ih niisehre, ko hütsü kihlohnü Ih mülümphare.

ISAYA 38:14

I yuva aikyah ko re müzeh, Ko Ihnü mümüdhrü kyo rühchicho. Ninglang dhingchonü I nah kyahcho. Abüdongba, hiri chongcha apüm lanü Ih khümchoung.

MESHÜ 2:11

Atrachonü Ih nyilapehko; I nbü longrire. I nyitsarü changsohcho ngu awahchonü Ih kyahko. Yangdi tungtela azarü ko akhungarüti sütüre.

JOHAN 19:28

Jisu-nü adelü lüpcho thümkopü müdhe, Amüsa yu tikehsohnung abinü yocho, “Ih xole.”

AZIKA YU 28:32

Nührünü ngunü nührü tsurü ko tsularüti tsü shuparü khyang ayurü thsanung jünung. Nyümong mükhu nührü tsuzarü thalinung nahmürahchonü nührü nahkoh tohyohnung.

IBRIRÜ 5:7

Limih la abi akang lide Jisu-nü abi asücho lanü khümchonung kohba Tsingrang te züdenü nahshükih threh kihchicho. Ko abi alonglüm ko khakhuchüjüba khu Tsingrangba-nü abi te nyicho.