NENGSEKHI 59:3 - AMÜSA BAIBEL (BSI)

³ Dhing! Arühnü Ih müpsehnung yingle; akhürahrüti Ih nyüm shibülungle; I münyi ko thsamehcho ngang mah, O Abüdongba,

NENGSEKHI 59:3 Iomraidhean Croise

NENGSEKHI 140:2

Arühnü lede rah amütsa du dore, ko lede yübütanung du külüpre.

NENGSEKHI 2:2

Yangthsarütinü nyümre, langnürütinü be müjangpü Abüdongba ko Abinü throchehcho yangthsaba nyüm arah külüpre.

NENGSEKHI 38:12

I müpsehnyürünü zeng thsapüjüre, I dhsakehjünyürünü Ih changjünung mütichire; Ih nyüm rah külüpba müzahre.

NENGSEKHI 56:6

Arühnü shibülungpü rang pümpü Ih müpsehnung I nguchicho apüm dhingyehre.

NENGSEKHI 69:4

Yuzi mülipü I thrünyirüti I thah chah I kuva tenü adrongu lile. I rorütinü Ih nyüm arahkheh chore; arüh re azeh ko Ih müpsehnyüre. Ihnü müfühcho kohro arühnü I khyang sahsohcho.

CHOYOH 12:6

Amütsarü yu tsü shühthrehba, ta Amüsarü yunü dhsürüla lirü iichore.

CHOYOH 24:15

Yuje chorü arahnü kengchonung mahkhang abi kuh lanü fühnung arah külüprü akhürahrü tükyo.

MIKA 7:2

Alih la yuje chorü süsü nying mühle, Tsingrangba te yocho nyirü süsü mühle. Atümung müpsehnung thsatsa khüdu yingrü amüthsi. Ajünirü khüdunü khüdu nyihrü amüthsi.

JOHAN 15:25

Ta hütsü arüh yuzeng la thrah licho tikehnungba licho: ‘Arühnü amükangnü Ih thrünyicho.’

RIWÜRÜTI NGUCHI 23:21

Ta arüh yu tünyi, tunüo arüh nyüh yüre chah alaa langla thseh pümnung. Abi mümüpsehde arühnü mütsumüyongnung yuchümko. Hütsüta nguchinung arüh rungnümko ko nü yu du yingle.”

1 SAMUEL 19:1

Saul-nü atsurü Jonathan ko abi pohki adirüti te abinü David kyüsehnung lümchung lilepü yocho. Ta Jonathan-nü David dee müphahcho,

1 SAMUEL 24:11

Dhing uwa, Ihnü nü shü chahnü dsi-o xasah biba hi dhing. Ihnü nüh kyüsehnung kohcho, ta shü hidu tsehsah khyücho. Hi khu Ihnü nüh nyümnung ko kyüsehnung alümcho mülepü nühnü nyichehnung. Ihnü tu thsameh mülipü nühnü Ih kyüsehnung iichire.

1 SAMUEL 24:17

Hütsüde abinü David te yocho, “Nüh yuje ko Ih mülangko. Ihnü nüte hitoi mütsa bichipü, nühnülü Ite khütang tsa bichiko!

1 SAMUEL 26:18

Ko abinü yocho, “Adirü, nüh ade yingcheh Ih iichirü do? Ihnü tu nguchicho? Ihnü tu thsamehcho?