NENGSEKHI 53:3 - AMÜSA BAIBEL (BSI)

³ Ta arüh atümung amütsilang tsiko; arüh atümung amütsa. Atsa nguchirü süsü mühle, khüdusü mühle.

NENGSEKHI 53:3 Iomraidhean Croise

2 SAMUEL 20:2

Achotsü Israelrünü David pehjüpü Sheba khanglang wücho, ta Judarünü David te yochonyi Jordan lanü Jerusalem chii abi khanglang wücho.

JOB 15:16

Nyitsarünü amünyi tsü kih roh-i yongre; ho, nyitsarü yuje mücho; arüh amii mühle.

NENGSEKHI 14:3

Ta arüh atümung amütsilang tsiko; arüh atümung akyokyo amütsa. Arüh nyüh khüdu mii atsa nguchirü mühle, khüdusü mühle.

ISAYA 53:6

Ihsa apüm chahpehba san kyo licho, Ihsa apüm palu tsinyülang tsiko. Ta Ihsa aleng akhingchi tsü, Abüdongba-nü abi chah tikehsohcho.

ISAYA 64:6

Ihrü atümung münyirü thsacho; ihrü nguchi atsa mii apüm athrünyi du kang licho. Ihrü münyi khu ihrü amükucho ko nyübongnü fotsiba singvatpah kyo licho.

EZEKIEL 36:25

Ihnü nührü chah kih amüdhseng xahkehjünung ko kyothri ko lüpchonü nührü münyijücho lanü müsachehjünung.

ZEFANIA 1:6

Sürünü ximüla I khanglang müroro, sürünü I yang müroro mahkhang arüh nüsohnung mütsingdhingro, arüh Ihnü changjünung.”

ROMRÜ 3:12

Tsingrangba tenü atümung zako; arüh atümung tsimehko; Atsa nguchirü süsü mühle, khüdusü mühle.

2 KORINTRÜ 7:1

Jünirüti, hiri apüm Ihsa te nyengchoko. Hütsünü, Ihsa afü ko anbü mümüsaba lüpcho lanü Ihsa jangjang müsachehnung, ko Ihsanü Tsingrangba drüba la longi müsachehnung.

1 JOHAN 2:29

Khrista tsü amüsabaepü nührünü müdhele; khang sürünü tu yuje hütsü nguchiro, arüh tsü Tsingrangba tsurüepü nührünü müdhebae.

3 JOHAN 1:11

Amüi shangrü, amütsa tüithsa, ta atsa iithsang. Sünü atsa nguchiro abi Tsingrangba yo; sünü amütsa nguchiro abinü Tsingrangba müngu.

MISHACHO 22:11

Sü mütsaro abinü mütozah amütsa nguching, ko sü mümüsaro abinü mütozah mümüsa lieng; sü atsa liro abinü mütozah atsa nguching, ko sü amüsa liro abinü mütozah amüsa nguching.”