NENGSEKHI 53:2 - AMÜSA BAIBEL (BSI)

² Amüi tsurü yola Tsingrangba yangchirü ko asithsarü khürü dusü mülinangpü, Tsingrangba-nü ninglangnü dhingchahchüre.

NENGSEKHI 53:2 Iomraidhean Croise

1 ROHTHÜP 28:9

Ko Solomon te abinü yocho, “Itso, nühnü I Tsingrang müdhenung ko lasih apümnü Abi dikehnung Ihnü nüte khangre. Abinü Ihsa lümcho ko khyünyücho apüm müdhele. Nühnü Abi yang wükhang, Abinü nüh khyüchonung; ta nühnü Abi tenü zakhang, Abinü lede nengdang nüh pehjünung.

2 ROHTHÜP 15:2

ko abinü yangthsaba Asa shirünung wücho. Abinü yocho, “Iyu nyieng, yangthsaba Asa ko nührü Judarü ko Benjaminrü atümung! Nührünü Abi te litashi Abüdongba nührü te linung. Nührünü Abi yangchikhang, Abinü nührü khyang Abi shirüsohnung, ta nührünü ximüla tsikhang, Abinü nührü pehjünung.

2 ROHTHÜP 19:3

Tanye nü chah atsa khürü lile. Nühnü Ashera tsingranglarü müyurünü mübüyacho kyothri apüm pehjüko ko nühnü Tsingrangba lümcho nguchinung müküpko.”

JOB 28:28

Ko Abinü nyitsarü te yocho, “Dhing, Abüdongba jengreng drüba, hütsü lümlong; ko amünyi tenü ximülanung tsü anyichehba.”

NENGSEKHI 10:4

Akhürahrünü Abüdongba mülümxüre; Tsingrangba tsü tu mah pü abinü müthsehmüla lümre.

NENGSEKHI 102:19

Abüdongba-nü Abi Amüsa amichahba lanü dhingchahchücho, Abinü ninglangnü alih la dhingchahchücho.

NENGSEKHI 11:4

Abüdongba tsü Amüsa amübükuh la lile; ninglanglih la Abi pümji lile. Abinü apümlang nyitsarü dhingyehre ko arühnü nguchicho müdhere.

NENGSEKHI 111:10

Abüdongba drüba tsü lümlong adikeh lile; hütsü bichirü atümung khyang anyichehba atsa jüre. Abi achangka müli seing.

NENGSEKHI 27:8

“Rung ko mübüng” pü yode, “Ih ronung, Abüdongba” pü Ihnü lalingcho;

ISAYA 55:6

Abüdongba yangching Abi ngunungthsa lide, Abi amünyethsa lide Abi te dsieng.

JEREMIA 16:17

Arüh nguchi lüpcho Ihnü ngure. I tenü tusü rang mühle; I nahtse tenü arüh münyiti mütsiphu.

JEREMIA 23:24

Ihnü müngunungthsa sünüsü rangnung mükoh. Ninglang ko alih la Ih apümlang lirepü nührünü mümüdhe ang?

AZIKA YU 4:6

Hütsüri yuje cho bichieng, khang hütsünü nührü thsehdhsacho aparü yuchonü müdhenung. Khode arühnü yuzeng hi apüm yuchinang arühnü yonung, ‘Hiba yucho arangcheh hi lümlong ali ko anyicheh lile!’