8 Abüdongba, I rorüh khütango lile! Nü lümcho I khyang nguchisohng; I ronung Nü lang müchong kangsohng.
Ta nühnü hütsüta nguchi Abüdongba mükhimüngucho ngang suronung liba nü tsurü tsü sünung.”
I lasih apümnü Nüh dikehnung müküpre; Nü yuzeng lanü Ih za tülisoh.
Abüdongba, limih apüm Nü amüthrehba amüinü jeng lile; Nü yuzeng Ite doung.
Nü Amüsa Amübükuh lahpi pipü, mükhukeh Nü nengsere, tunüo Nüh müthrehba amüi ko longlangba lile, tunüo Nühnü Nü neng ko Nü yuzengti tsü amichahbaepü ngusohko.
Abüdongba, tu nguchisohnyüro, Ite doung, ko lang tsala Ih nüng, tunüo I münyehrü khütango lile.
Abüdongba, atsungti yangchi Ih Nüh yang rore; Ih ashah tükhyüsoh. Nüh Amüsaba Tsingrang; Ih khümchoung, Ihnü kihchire.
Tsingrangba-nü I rorüti arühbürü münyinü khingchisohng. Abinü arüh changjünung tunüo Abi longlangchehba.
I Tsingrang-nü Ih müire ko Ih yang ronung; I rorüti kohchehcho Abinü I khyang ngusohnung.
Abüdongba, I khyang tu nguchisohnyüro Ite young, Ihnü yuje cho hütsü nguchinung; Ihnü khakhuchüjo Nüh dikehnung thongung.
Nü nahtse müchongkhüti lieng ko nü bekhu du dhing.
I michah kih pohcho ko I sahmüchehcho; Kihdinü mülümphacho, ko lihxühnü Ih yühticho.
Isaya azikehbanü yoba nyitsarü tsü Johan hi sü nengdang abinü yocho: “Nyüh khüdunü lipilih la züdecho yuva, ‘Abüdongba lang rungnüm; Abi lang müchongkhüti külüpm!’”
Jing ajah tsü mülerohpenung, ta kyangnung nengdang lang amüchong la tsehng.