NENGSEKHI 5:7 - AMÜSA BAIBEL (BSI)

⁷ Ta Nü amüi dirachonü Ih Nü kuh la zürochehre; Nüh Amüsa mübükuh la Ihnü mübüchehre ko jengrengjo Nü jingte mükhukehre.

NENGSEKHI 5:7 Iomraidhean Croise

1 YANGTHSARÜTI 8:35

“Nü müyurünü Nüh nyüm amünyi shitpahcho ngang Nühnü tsing ranglipehde,

1 YANGTHSARÜTI 8:38

arüh dangkhidangnang lalingjüng. Nü müyurü Israelrü lasih thsangnyangnü hiba amübükuh lahpi pipü kheh dhimüsu kihchide,

NENGSEKHI 101:7

I kuh la arahkhehrü süsü mülisohnung; I yola akhürahrü süsü mülisohnung.

NENGSEKHI 130:4

Ta Nü jengreng drünungthsa, Nühnü ihrü mülang pehjüre.

NENGSEKHI 132:7

Ihrünü yocho, “Ihsanü Abüdongba kulang wünung; Ihsanü Abi pümji te mübünung.”

NENGSEKHI 138:2

Nü Amüsa Amübükuh lahpi pipü, mükhukeh Nü nengsere, tunüo Nüh müthrehba amüi ko longlangba lile, tunüo Nühnü Nü neng ko Nü yuzengti tsü amichahbaepü ngusohko.

NENGSEKHI 28:2

Ihnü arüku nengdang züdede ko Nü Amüsa Amübükuh lahpi I kheh dhimüsude Ite nyijüng.

NENGSEKHI 34:17

Amüsarünü Abüdongba te züdere, ko Abinü nyire; Abinü arüh dhsangthsi apüm lanü khümchore.

NENGSEKHI 51:1

Ite yanglilüm, O Tsingrang, Nüh amüthrehba amüi shidüm. Nü yanglilüm amülahnü I münyiti nipehjüng!

NENGSEKHI 52:8

Ta Ihlü Tsingrangba kuh la yaba olive singdong kyo lile; Ihnü Abi müthrehba amüila müchangkapü longlangre.

NENGSEKHI 55:16

Ta Ihnü Abüdongba Tsingrang te dsire, ko Abinü Ih khümchonung.

NENGSEKHI 69:13

Ta, Ihnülü Nüte kihchinung, Abüdongba; Nü bekhyah tsade laling, Tsingrangba. Nü amüthrehba amüi aichi Ite laling, tunüo khümchonung Nühnü anyengchoba yohpüre.

NENGSEKHI 69:16

Abüdongba, Nü amüthrehba amüila Ite laling; Nü amüila I yanglang ximülaang!

CHOYOH 6:16

Abüdongba-nü thrünyiba ko mürangchoba nguchi dhünyeh lile: Amüthseh, arahkheh müle, achomükeh nyitsarü müpsehba kheh, amütsa lümchung lümba lasih, amünyi nguchinung shangba jing, arahkheh mütozah cho yuzithsaba, ko shangrü yola athsangnyang chürosohba.

ISAYA 55:7

Amütsarünü arüh lang pehjüsohng, ko arüh lümlong mülihchisohng. Arühnü Abüdongba, Ihsa Tsingrang yang ximülasohng; Abi yanglilüm ko zah mülang pehjüba.

ISAYA 64:11

Ko ihrü jümürünü Nüh sechah, ihrü amübükuh, Amüsa ko atsah atsa tsü michangnü trüp-pehjüko. Ihrünü müiba müdüm apüm thsangnyang lile.

DANIEL 6:10

Khode yuzeng la tsü nengchümko pü Daniel-nü yuchicho, abinü kulang wücho. Abi kuh amunglang chongsah khüdula, Jerusalem lang pipü nyübongkhi khürü licho. Hütsüla, abi yah roh-i, khangthru liba nyübongkhi te tsü abinü nyümongla asangpi mükhukeh Tsingrangba te dangkhidangnangcho.

HOSEA 3:5

Ta Israelrünü Abüdongba ihrü Tsingrang ko arüh yangthsaba David chahnü trahchocho khüdu yang ximülanung shikhe tsü ronung. Hütsüde arühnü Abüdongba drünung ko Abi jiyü atsa tsü ngunung.

RIWÜRÜTI NGUCHI 9:31

Hütsünü Judea, Galil ko Samaria apüm la Lithro tsü atbachi shikhe khüdu thsacho. Abüdongba jengreng drü linü Anbü Amüsa atroba khu hütsü rezehchi shikhyahla zikehcho.

IBRIRÜ 4:16

Hütsüeko, Ihsanü longlangnü Tsingrangba achomang pümji yang wünung. Hütsüla Ihsa dhsütahde trochehnungthsa yanglilüm ko achomang Ihsanü ngunung.

JOSHUA 24:15

Nührünü Abi müdikehnyükhang, Mesopotamia la nührü jümürünü mübüba tsingrang dikehnung a mahkhang nührü ade liyaba Amor-rü tsingrang dikehnung, chünye throchehng. Ta Ih ko I kukhilü, ihrü Abüdongba dikehnung.”