NENGSEKHI 5:10 - AMÜSA BAIBEL (BSI)

¹⁰ Mülangjüng ko arüh khingching, O Tsingrang; Arühbürü rahla arüh changsohng. Arüh münyi khütango ko arühnü Nüh nyümcho ngang, Nü tenü arüh iipehng.

NENGSEKHI 5:10 Iomraidhean Croise

2 SAMUEL 15:31

Khode David te Ahithofel mii Absalom yola zehkopü yocho, abinü dangkhidangnangcho, “Abüdongba, yanglilüm Ahithofel athsüchiba apüm amükang kangsohng.”

2 SAMUEL 17:14

Absalom ko Israelrü atümungnü yocho, “Hushai-nü yoba tsü Ahithofel-nü yoba tenü atsaue.” Ahithofel lümlong atsa tsü münyipü Absalom chah thohdhü achangba rosohnung Abüdongba-nü throchehko.

2 SAMUEL 17:23

Khode Ahithofel-nü abi yu tsü mükhyü pü müdhecho, abinü apu gadu chah tsohkeh pümpü apu yangdi lang tsipehcho. Abinü abi nguchi apüm athsalangnü rungnüm yohpüjüpü, apu jangjangthsa hohseh sücho. Ko abi arüh tsutpu kong la dhrürangcho.

2 ROHTHÜP 25:16

Amazia-nü lalingcho, “Khode tinü ihrünü nüh yangthsaba khyang lümlong jürü kangsohcho? Yuva tüchüro, mahkhang Ihnü nüh süsohnung!” Azikehrü tsünü zahcho ta yocho, “Tsingrangba-nü nüh changjünung dhrongchehcho Ihnü müdhele, tunüo nühnü hiri apüm nguchiko ko Ihnü yocho mükhyü.”

ESTHER 7:10

Hütsüta Mordekai hohsehnung külüpba ahohsehsing la tsü Haman apu hohseh süsohcho. Hütsüpü du yangthsaba zichürocho nyehlicho.

NENGSEKHI 10:15

Akhürah ko amütsarü zii tsü thsangnyangjünung; arühnü thali amütsa münguchinungthsa arüh thsamehcho ngang khingching.

NENGSEKHI 107:11

tunüo arühnü Akohba Tsingrang Yuzeng nyümcho ko Abi athülaba mükhyücho.

NENGSEKHI 17:13

Rung, Abüdongba, I rorüti nyüm ko arüh kohng. Nü nohshengnü amütsarü khehlanü Ih khümchoung;

NENGSEKHI 31:18

Amüthsehrü ko mülahmüshirü sürünü amüsarü mülangjü choro hiri arahkhehrü atümung be hümtijüng.

NENGSEKHI 35:26

I chongcha ngu müthsamünyürü tsü khüdupinü kohjüng ko lümdhamasohng; I tenü atsauepü yorüti tsü ashah ko awahnü jengsohng.

NENGSEKHI 55:15

I rorüti akyang müchie süsohng; arüh akangnü asülihlang züdusohng. Arüh kukhi ko lasih la amünyi lile.

NENGSEKHI 66:7

Abinü müchangkapü Abi renü yangthsare, ko yuchoti michah Abinü dhingyehre. Abi nyümrü tüchürosoh.

NENGSEKHI 71:13

I berüti tsü kohjüng ko changjüng. I lerohpehjünung müküprüti tsü ashah khyüsohng ko wahsohng.

NENGSEKHI 79:12

Abüdongba, Nü nyüpmüsehba yuchoti khyang dhünyehpinü alaa jüng.

ISAYA 1:2

Abüdongba-nü yocho, “Ning ko Alih, Iyu nyieng! Ihnü nümüsuba tsuzarünü Ih nyüm yare.

ISAYA 1:20

Ta nührünü I tenü zakhang, nührü sünung. Ih, Abüdongba-nü choko.”

ISAYA 63:10

Ta arühnü Abi nyüm yacho ko Abi Anbü Amüsa mükünyangsohcho. Hütsüta Abüdongba tsü arüh rorüh kangcho ko arüh nyüm khatacho.

MESHÜ 1:5

Arorühnü kohchehko; arüh tasela abükyü bichire. Abüdongba-nü abükyü münyi khütango ngang khingchiko; Arüh tsuzarüti rang hitsiko.

DANIEL 9:5

“Ihrünü shitpahko, ihrü amünyirü, ko ihrünü thsamehko. Ihrünü Nü yocho münyiko ko Nü athsalang lanü ximülako.

DANIEL 9:9

Ihrünü Nüh nyümnye Nühnü yanglilümcho ko mülang pehjücho.

HOSEA 9:7

Müyurü palu aleng akhingchi ngunung shikhe tsü roko. Hütsü tikehde, Israelrünü müdhenung. Nührünü “Hiba azikehrü hi adohrüe, hiba athrochecho nyitsarü hi amükyangrüepü yore.” Nührünü nührü münyi dirachonü Ih dira thrünyire.

1 KORINTRÜ 3:19

Tunüo hiba limih lümlong tsü Tsingrangba jingte amüsithsa lile. Amüsa yunü yocho kyo, “Tsingrangba-nü asithsa abürü athsehdhsa la xohsohre”

AZIKA YU 2:30

“Ta yangthsaba Sihon-nü abi lih lahkhu tsinung Ihsa khyang mümülacho. Abüdongba nührü Tsingrang-nü, ade Ihsa liyaba hi abi kohcheh Ihsa khyang khyüsohnung abi hongzi nyümsohcho.

1 SAMUEL 25:29

Khürünü nüh mah kyüsehnungnye, nyitsarünü thsidi kuthsi nyahcho kyo, Abüdongba nü Tsingrang-nü nüh nyahnung ko khümchonung. Ta nü rorülü, nyitsarünü lung tsayohchüpehcho kyo abinü arüh pehnung.

1 SAMUEL 25:39

David-nü Nabal sücho yuchi abinü yocho, “Abüdongba seing. Abinü Nabal chah Ih nyüpmüsehcho nengdang rühyangko ko amüthsalang nguchinung lanü abi dikehrü tphahliko. Abüdongba-nü Nabal apu nguchi amütsa mülih khingchicho.” Hütsüpü David-nü Abigail te kukangnung tsingdhingnung müthehcho.