NENGSEKHI 4:2 - AMÜSA BAIBEL (BSI)

² Nyitsarüti, nührünü khütoichah Ih mükhimüngunung? Nührünü khütoichah amükhyu müinung ko arahkheh khanglang wünung?

NENGSEKHI 4:2 Iomraidhean Croise

NENGSEKHI 106:20

arühnü Tsingrangba ahechi tsü za tsuba kanglungrü khüdu kyothri te mülitacho.

NENGSEKHI 14:6

Amütsa nguchirünü aikyahrü alümcho jinyangjüre, ta Abüdongba tsü arüh khümchorü.

NENGSEKHI 2:1

Tuepü yanglihtinü nyüm yaro? Tuepü arühnü amükhyu rah külüpro?

NENGSEKHI 3:3

Ta, Nüh O Abüdongba, dhsürüla I tsung; Nühnü I khyang akoh jüre ko I re zehchisohre.

NENGSEKHI 31:6

Arahkheh tsingrang mübürüti Nühnü thrünyire, ta Ihlü Nü chah longlangre.

NENGSEKHI 5:6

Nühnü arahkheh chorü apüm changjüre ko shühkhatohrü ko akihyochürü thrünyire.

NENGSEKHI 50:15

Dhsangthsi mütohde Ite dsing; Ihnü nüh khümchonung, ko nühnü Ih senung.”

NENGSEKHI 57:4

Nyitsarü tsuba kihkhünying kyorü I rorütinü Ih mükangtiko. Arüh aha tsü thsuh ko tbüdeng kyole; arüh müle nohsheng akoh kyole.

NENGSEKHI 58:1

Nührü yangthsarütinü yuje yukha müjüdhingo? Nührünü atümung yu athsalangnü kharü mah-o?

NENGSEKHI 58:3

Amütsarünü akang ayung thsamehre; asurodenü arahkheh chomüsure.

NENGSEKHI 63:11

Tsingrangba-nü abi khyang kohsohchonü yangthsabanü künyangnung. Tsingrangba nengla yuchümrü atümungnü Abi senung, ta arahkhehrü be khangtijünung.

NENGSEKHI 72:2

ko nyüpmüsehrü Amüsabala shüptinungthsa abi te Nü yuje changtaang.

NÜCHEHCHO 10:3

Achotsü Mosa e Aron nyühnü wü Farao te yocho, “Abüdongba, Ibrirü Tsingrang-nü hita yore, ‘Nühnü khütoi nyahli I yocho mühnyinung? I nyitsarünü Ih mübünung shulüm arüh wüsohng.

CHOYOH 1:22

O amüsithsarü, khütoi nyahli müsithsanung? Khütoi nyahli nührünü lümlong müthsamünyünung. Nührü khodesü münyichonung do?

THSINGYURÜ 8:11

Tuepü nyitsarünü hitoi müla yuzeng thsangnyangro? Tunüo athsamehrü tsü adhsadenü mükhingchichonü.

THSINGYURÜ 9:3

Atümung yang akyokyo suro rore, ko limih la amütsa khüdu tsü hi lile. Nyitsarü akangli ayung arüh lümlong amünyi ko mükyangmüzang dunü jeng lire, ko dhrongyengnü arüh süre.

ISAYA 20:5

Sürünü Ethiopia chah dümpipü Ijip khyanglang kükhingcho, arüh nyetüpehnung, ko arüh alongdi mülinung.

ISAYA 45:17

Ta Abüdongba-nü Israelrü khümchoko, ko abükyü akohba müchangkare; abi müyurü khodesü ashah mükhyünung.’”

ISAYA 59:4

Nührünü yukhajilang würe, ta nührü alanglang müngure. Nührünü khiyu tsü kohnung arahkhehchah dümpire. Nührünü bürü dhsakehjünung du lümchung chungre.

JEREMIA 2:11

Tu yuchonüsü arüh tsingrang mümülidhing, arüh tsü yuje tsingrang müthsanye. Ta I müyurünü arüh khyang nengse hirojüba Tsingrang tsü, arüh khyang tu münguchichehjüba tsingrang te mülitako.

JEREMIA 2:5

Abüdongba-nü yore: “Nührü jümürünü Ih nyümnungthsa I chah tu dhingchehcho? Tu chahnü arüh I tenü za tsicho? Arühnü amükhyu kyothri mübücho ko arühbürü amükhyu kangcho.

JEREMIA 9:3

Arühnü lede arahkheh chonyü du lile; limih tsü yujenü yangthsanung mülih, yuje mücho dunü yangthsale. Abüdongba-nü yore, “I müyurünü amünyi khüdu khanglang khüdu nguchire, ko Ih arüh Tsingrang roh-i mükhyüchore.”

HOSEA 4:7

“Nührü bebürü alaa kangli, alaa du Ih nyüm amünyi shitpahre, hütsünü nührü adhichi ashah kangsohnung.

JONA 2:8

Amii müliba kyothri mübürünü Nüte yocho mühnyire.

KHIDHINGCHO 14:11

Abüdongba-nü Mosa te yocho, “Nyitsarü hirinü khütoi nyahli Ih mükhyüchonung? Ihnü arüh yola thsayahiya nguchi hitoi nguchinye, hirinü khütoi nyahli I chah longmülangnung?

RIWÜRÜTI NGUCHI 24:9

Ko Jihudarü zeh hiri tsü yuje-epü mülangjücho.

1 KORINTRÜ 1:31

Hütsünü, amüsa yunü yocho kyo, “Khürünü müthsehnyükhang Abüdongba la müthsehng.”

EFESIARÜ 4:25

Hütsünü, adelü arahkheh tücho! Nyitsarü müipinü ajünirü te yuje choung, tunüo Ihsa atümung Khrista fü la müjang khiyohrü lile.

1 SAMUEL 12:21

Arahkheh tsingrang khanglang tüwü; arühnü nührü mütrochehnung, mahkhang mükhümchonung, tunüo arüh tsü yujeba mah.