NENGSEKHI 32:1 - AMÜSA BAIBEL (BSI)

¹ Sürü münyi mülang pehcho, sürü thsamehcho pehjücho arüh akünyangnung.

NENGSEKHI 32:1 Iomraidhean Croise

2 SAMUEL 12:13

David-nü yocho, “Ihnü Abüdongba nyüm amünyi shitpahko.” Nathan-nü lalingcho, “Abüdongba-nü nü khyang mülang pehjüre; nüh müsünung.

NEHEMIA 4:5

Arühnü nguchiba amütsa tsü mülang tüpehjü ko arüh münyi tünbüchü, tunüo arühnü ihrü anguchirüti nyüpmüsehre.”

NENGSEKHI 103:3

Abinü I münyi apüm mülang pehjüre ko I dhsara apüm kyangjüre.

NENGSEKHI 106:3

Sürünü Abi yuzeng bichiro, sürünü tu athsalang hütsü lede nguchiro arüh akünyangnung.

NENGSEKHI 128:1

Sürünü Abüdongba yocho nyiro, sürünü Abi yuzeng bichiro arüh amüwanung.

NENGSEKHI 40:4

Sürünü Abüdongba chah yudsiro, sürünü kyothri yang müximülaro mahkhang arahkheh tsingrang mübürü yola müzehro arüh akünyangnung.

NENGSEKHI 42:1

Shümüshünü kihnatung nahmürahcho kyo, Ihnü Nüh mükhyahre, O Tsingrang.

NENGSEKHI 45:1

Ihnü yangthsaba khyang khi hi tangde, yu nyiyahnü I thoh jengko. Athrahrü atsa zütüh kyo, I müle yu chungnü jeng lile.

NENGSEKHI 52:1

Amütsa nguchila tuepü tüzümükhümro, Akurahrü? Tsingrangba amüi tsü achangka mühle.

NENGSEKHI 53:1

Adohrünü alasih la lümre, “Tsingrangba mühle.” Arüh atümung athsangnyang, ko arühnü adrünung nguchiko; atsa nguchirü süsü mühle.

NENGSEKHI 55:1

I dangkhidangnang nyijüng, O Tsingrang; I kihchicho tüpehjü!

NENGSEKHI 84:12

Akohba Abüdongba, Nü chah longlangrü khüta akünyangnung!

NENGSEKHI 85:2

Nü müyurü münyi Nühnü pehjüko ko arüh thsamehcho apüm mülang pehjüko.

NENGSEKHI 89:15

Sünü khi thsa Nüh mübüro, sünü amüi atsingsela liro arüh akünyangnung!

ISAYA 1:18

Abüdongba-nü yore, “Ade, Ihsanü müjang lümdhingnung. Nührü münyinü ashüh kyo mohnye, Ihnü nührü mürang kyo thru thsütohjünung. Nührü nyahthrüm linye, nührü sanbüh kyo thru kangnung.

ISAYA 43:25

Ta, Ih nührü mülang pehjüba Tsingrang, Ihnü hütsüta nguchi Ih sünang ngusohre. Ihnü nührü münyi mülümchehnung.”

ISAYA 44:22

Ihnü nührü münyi nyükhi kyo wohpehko. Ih yang thali rung; Ih nührü khümchoba.”

MATHI 16:17

Jisu-nü lalingcho. “Johan tsurü Simon, nüh amüwa thsaang!” “Tunüo hiba yuje hi shutsa khu mah, ta ninglang liba I U-nü nü khyang jücho lile.

YUSE ATSA LUK 11:28

Ta Jisu-nü lalingcho, “Sürünü Tsingrangba yu yuchiro ko bichiro arüh uthring khüta amüwanung!”

MISHACHO 22:14

Sürünü akang singdong chahnü singsih tsuchehnung ko yangdila tbükhüm khu züduchehnung nengdang arüh jengki thsütohro arüh amüwanung.