NENGSEKHI 3:3 - AMÜSA BAIBEL (BSI)

³ Ta, Nüh O Abüdongba, dhsürüla I tsung; Nühnü I khyang akoh jüre ko I re zehchisohre.

NENGSEKHI 3:3 Iomraidhean Croise

LIPOH 15:1

Hi khanglang, Abram-nü müngucheh khüdu ngu Abüdongba-nü abi te yo yuchicho, “Abram Tüdrü. Ihnü dhsürü lanü nüh tsungtinung ko jiyü amülah jünung.”

LIPOH 40:13

Nyümong asang kahla yangthsabanü nüh müthehnung ko nü mülang pehjüpü nüpu nguchi thali jünung. Akhudi nüh abi shing birü thsade kyo nühnü abi shing binung.

2 YANGTHSARÜTI 18:30

Ko Abüdongba chah dümpinung abi khyang nührü tükiyohchüsoh. Abüdongba-nü ihrü Assyriarü rothsarü nührü yangdi mahnung lanü yati abinü nührü khümchonungepü tülongdi.

2 YANGTHSARÜTI 18:32

nührü lih kyoba lih khüdulang, tsang ko yongkha liba limih, shükusiluh liba limih, olive tuji ko thsakukih liba limih khüdu yang Ihnü nührü nowünung. Nührünü abi yu nyikhang, nührü müsünung, ta akang linung. Abüdongba-nü nührü khümchonungepü yo Hezekia khyang nührü tükiyohchüsoh.

2 YANGTHSARÜTI 25:27

Babylon la Evilmerodak tsü yangthsaba kangba kang la, abinü Jehoiakhin akhangti lanü mütheh abi te amüi ngusohcho. Hütsü Jehoiakhin rang tsipü kang sangrepü dhünyeh choo dhüre anyüu nyümong mükyüpü dhünyeh-ula tikehcho.

NENGSEKHI 110:7

Yangthsabanü langjüp kihna lanü yongnung, rezehnung ko abinü kohnung.

NENGSEKHI 119:114

Nüh I khümrü ko I tsungtirü, Nüyula Ihnü longdire.

NENGSEKHI 18:2

Abüdongba tsü I tsungtising; Abi I roshengvi akhümkhüm. I Tsingrang tsü I tsungtising, ko Abi te Ih khümcho lile. Tsung kyo Abinü Ih nyingtire; Abinü Ih tsungtire ko khümcho yohpüre.

NENGSEKHI 27:6

Hütsünü I mükang liba arorühti michah akoh ngunung. Amübükuh la akünyangnü züde kangmübü jünung; Ihnü khi thsanung, Ihnü Abüdongba nengsenung.

NENGSEKHI 28:7

Abüdongba-nü Ih tsungtire ko khümre; Ihnü Abi chah longlangre. Abinü Ih trore ko Ih künyangsohre; Ihnü akünyang khinü Abi senung.

NENGSEKHI 4:3

Abüdongba-nü amüsarü tsü Apu yo thsanung throchehchoepü lümkehng, ko Ihnü dside Abinü yuchire.

NENGSEKHI 62:7

I akangcheh ko adhichi Tsingrangba chah du kehle; Abi I tsungtirü adiu; Abi I tsikehji.

NENGSEKHI 84:11

Abüdongba tsü Ihsa tsungtirü amüi, ko adhichinü Ihsa müwajüba ahechi yangthsabong lile. Athsalang nguchirü te Abinü atsa tusü müdhsonglire.

ISAYA 45:25

Ih, Abüdongba-nü Jakob trah apüm khümchonung, ko arühnü I neng senung.”

ISAYA 60:19

“Adelü anyümong nyü nührü atsingse müthsanung; Mahkhang amala chonu nührü atsingse müthsanung; Ih, Abüdongba nührü müchangkaba atsingse thsanung; I ahechi atsingse tsünü nührü chah henung.

YUSE ATSA LUK 2:32

Yangpirü te nü lümcho mishanung atsingse khüdu ko nü müyurü Israelrü nengdang ahechi.”

AZIKA YU 33:29

Israel, nührü khüta akünyangnung; Nührü kyo sü mühle, Abüdongba-nü khümchoba yucho. Abüdongba apu tsü nührü tsung ko nohsheng, nührü tsungtinung ko akoh jünung. Nührü rorünü kihchi ronung, ko nührünü arüh dhrümchinung.

MISHACHO 21:11

ninglangnü Tsingrangba chahnü jürochi Ite ngusohcho. Yangdi tsü thsidilung, Jasper kyo riri tehcho.

MISHACHO 21:23

Yangdi la tsü nyü mahkhang chonu atsingse müdhsütah, tunüo Tsingrangba ahechi tsünü hütsüla vire, ko Sanza tsü hütsü yo atsingse lile.