NENGSEKHI 21:3 - AMÜSA BAIBEL (BSI)

³ Amüwanung hipü Nühnü abi yang rocho ko hon kuthri athahchah thrijücho.

NENGSEKHI 21:3 Iomraidhean Croise

2 SAMUEL 12:30

Amon-rü tsingrang Milkom thah chahnü David-nü süreh sangrepü müngao amüling hon kuthri tsü khyücho. Hütsüla thsidilung zehcho ko hütsü David-nü khyo apu thah la thricho.

2 SAMUEL 2:4

Hütsüde Judarünü ro David tsü Judarü yangthsaba kangsoh müyühjü throchehcho. Gilead la Jabesh-rünü Saul me dhrürangcho yuchide,

2 SAMUEL 5:3

Hütsüta Israel zirü atümung David yang Hebron la rocho. Ko abinü arüh te anyengchotaba külüpcho ko arühnü abi müyühjü throcheh abi Israel la yangthsaba kangsohcho.

1 ROHTHÜP 20:2

Amon-rü tsingrang kyothri Milkom kuthri hon süreh sangrepü müyü-o amüling khüdu licho. Hütsüla thsidilung khüdu zehcho, hütsü David-nü khyo apu kuthrila yohcho. Hütsüpü abinü yangdila tsünü kuthsi adrong khyücho.

2 ROHTHÜP 6:41

Abüdongba Tsingrang, shemüsung ko Nü zii amüdhethsa Yuzeng Singdi te Amübükuh la tsü züdung ko hila lede lieng. Nü bebürütinü nguchicho apüm la müwajüng ko Nü tsacho ngang arüh atümung künyangsohng.

JOB 41:11

Sünü abi te ruhtapü müdhsakehnung? Limih la sünüsü hütsüta münguchicheh.

NENGSEKHI 18:18

Ih chongcha lide arühnü Ih becho, ta Abüdongba-nü Ih khümchocho.

NENGSEKHI 20:5

Hütsüde nüh akoh nguchola akünyangnü ihrünü züdenung ko nüh akoh ngucho Ihsa Tsingrang nengse khyücho mungnung. Abüdongba-nü nü kihchicho apüm lalingjüng.

NENGSEKHI 31:19

Nü jengreng drürü khyang yohpüjüba kohro atsa tsü khüta anyemüyangnung! Nüh khütoh-i atsa atümungnü müdhele, Nü chah longlangrü khüta aringnung müli khümcho liro.

NENGSEKHI 59:10

I Tsingrang-nü Ih müire ko Ih yang ronung; I rorüti kohchehcho Abinü I khyang ngusohnung.

ROMRÜ 11:35

Abi khyang jülinungthsa, lango dusü sünü abi khyang jodhingcho?”

ROMRÜ 2:4

Mahkhang nührünü abi amüi amülah, arahseh ko arangcho tsü mükhimüngure. Tsingrangba tsü amüiepü nührünü müdhele, tunüo abinü nührü lasih thsamülasohnyüre.

EFESIARÜ 1:3

Ihsa Abüdongba Jisu Khrista Au Tsingrang khyang anengse jünung! Tunüo Ihsa Khrista te kehtachonü ninglanglih anbü amüwa lüpcho abinü Ihsa khyang müwajücho.

IBRIRÜ 2:9

Ta Ihsanü Jisu, sü azachah nengdang ninglang riwürüti pohki külüpcho, hütsünü Tsingrangba achomang khu atümung nengdang sünungthsa kangcho abi ngure.

MISHACHO 19:12

Abi nahtse mihmüle kyo licho, ko athahchah kuthri adrong thricho. Abi neng apu chah thrahkeh licho, ta hütsü apu chah khu sünüsü mütsüpcho.

1 SAMUEL 16:13

Samuel-nü olive tuji khyo amungrüti betenü müyühjü throchehcho. Hütsüde tsünü Abüdongba nbü abi chah rocho ko hütsütinü abi chah licho. Hütsüpü Samuel-nü Rama lang thalicho.