NENGSEKHI 2:7 - AMÜSA BAIBEL (BSI)

⁷ Yangthsabanü yore, “Abüdongba-nü tu seyohjücho Ihnü müdhesohnung. Abinü Ite yocho, ‘Nüh I tsurü, chünye Ihnü nüh nümüsure.

NENGSEKHI 2:7 Iomraidhean Croise

2 SAMUEL 7:14

Ih abi au ko abi I tsurü thsanung. Khode abinü thsamehnang, au khüdunü atsurü khatacho kyo, Ihnü abi khingchinung.

JOB 23:13

Abi khodesü mümülichire. Sünüsü Abi münyümcheh, mahkhang Abi lümcho müyaticheh.

NENGSEKHI 148:6

Abi yuzeng khu arüh palu müdümla lede nengdang yohpücho, ko arühnü yocho mühnyinung mükoh.

NENGSEKHI 89:27

Ihnü abi I tsurü aukhuba, yangthsarüti yola adiuba kangsohnung.

ISAYA 46:10

Atikehnung tsü adikehlanü Ihnü choyohko; papadenü tu tikehnung Ihnü yoko. I lümchung khodesü mütiphehnung, ko Ihnü lümcho lüpcho nguchinung Ihnü yoko.

MATHI 16:16

Simon Peter-nü lalingcho, “Nüh Mesia, akang liba Tsingrangba Tsurü.”

MATHI 17:5

Abi chota yade, nyükhi atsingse khüdunü arüh shüticho ko nyükhi la tsünü yuva khüdunü yocho, “Hiba hi Ipu amüiba Tsurü, sü chah I long kyangre, abi yocho nyieng!”

MATHI 3:17

Ko dhing ninglangnü yuva khüdunü yocho, “Hiba hi Ihnü müiba Tsurü, sü chah I long kyangre.”

MATHI 8:29

Khüdupinü arühnü khongcho, “Ihrü chah tu nguchinyüro, nüh Tsingrangba Tsurü? Becho müchienü nüh ihrü khingchinung rocho mah-o?”

JOHAN 1:14

Yu tsü nyitsarü kangpü achomang ko yujenü jeng Ihsa yola licho; Au chahnü Atsudhre ahechi tsü Ihsanü nguko.

JOHAN 1:18

Sünüsü Tsingrangba khodesü müngudhing. Ta atsudhre, sü Au dreng chah liro, abinü mishajücho.

JOHAN 3:16

Tunüo Tsingrangba-nü limih yah müichonü abinü apu amüi tsurü jücho, sürünü abi chah yudsiro müsünung, ta lede akang ngunung.

RIWÜRÜTI NGUCHI 13:33

Nengsekhi anyüuba la thrah licho kyo: “Nüh I tsurü; chünye Ihnü nüh nümüsure.

RIWÜRÜTI NGUCHI 8:36

Anyüh jowüyade, kih azikyah licho müdüm khüdu chii rocho, ko adibong tsünü yocho, “Hila kih lile. Ih mübaptichehnungthsa tunü yatinung?”

ROMRÜ 1:4

amüsa lahpi, abi asücho lanü kanglisohcho khu Tsingrangba Tsurü thsanung zii amülah ngusohcho.

IBRIRÜ 3:6

Ta Khrista-lü Atsurü roh-i Tsingrangba Kuh michah longlangcheh axükümrü licho. Ihsa alongdi la rezeh ko longlangcheh likhang Ihsa abi kuh.

IBRIRÜ 5:5

Hütsü kyo, Khrista-nü apu nengdang amungthriba bebü adhichi mükhyü. Hütsü mülih, Tsingrangba-nü abi te yocho: “Nüh I tsurü; Chünye Ihnü nüh nümüsure.”

IBRIRÜ 5:8

Ta abi Tsingrangba Tsurü thsanye, abinü chongcha khu yochonyiba nyichocho.