NENGSEKHI 2:12 - AMÜSA BAIBEL (BSI)

¹² dhridhrinü Abi jingte mükhukehng; mahkhang Abi zii zah chüronung ko nührü dhrongyengnü sünung. Khümchosohnung sürünü Abi yang würo arüh amüwanung.

NENGSEKHI 2:12 Iomraidhean Croise

LIPOH 41:40

Ihnü nüh I yanglih michah xükümsohnung ko I müyurü apümnü nüyu nyinung. I chitunglü nü tase linung.

1 YANGTHSARÜTI 19:18

Ta Ihnü Israel la Ite yuje chorü, Baal te mümükhukehrü ko abi kyothri chah mümüthsüpdhingrü nyüh hajar dhünyeh nying yohpüjünung.”

NENGSEKHI 1:6

Amüsarü Abüdongba-nü nüre ko khümchore, ta amütsarü achangnung langla lile.

NENGSEKHI 109:20

Abüdongba, I rorüh sürünü Ih nyüm choro, hütsü kyo arüh khingching!

NENGSEKHI 2:5

Hütsüde zichüro Abinü arüh te chotanung, ko Abi rihlongnü arüh drümüyangsohnung.

NENGSEKHI 2:7

Yangthsabanü yore, “Abüdongba-nü tu seyohjücho Ihnü müdhesohnung. Abinü Ite yocho, ‘Nüh I tsurü, chünye Ihnü nüh nümüsure.

NENGSEKHI 31:20

Nühnü nyitsarü rah lanü arüh rang khümcho yohpüre; arüh rorüh müthsamünyü lanü Nühnü arüh tsikehsoh yohpüre.

NENGSEKHI 34:8

Abüdongba tsü khüta atsa nü jangjang müdheing. Abi chah tsikehrü akünyangnung.

NENGSEKHI 34:9

Abüdongba dhiching, nührü Abi müyurüti; Abi te nyirü khyang arüh dhsütah apüm jüre.

NENGSEKHI 40:4

Sürünü Abüdongba chah yudsiro, sürünü kyothri yang müximülaro mahkhang arahkheh tsingrang mübürü yola müzehro arüh akünyangnung.

NENGSEKHI 84:12

Akohba Abüdongba, Nü chah longlangrü khüta akünyangnung!

CHOYOH 16:20

Docho nyieng ko nü suro tsa linung; Abüdongba chah longlang ko nüh künyang linung.

ISAYA 30:18

Ta Abüdongba-nü nührü te yanglilümnung yingre. Abinü nührü müinung du yingre, tunüo Abinü lede atsa du nguchire. Sürünü Abüdongba chah longlangro, arüh amüwanung.

JEREMIA 17:7

“Ta sünü I chah longlangro Ihnü abi müwajünung.

HOSEA 13:2

Ade yingcheh arühnü mübünung kyothri idhsenü, taripinü nyitsarü lümchonü akhehnü trüpthri külüp amünyi shitpahre. Hütsüpü arühnü “Kangmübü jüng” pü yore. Misüpung kyothri chah nyitsarünü khüta müthsüpnung?

ZEFANIA 2:2

Abüdongba nührü chah mürode, Abi rihlong chüro nyümong müchihde, nührü Abi yang rung.

JOHAN 14:6

Jisu-nü abi te lalingcho, “Lang, yuje ko akang tsü Ih; Ih mükhupü süsü Au yanglang müwücheh.

JOHAN 5:23

abinü atsudhre khyang yukhanung tase apüm jopehko. Sünü Atsurü jengreng müdrüro, abinü abi riwüsohba Au jengreng müdrüre.

ROMRÜ 10:11

Amüsa yunü yore, “Sünü abi chah yudsinang abi sumüzahsohnung.”

ROMRÜ 9:33

“amüthikehsing lung” chah arüh müthikehcho: “Dhing, Ihnü Zion la amüthikehsing lung khüdu, arüh ngahsehsohnung yohpüre: Ta sünü abi chah yudsinang abi amüwanung.”

EFESIARÜ 1:12

Hütsüeko Ihsa Khrista chah akhu longdirütinü Tsingrangba ahechi senung!

1 PETER 1:21

Abi khu asücho lanü abi kanglisohba ko ahechi jüba Tsingrangba chah nührünü yudsire; hütsü nührü yudsi ko alongdi Tsingrangba chah lile.

1 PETER 2:6

Tunüo amüsa yunü yore: “Ihnü thsidilung khüdu throchehre, Zion la khüi jongnah lung roh-i Ihnü müdongre; Ko sürünü abi chah yudsinang khodesü müshahsohnung.”

1 SAMUEL 10:1

Hütsüpü Samuel-nü olive tuji füh khüdu khyo Saul thah chah tungkehcho ko abi chah müthsüp-pü yocho, “Abüdongba-nü nüh Israel michah yangthsanung müyühjü throchehre. Nühnü abi müyurü michah thsanung ko arüh rorüh atümung tenü tsungtinung. Ko Abüdongba-nü Abi müyurü michah nüh yangthsaba throcheh yuzi hi linung: