NENGSEKHI 17:3 - AMÜSA BAIBEL (BSI)

³ Nühnü I lasih müdhele. Nühnü aromang Ih xodhingcho; Nühnü Ih longi müchehdhingko ko I chah amünyi tu müngu.

NENGSEKHI 17:3 Iomraidhean Croise

1 ROHTHÜP 28:9

Ko Solomon te abinü yocho, “Itso, nühnü I Tsingrang müdhenung ko lasih apümnü Abi dikehnung Ihnü nüte khangre. Abinü Ihsa lümcho ko khyünyücho apüm müdhele. Nühnü Abi yang wükhang, Abinü nüh khyüchonung; ta nühnü Abi tenü zakhang, Abinü lede nengdang nüh pehjünung.

1 ROHTHÜP 29:17

Nühnü apüm lasih thsadsüre ko yuje nyitsarü te longkyangre. Yuje cho ko lasih apümnü Ihnü hiri apüm Nü khyang jüre ko hila shibülung liba müyurünü künyangseh Nü khyang amübü hirocho Ihnü nguko.

JOB 23:10

Ta Tsingrangba-nü I mütrah apüm müdhele; Abinü Ih düzodhingkhang, Ih müsa ngunung.

JOB 24:14

Anyangnyü akyüsehrünü shemüsure, ko ailümrü kyüsehnung würe ko aromang abinü führe.

NENGSEKHI 11:5

Nyitsarü atsa ko amütsa anyüding Abinü müchehdhingre; yuzeng thsangnyangrülü Abi lasih apümnü thrünyire.

NENGSEKHI 119:106

Nü athülaba nyinung Ihnü Nüte yuchümre.

NENGSEKHI 139:1

Abüdongba, Nühnü Ih thsadsüko ko Ih müdhele.

NENGSEKHI 139:23

O Tsingrang, Ih thsadsüng ko I lasih müdheing; Ih düzodhing ko I lümlong rangchehng.

NENGSEKHI 16:7

Ihnü Abüdongba sere, tunüo Abinü Ih nüre, ko aromang I lümlongnü Ih müzahsohre.

NENGSEKHI 26:2

Ih thsadsüng ko Ih düzodhing, Abüdongba; I lasih ko lümlong thsadsüng.

NENGSEKHI 39:1

Ihnü yocho, “Ihnü I nguchila müzahmükinung, ko I mülenü amünyi müshitpahsohnung; I shündhün amütsarü lide Ihnü tu müyonung.”

NENGSEKHI 66:10

Nühnü ihrü thsadsüko, O Tsingrang; michangnü taripi müchehdhingcho kyo, Nühnü ihrü thsadsüdhingko.

CHOYOH 13:3

Abe rahsehrü apu akang khümchore. Abe mürahserü dhsürü mütohre.

JEREMIA 12:3

Ta, Abüdongba, Nühnü Ih müdhele; Ihnü tu nguchiro, ko Nüh khüta müiro Nühnü ngule. Amütsarü nyitsarü hiri amüpsehnung san kyo tphah tsieng; arüh mümüpseh-ede arüh nyahng.

JEREMIA 50:20

Hütsüba bekhyah rode, Israel la amünyi mülinung ko Juda la akhürah müngunung, tunüo Ihnü rikiba nyitsarü khyang Ihnü mülangpehjünung. Ih, Abüdongba-nü choko.”

HOSEA 7:6

Ho, arühnü arüh rah tsünü taphi la kyo tahre. Müyüp arüh zichüro müci tsübümre, ko anyangnyü hütsü michang roh-i tsohphohre.

MIKA 2:1

Sürünü müyüpseh lümchung amütsa chungrü arüh ahohah! Anyangnyü tsingsede, arühnü amütsa chungba tsü nguchire.

ZEKARIA 13:9

Ko nying lirü nohlüm asanguba tsü michangnü taripi mülucho roh-i Ihnü arüh müsachehjünung. Hon roh-i Ihnü arüh müchehdhingnung. Hütsüde arühnü Ite kihchinung, ko Ihnü arüh te lalingnung. Arüh I nyitsarüepü Ihnü arüh te yonung, ko Ih tsü arüh Tsingrangepü arühnü nyengchonung.”

MALAKI 3:2

Ta Abi roba nyümong sünü rangchonung? Abi rode sünü yachehnung? Abi idhse tahchehba michang kyo apho atsa kyo linung.

RIWÜRÜTI NGUCHI 11:23

Abi khode chihcho ko Tsingrangba-nü müwajücho ngude, abi künyangcho, ko arüh lasih apümnü Abüdongba te yudsi ko yujecho linung arüh atümung thsüchicho.

RIWÜRÜTI NGUCHI 16:9

Hütsü romang Paul müngucheh khüdula Macedoniarü khüdunü abi te kihchi yocho, “Macedonia lang rung ko ihrü troung!”

1 KORINTRÜ 4:4

I lümlong müsa lile, ta hütsünü Ih achomükeh pü yuzi müjüre. I yukhaba tsü Abüdongba lile.

2 KORINTRÜ 1:12

Tunüo, shutsa lümlong la mah, ta Tsingrangba achomangnü hiba lih la ihrü akang, alathsa nührü te ihrü achingkehta amüsa ko yuje la licho müdhenü mülahre.

JAKOB 3:2

Ihsa atümungnü adrongpi thsamehre.Ta nyüh khüdunü abi yula khodesü müthsamehkhang, abi apisae, ko abinü akang apüm mii rahsehchehnung.

1 PETER 1:7

Hütsü nührü yudsi tsü yuje-epü müdhenung nengdang lile. Achangpehba hon mii michangnü düzodhingre; hütsü rangchonungthsa nührü yudsi khüi hon tenü dee awüba liro hütsüsü düzodhing. Hütsütakhang, Jisu Khrista mishaba Nyümong nührünü anengse, ahechi ko adhichi ngunung.

1 SAMUEL 24:10

Ade tsatsa lungkoh la tsü Abüdongba-nü nüh I kheh la jücho. I nyitsarünülü nüh kyüsehnung yocho, ta Ihnü dhsa lümcho ko Ihnü arüh te yocho, tuepü Abüdongba-nü throchehba yangthsarü chah kheh thahnung.

1 SAMUEL 24:12

Ihjü sü mülangnang Abüdongba-nü khaang. Nühnü Ih nyümcho nengdang abinü nüh khingchinung, tunüo Ihnülü nü chah tusü müdhsakehjünung.

1 SAMUEL 26:11

Abüdongba-nü throchehcho yangthsaba chah kheh müküdunung Abüdongba apunü Ih yatieng. Ihsanü abi thsuh ko dhomo khyüpü tsinung.”

1 SAMUEL 26:23

Yuje chorü ko amüsarü Abüdongba-nü jiyüre. Chünye abinü nüh I kheh la jücho, ta Abüdongba-nü throchehcho yangthsaba, Ihnü mükyüseh.