NENGSEKHI 14:5 - AMÜSA BAIBEL (BSI)

⁵ Tanye arüh adrünung mütohnung, tunüo yocho nyirü te Tsingrangba lile.

NENGSEKHI 14:5 Iomraidhean Croise

ESTHER 8:7

Hütsüde yangthsabanü yangthsalatpü Esther ko Jihudarü Mordekai te yocho, “Dhing, Jihudarü nyüm rah külüpcho nengdang Ihnü Haman hohsehsohko, ko abi kuthsi Esther khyang jüko.

NENGSEKHI 112:2

Nyitsarü atsa tsuzarüti limih la tase amülah linung; abi trah müwajünung.

NENGSEKHI 22:30

Aronung shangtinü Abi dikehnung; nyitsarünü aronung shang te Abüdongba nengdang yonung.

NENGSEKHI 24:6

Hitari nyitsarünü Tsingrangba yang rore, arühnü Jakob Tsingrang jingte rore.

NENGSEKHI 46:11

Akohba Abüdongba Ihsa te lile; Jakob Tsingrang tsü Ihsa tsikehsing.

NENGSEKHI 46:5

Tsingrangba hütsüba yangdila lire, ko hütsü khodesü müthsangnyangnung; anyangnyü mütoh hütsü tronung Abi ronung.

NENGSEKHI 46:7

Akohba Abüdongba Ihsa te lile; Jakob Tsingrang tsü Ihsa tsikehsing.

NENGSEKHI 53:5

Ta hütsüde arüh chah khodesü mütikehdhingcho khüdunü drümüyangsohnung, tunüo Tsingrangba-nü Abi müyurü rorüh rühlungrü shupishuzasohnung. Tsingrangba-nü arüh mükhyücho, hütsünü Israelrünü arüh sehchi kohnung.

NENGSEKHI 73:15

Ihnü hütsüri chopü likhang, Ih Nü müyurü khüdu kyo münguchi.

NÜCHEHCHO 15:16

Adrü aringnü arüh jengcho, Arühnü Nü re ngure, O Abüdongba, Nü nyitsarü, Nühnü ayurü suro lanü lehcheh müthehbati shehkhu mütside, drüseh yare.

CHOYOH 28:1

Sünü mü-iichipü amütsarünü drü tsire, ta yuje chorü kihkhünying roh-i re zeh yare.

ISAYA 12:6

Zion la lirü apüm züdesohng, ko khi thsasohng! Israel Amüsa Tsingrang tsü arangcheh, ko Abi müyurü yola lire.”

ISAYA 41:10

Tüdrü Ih nührü te lile! Ih, nührü Tsingrang, tunüsü nührü münehsohnung! Ihnü nührü rezehsohnung ko tronung; Ihnü nührü tsungtinung ko khümchonung.

ISAYA 8:10

Nührü lümchung külüpm! Ta arühnü khodesü mükohnung. Nührünü kohcho choung! Ta hütsü apüm adeng, tunüo Tsingrangba Ihsa te lile.

MATHI 1:23

“Amüdhsengcheh lazarü khüdu fü müdeng kangnung ko azarü khüdu nümüsunung, ko abi te Immanuel pü dsinung” (khüi adüzü, “Ihsa te Tsingrangba lile”)

1 PETER 2:9

Ta nührü athrochehcho yucho, yangthsaba bebürüti, amüsa yanglih, Tsingrangba apu nyitsarü, abi anyemüyangnung nguchi sobhosohnung throchehcho, sünü nührü ama lanü apu anyemüyangnung atsingse yang dsicho.

1 SAMUEL 14:15

Arüh müdongchah nyitsarü apüm drümüyangcho; amahrü ko rothsarü atümung mii adrüchonü dhridhricho; alihnü shühchicho ko nyitsarü atümung drümüyangcho.