NENGSEKHI 13:2 - AMÜSA BAIBEL (BSI)

² Khütoi nyahli chongcha rangnung? Khütoi nyahli alongrinü ama atsingse I lasih jengmülüm linung? Khütoi nyahli I rorüh khyang Ih dhrümchisohnung?

NENGSEKHI 13:2 Iomraidhean Croise

NEHEMIA 2:2

hütsünü abinü tsingdhingcho, “Tuepü nüh hitoi romih mükhümro? Nüh füdhsarülü mah, nüh tunünang mükünyang.”

ESTHER 7:6

Esther-nü lalingcho, “Ihrü rorüh, ihrü dhsümthserü tsü hivi motsing Haman lile.” Hütsüde Haman-nü yangthsaba ko yangthsalatpü nyüh chah drüseh dhingcho.

JOB 10:15

Ih amünyi shitpahyeng, Ih Nüte dhsangthsila lile, ta Ihnü athsalang nguchide, Ih tu nengse mühle. Ih chongchale ko ashahnü jengko.

NENGSEKHI 10:18

Nyüpmüsehrü ko mürürütinü züde yuchinung; Nühnü arüh phikhüm yukhanung, hütsüde asüba nyitsarünü adrünung münguchinung.

NENGSEKHI 116:3

Asüba dhsürünü Ih mükangti licho; adrünung asülih tsü I shündhün licho; Ih adrü ko alümxünü jeng licho.

NENGSEKHI 17:9

akhürahrünü mahcho lanü Ih khümchoung; tunüo arorühnü Ih mükangtiko.

NENGSEKHI 31:18

Amüthsehrü ko mülahmüshirü sürünü amüsarü mülangjü choro hiri arahkhehrü atümung be hümtijüng.

NENGSEKHI 38:17

Ih akhülurüe ko I tohdhsa müzahre.

NENGSEKHI 42:4

Atsicho bekhyah lümchehde I lasih thsangnyangre, khode Tsingrangba kulang amülung yola arüh nüpü yanglongdse wücho, mülung khüdunü khithsa züde Tsingrangba secho.

NENGSEKHI 6:4

Rung, ko Ih khümchoung, Abüdongba; Nü achomang la Ih asü lanü khümchoung.

NENGSEKHI 7:2

mahkhang I khümchorü sü mülila kih khünyingnü roh-i arühnü Ih tphah tsinung, ko zangzang Ih rehnahpehnung.

NENGSEKHI 74:10

O Tsingrang, ihrü rorünü khütoi nyahli Nüh münyüjünung? Arüh khyang lede Nü neng müthsamünyüsohnung mah-o?

NENGSEKHI 74:18

Ta O Tsingrang, lümchehng, Nü rorünü Nüh münyüjüre, ko müyudsirünü Nüh müthsamünyüre.

NENGSEKHI 8:2

Hütsü azarüti ko akhungarütinü thsako. Nü nyümrü atümung chahnü Nüh tsiphu ko khümcho lile; Nühnü Nü nyümrü masü yatichehle.

NENGSEKHI 9:6

Ihrü rorüh lede nengdang changjüko; Nühnü arüh yangditi thsangnyangjüko, Ko arüh sehseh nbüchüpehko.

CHOYOH 15:13

Khode künyang linang nyitsarünü münyüre; ta khode wahnang romih mükhümre.

THSINGYURÜ 5:17

Ihsa akang amarürah ko alongrila, wah, zichüro ko füdhsa linung du.

JEREMIA 15:18

Tuepü Ih chongcha liro? Tuepü I madhsa hi mükyangro? Tuepü mükyangchehro? Müyüde kungpehba yongkhi kyo Nühnü Ih wahsohnyürü mah-o?”

JEREMIA 45:3

“Baruk, nühnü ‘Ihnü pehjüre, ko Abüdongba-nü I dhsangthsi alaa kangsohko. Longrichonü Ih kyahko, ko Ih mükyahshangchehrepü yore!’

JEREMIA 8:18

I alongri mükyangnung; I lasih dhsangnangre.

MESHÜ 1:5

Arorühnü kohchehko; arüh tasela abükyü bichire. Abüdongba-nü abükyü münyi khütango ngang khingchiko; Arüh tsuzarüti rang hitsiko.

MESHÜ 1:9

Abükyü mümüsaba tsü abükyü longmishü chah kehcho; abükyü müngu nengdang tu mülüm. Abükyü khüluba tsü adrünung thsacho; Sünüsü abükyü mütbachijücheh. Abükyü rorütinü kohcho, ko abükyünü Abüdongba te Yanglilüm shulüm züdecho.

MESHÜ 5:20

Tuepü ihrü hitoi nyahli pehjüro? Nühnü ihrü thali mülümchehnung do?

MATHI 26:38

abinü arüh te yocho, “I lasih la alongri tsü dirachonü Ih asünung roh-i due. Hila I yola kukeng lieng.”

YUSE ATSA LUK 22:53

Amübükuh la Ih nührü yola nyümong mükhu licho ko nührünü Ih mürang. Ta amanü yangthsade, hi nührünü nguchinung bekhyah-e.”

JOHAN 16:6

Ko ade Ihnü nührü te yochonü, nührü lasih awahnü jeng lile.

ROMRÜ 9:2

I lasih la alongri amülah ko münyehliba achongcha lile.

FILIPIRÜ 2:27

Yuje abi sümüphoh dhsangnangcho. Ta Tsingrangba-nü abi te chomangcho, ko abi te du mah, ta alongri michah alongri Ihnü müngunung nengdang, Ite mii chomangcho.

1 SAMUEL 18:29

Hütsünü abinü David alaa drücho ko abi akangli ayung arorühthsa licho.

1 SAMUEL 24:19

Khodelü nyüh khüdunü abi rorüh rangpü müdhsakehjüpü tsisohro? Chünye nühnü Ite tu nguchicho hütsü ngang Abüdongba-nü nüh müwajüng!