NENGSEKHI 12:5 - AMÜSA BAIBEL (BSI)

⁵ Abüdongba-nü yore, “Ta adelü Ih ronung, tunüo müdsimükurü dhrümchire ko dhsümthserü rühchi dhsasohre. Arüh nahmürahcho roh-i Ihnü arüh phikhümnung.”

NENGSEKHI 12:5 Iomraidhean Croise

JOB 5:15

Ta Tsingrangba-nü mürürü asülanü khümchore; Abinü chongcharü asehchirü khehlanü khümchore.

JOB 5:21

Tsingrangba-nü nüh müle sühsehrü chahnü khümchonung; achangka rode Abinü nüh khümchonung.

NENGSEKHI 10:12

O Abüdongba, akhürahrüti khingchieng! Dhsa lirüti lümchehng!

NENGSEKHI 10:18

Nyüpmüsehrü ko mürürütinü züde yuchinung; Nühnü arüh phikhüm yukhanung, hütsüde asüba nyitsarünü adrünung münguchinung.

NENGSEKHI 10:5

Akhürahrü lüpchola akoh ngure; Abinü Tsingrangba yukhaba mühnyicheh; Abinü arorüh chah naking hingkehjüre.

NENGSEKHI 31:19

Nü jengreng drürü khyang yohpüjüba kohro atsa tsü khüta anyemüyangnung! Nüh khütoh-i atsa atümungnü müdhele, Nü chah longlangrü khüta aringnung müli khümcho liro.

NENGSEKHI 34:6

Ailümrünü Abi te dsire, ko Abinü lalingre; Abinü arüh dhsangthsi apüm lanü khümchore.

NENGSEKHI 73:8

Arühnü bürü münyodhingre ko mütsa chore; arüh akükhing ko bürü nyüpmüsehnung lümchungre.

NÜCHEHCHO 5:2

Yangthsabanü tsingdhingcho, “Abüdongba tsü süo?” “Tuepü Ihnü abi yu nyi Israelrü tsisohnung? Abüdongba tsü Ihnü mümüdhe; Ihnü Israelrü mütsisohnung.”

CHOYOH 14:31

Ailümrü khingchiba tsü akülüpbong Tsingrang müchümükehre; ta arüh müiba tsü Abi mübüre.

CHOYOH 18:21

Nühnü tu chonang hütsünü akang khümchonung mahkhang changnung; hütsüde nüyu khu chürochonü nüh linung.

THSINGYURÜ 4:1

Hütsüpü Ihnü hiba limih la yuje mücho apüm dhingcho. Asehtirü tsü atrorü süsü mülipü tra licho. Sünüsü arüh mütrochehcho, tunüo arüh sehtirüti tase kehcho.

THSINGYURÜ 5:8

Yangthsabanü ailümrü nyüpmüseh arüh athsalang sehticho ngu tünyemüyang. Adirü mükhu abi michah adirü khüdunü tsungtire, ko anyüding tsü anyüh michah adirü khüdunü tsungtire.

ISAYA 19:20

Arüh tsü Ijip la Abüdongba licho amüdhethsa linung. Hütsüla nyitsarüti sehchide, arühnü Abüdongba te arüku chingnung, ko Abinü akhümchorü khürü müthehnung.

ISAYA 33:10

Abüdongba-nü yuchoti te yore, “Ade Ihnü nguchinung. I tase nührü te ngusohnung.

EZEKIEL 18:18

Aunülü kihyochücho kengchocho, ko lede apüm te amütsa nguchicho. Hütsüta abi apu münyi ngang sünung.

HOSEA 7:16

Arühnü mütozah I tenü za tase müliba tsingrang yang ximülare. Akureng singthsalu kyo arüh chah longlangnung mühle. Arüh langnürütinü hongzi chochonü arüh shühkhatoh sünung ko Ijiprünü münyodhingnung.”

JAKOB 5:4

Nührü luh la nguchirü khyang nyükheh ngang müjüre. Arüh mükünyangcho tsü nyidhing! Nührü maxarü züdeba tsü Abüdongba akohba Tsingrangba nangkhila züduko.

YUKHARÜTI 10:16

Hütsüta arühnü shupa tsingrang pehjüpü Abüdongba mübücho; ko Israel chongcha nengdang abinü lümxücho.